နိဗ္ဗာန်ကြီးတွေ့ပြီ အခန်း(၇)

Share

နိဗ္ဗာန်ကြီးတွေ့ပြီ

နိဒါန်းပိုင်း အခန်း(၇)

20160215_155915နိဗ္ဗာန်အကြောင်းကို ဘုရားအလောင်း သူတော်ကောင်းတွေ မျက်မှန်းဆတော်မူခဲ့ကြဖူးတယ်။

“ဒီမှာဘက်မှာ ဒုက္ခရှိရင် ဟိုမှာဘက်မှာ သုခရှိပေလိမ့်မယ်”

“ဒီမှာဘက်မှာ မမြဲတာရှိရင် ဟိုမှာဘက်မှာ မြဲတာရှိပေလိမ့်မယ်”

“ဒီမှာဘက်မှာ မပိုင်တာရှိရင် ဟိုမှာဘက်မှာ ပိုင်တဲ့သဘောရှိပေလိမ့်မယ်” လို့ အနုမာန မျက်မှန်းဆတော် မူကြတယ်။

ဒီလိုမျက်မှန်းဆတော်မူရင်းနဲ့ လောဘ၊ ဒေါသ၊ မောဟ၊          ၊ မာန၊ ဒိဋ္ဌိတရားတွေ လျော့နည်းအောင် ကြံဆောင်တော် မူကြတာပဲ။

နိဗ္ဗာန်ကတော့ ဟောပြီးသားဆိုတော့ ဗုဒ္ဓဘာသာဝင် သူတော်စင်တွေအတွက်က ရှိတယ်ဆိုတာယုံကြည်ပြီးသားပဲ။ နိဗ္ဗာန်ကတော့ရှိတယ်။ စံဝင်တဲ့အခါလည်း နိဗ္ဗာန်ကိုမျက်မှောက်ပြုဖို့အတွက် ဒီ ရုပ်နာမ်ဒုက္ခတွေ ကပ်ပါလို့မဖြစ်ဘူး။ ရုပ်ဒုက္ခ နာမ်ဒုက္ခတွေ ချုပ်ငြိမ်းရမယ်။ ဒါကြောင့် ရုပ်နာမ်ဒုက္ခကို အပျက်ရှုရမယ်။ ဒါကတော့ သွားတဲ့လမ်းပါပဲ။

အပျက်ရှုလိုက်တဲ့အခါကျ သူ့ကို မထောက်ခံတော့တဲ့ သဘောပါပဲ။ ရုပ်နာမ်ကို မထောက်ခံမှ ရုပ်နာမ်က ချုပ်ငြိမ်းမှာ၊  ရုပ်နာမ်ကို ထောက်ခံနေရင် ရုပ်နာမ်ကချုပ်ငြိမ်းမှာ မဟုတ်ဘူး။         ဒါကတော့ သဘာဝဓမ္မ တရားဥပဒေသ အတိုင်းပါပဲ။ ဒီတော့ ရုပ်နာမ်ကို ချုပ်စေရတယ်။ ရုပ်နာမ်ကို အားမပေးရဘူး။ ရုပ်နာမ် ဖြစ်စေတဲ့ အရာတွေကို လက္ခဏာရေးသုံးပါးနဲ့ ဆင်ခြင်ရတယ် ဆိုတာကတော့ နိဗ္ဗာန်သွားရာလမ်းရဲ့ ကျင့်စဉ်ထူး ကျင့်စဉ်မြတ်ပါပဲ။

သတိပဌာန်လေးမျိုးမှာလည်း အရာရာကို အနိစ္စ၊ ဒုက္ခ၊ အနတ္တ လက္ခဏာရေးသုံးပါး တင်ကြရတာပါပဲ။ ဒီတော့ အဲဒီကျင့်စဉ်မှာတော့ ကိုယ်ကြိုက်ရာ ကိုယ်ကျင့်ကြတယ်။

ကာယကြိုက်တဲ့ပုဂ္ဂိုလ်တွေ ကာယရှု၊

ဝေဒနာ ကြိုက်တဲ့ပုဂ္ဂိုလ်တွေက ဝေဒနာရှု၊ စိတ္တာကြိုက်တဲ့ ပုဂ္ဂိုလ်တွေက စိတ္တရှု၊

ဓမ္မကြိုက်တဲ့ ပုဂ္ဂိုလ်တွေက ဓမ္မရှုပေါ့လေ၊ ဒီလိုပဲရှုကြတယ်။

တချို့လည်း နှစ်မျိုးသုံးမျိုး ရှုတာလည်းပါမှာပေါ့။ ဒါကတော့ ကိုယ့်အထုံနဲ့ ကိုယ်ပါပဲ။ အကျိုးပေးသလိုပါပဲ။

စာရေးသူတို့ကတော့ ယခုအချိန်မှာ ရှုပြီးတော့ ဓမ္မနုပဿနာ ဆက်ရှုတဲ့ အခြေအနေပါပဲ။ ဒီတော့ တရားကတော့ ရှုရမှာပဲ၊ မရှုလို့တော့မရဘူး။ ရှုမှရမယ်။ ဒါဟာ အလိုလိုရနိုင်တဲ့ သဘောတော့မဟုတ်ဘူး။ သီးချိန်တန်သီး ပွင့်ချိန်တန်ပွင့်ဆိုတဲ့ သဘောမဟုတ်ဘူး။ တရားကတော့ ကျင့်ကိုကျင့်ရမယ်၊ ရှုကိုရှုရမယ်၊ အ၀ိဇ္ဇာထုကို ခွဲကိုခွဲရမယ်။ ဒါမှ အမှန်သစ္စာကို မြင်မယ်ဆိုတဲ့ သဘောပါပဲ။ ဒီတော့အဲ့ဒီလို ဇွဲနဲ့ သတ္တိနဲ့ အ၀ိဇ္ဇာထုကို ဖြိုခွင်းလိုက်ရင်တော့ အ၀ိဇ္ဇာ ကွဲသွားရင် ၀ိဇ္ဇာပဲရှိတော့တာပါပဲ။

ဒါကြောင့် အ၀ိဇ္ဇာမှ ၀ိဇ္ဇာသို့ဆိုတာဟာ နိဗ္ဗာန်သွားတဲ့ လမ်းခရီးရဲ့ မှန်ကန်သော ဥပဒေသ တစ်ခုဖြစ်ကြောင်း သတင်းကောင်းပေးအပ်ပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန) 

This entry was posted in Buddhism and tagged , , , , , . Bookmark the permalink.

Leave a Reply

Your email address will not be published. Required fields are marked *