သိပ္ပံ၏လျှို့ဝှက်ချက်

သိပ္ပံ၏လျှို့ဝှက်ချက်

 

သိပ္ပံ၏ လျှို့ဝှက်ချက်ထဲတွင် Logical ဟူသော ယုတ္တိဗေဒနည်းကျ ဆက်စပ်မှု၊ Physical images4ဟူသော ရုပ်ဝတ္ထုကျကျ သာဓကရှိခြင်းဆိုင်ရာ လျှို့ဝှက်ချက်နှင့် Technical possibility ဆိုသော နည်းပညာဆိုင်ရာ ဖြစ်တန်ရာရှိမှု လျှို့ဝှက်ချက်များ ရှိသည်။

ပထမဖြစ်သော Logical လျှို့ဝှက်ချက်နည်းမှာ non-contradictory character ဟူ၍ သတ်မှတ်ကြသည်။ အဓိပ္ပာယ်မှာ ဆန့်ကျင်သော အနက်အဓိပ္ပာယ်ကို ထူးကဲ၍ မဖော်ဆောင်ရန် ဟူသော လျှို့ဝှက်ချက်ဖြစ်သည်။ ၎င်းကို non-contradictory character ဟူ၍ သတ်မှတ်ကြသည်။

ဒုတိယဖြစ်သော ရုပ်ဝတ္ထုပိုင်းဆိုင်ရာ သာဓက လျှို့ဝှက်ချက်မှာ non-contradictory to empirical laws ဟူ၍ သတ်မှတ်ကြသည်။ အဓိပ္ပာယ်မှာ ရုပ်ဝတ္ထု အတွေ့အကြုံဆိုင်ရာ ဥပဒေသများနှင့် အလွယ်တကူ အဆန့်ကျင်ခြင်းပင် ဖြစ်သည်။

တတိယ နည်းပညာဆိုင်ရာ ဖြစ်တန်ရာချေရှိမှု လျှို့ဝှက်ချက်မှာ being within the reach of known practical methods ဟူ၍ သတ်မှတ်ကြသည်။ အဓိပ္ပာယ်မှာ လက်တွေ့သိရှိထားပြီးဖြစ်သော နည်းနိဿယတို့၏ အတွင်း၌သာ တည်ရှိဖော်ဆောင်ခြင်းပင် ဖြစ်သည်။

ဤသုံးချက်ကို သိပ္ပံပညာရပ်က ထိန်းသိမ်းစောင့်ရှောက်လျက် ကမ္ဘာကို လွှမ်းလာခဲ့သည်။ ၎င်းတို့သည် အတွေ့အကြုံကို အခြေခံ၍ ခိုင်မာသော ယုတ္တိနည်းကျ သီအိုရီများနှင့် တင်ပြချက်များကို ဖော်ဆောင်ရာ၌ ဤသုံးချက်ကို အဓိကထား အလေးပေးခဲ့ကြသည်။ အတိုအားဖြင့် –

1) Logical – ယုတ္တိနည်းကျ ဆက်စပ်မှု

2) Physical – သဘာဝရုပ်ဝတ္ထုကျကျ သာဓကများနှင့် ဆက်စပ်မှု

3) Techninal possibility – နည်းပညာဆိုင်ရာ ဖြစ်တန်ရာချေ အတွင်းမှ တင်ပြမှု

ဟူသော သုံးချက်ကို အထူးအလေးပေးကြောင်း လေ့လာတွေ့ရှိရသည်။

သူတို့သည် ဖြစ်တန်ရာချေ စက်ဝန်းကို တိုးချဲ့နိုင်ရန် အဆင့်ဆင့် ကြိုးစားခဲ့ကြသည်။ နောက်ဆုံး Stephen Hawking ၏လက်ထက်၌ ဖြစ်တန်ရာချေ၊ မိုးကုတ်စက်ဝိုင်း အတော်အသင့် ကျယ်ပြန့်လာသည်ဟု သတ်မှတ်ကြသည်။ ထို့ကြောင့်လည်း ကိုရေးသော Stephen Hawking သည် သဘောတရားရေးရာဆိုင်ရာ ရူပဗေဒနှင့် အာကာသစကြဝဠာဆိုင်ရာ အတွေးအမြင်တို့တွင် ထင်ရှားကျော်ဇော်သော ပုဂ္ဂိုလ်ဖြစ်ခဲ့သည်။

ဤကား သိပ္ပံပညာရပ်၏ တိုးတက်စေသော လျှို့ဝှက်ချက်များပင် ဖြစ်ပါကြောင်း သတင်းကောင်း ပေးအပ်ပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , . Bookmark the permalink.

Leave a Reply

Your email address will not be published. Required fields are marked *