သိပ္ပံပညာရှင်စတီဖင်ဟော့ကင်းခေါင်းမာခြင်း

hawkingauthorphoto

ဟော့ကင်းကို သူငယ်ချင်းတွေ အများအပြား သမီးငယ် အပါအ၀င် ခေါင်းမာသည်ဟု ပြောကြသည်၊ သတ်မှတ်ကြသည်။ ကတော့မူ ခေါင်းမာသည် မဟုတ်ကြောင်း အယူအဆ ခိုင်မာကြောင်းကို ပြန်လည်ဖြေရှင်းသည်။

အခြေအနေကြည့်ရသည်မှာ ဟော့ကင်းသည် အရာရာ၏ အရင်းအမြစ်ကို သိမြင်ပုံရသည်။ ထိုအခါ အရင်းအမြစ်ကို မပြောဘဲ အသွင်သဏ္ဍန် အပရိက အပေါ်ယံကို ပြောနေသောအခါ လက်မခံဘဲ ခေါင်းမာခြင်း ဖြစ်ပေလိမ့်မည်။

ဟော့ကင်းသည် တစ်စုံတစ်ခုကို စူးစူးစိုက်စိုက် လေ့လာတတ်သော ၀ါသနာရှိရာ သူယုံကြည်မိလျှင်မူ လက်လျော့လိမ့်မည် မဟုတ်ချေ။ သူ၏ ယုံကြည်ချက်အား သူသည် ခိုင်ခိုင်မာမာ စွဲကိုင်ထားလေ့ရှိသည်။ ယင်းအချက်ကို အသိုင်းအ၀ိုင်းက ခေါင်းမာသည်ဟု           မြင်ကြသည်။ သူတို့ပြောသည်ကို လက်မခံသောကြောင့် ခေါင်းမာသည်ဟု ကောက်ချက်ချကြသည်။ သို့သော် အခြေအနေအရမှာမူ ဟော့ကင်းသည် အရင်းအမြစ် မူလဘူတကို တွေ့မြင်ထားသောကြောင့်သာလျှင် ပတ်ဝန်းကျင်က ထိုသို့ သတ်မှတ်ကြခြင်း ဖြစ်ဟန်တူသည်။ ပတ်ဝန်းကျင်သည် အပေါ်ယံ အပရိက၌သာ ၀င်စားကျက်စားလေ့ ရှိကြရာ ဟော့ကင်း၏ အတွင်းသဘောကိုမူ သိနားလည်ရန် မလွယ်ကူသဖြင့် ခေါင်းမာသည်ဟုသာ အလွယ်တကူ ကောက်ချက်ချကြခြင်း ဖြစ်ပေလိမ့်မည်ဟု ယူဆကြောင်း တင်ပြအပ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)  

This entry was posted in Frontpage and tagged , . Bookmark the permalink.

Leave a Reply

Your email address will not be published. Required fields are marked *