ပဋိပတ္တိအရာမှာ အမှန်မသိဘဲ ၀င်မစွာပါနဲ့

Share

ပဋိပတ္တိအရာမှာ အမှန်မသိဘဲ ၀င်မစွာပါနဲ့

bism3အခုတလော ပဋိပတ္တိအရာမှာ အမှန်မသိဘဲ ၀င်စွာနေကြတယ်။ သူတို့ကပဲ တရားကျင့်တယ်ဆိုတာကို အဓိပ္ပာယ် ဖွင့်ပေးနေကြတယ်။ မှန်တာလည်း မဟုတ်ဘဲနဲ့ မိုးကုတ်ဆရာတော်ဘုရားကြီး မိန့်ခဲ့တဲ့ ဖြစ်ပျက် မြင်အောင်ကြည့်၊ ဖြစ်ပျက် မုန်းအောင်ကြည့်၊ ဖြစ်ပျက် ဆုံးအောင်ကြည့် ဆိုတာကို သွယ်ဝိုက်ပြီး ကန့်လန့်တိုက်နေတဲ့ သဘောပဲ။ ဖြစ်ပျက်ကို ဘေးဖယ်ထားပြီးတဲ့နောက် စိတ်ကလေးတွေ ပြောင်းရမယ်၊ စိတ်ပြောင်းတာဟာ တရားကျင့်တယ် ဆိုပြီး ၀ါဒဖြန့်နေကြတယ်။ ထပ်ဆင့်ထပ်ဆင့်လည်း ၀ါဒဖြန့်လာကြတယ်။

ပထမ ပင်မဟောတာကတော့ ပါမောက္ခချုပ်ဆရာတော်ပါပဲ။ ဒါပေမယ့် ထပ်ဆင့်ထပ်ဆင့် သူ့တပည့်တွေက ၀ါဒ ဖြန့်လာကြတယ်။ အမှားကြီးကို ၀ါဒဖြန့်လာတာကတော့ ပဋိပတ္တိနယ်ပယ်က နားလည်တဲ့ပုဂ္ဂိုလ်က ဘယ်ခံမလဲ ဒါကတော့ ထိပ်တိုက် ရင်ဆိုင်မှာပေါ့။

တရားကျင့်တယ်ဆိုတာ လက္ခဏာရေးသုံးပါး ဆင်ခြင်ရတာ တွေ သိပါတယ်။ စိတ်ပြောင်းတာဟာ တရားကျင့်တာမှ မဟုတ်ပဲ။ အဲဒါဟာ နိုင်ငံခြားက (Psychology) ဆိုက်ကော်လော်ဂျီလိုလို ဘာလိုလိုပဲ ရှိချင်ရှိမယ်။ တရားကျင့်တယ်ဆိုတာ ၀ိပဿနာ ရှုရတာပဲ။ ၀ိပဿနာ ရှုတယ်ဆိုတာ အပျက်ရှုရတာပဲ။ အပျက်မှ မရှုချင်ဘဲနဲ့တော့ တရားကျင့်တယ်လို့ မခေါ်ပါနဲ့။

ကိုယ်တိုင်လည်း တရားကို ပေါက်မြောက်အောင် ကျင့်ဖူးတာလည်း မဟုတ်၊ သမားကောင်း ထံမှာလည်း တပည့်မခံဘူးဘဲနဲ့ ရမ်းပြီးတော့ အဓိပ္ပာယ်ဖွင့်ဆိုတာကတော့ လွန်စွာမှ ရိုင်းပါတယ်။ သာသနာဖျက်ထဲ ရောက်သွားတယ်။ သာသနာကို အဲဒီလို မလုပ်ရဘူး။ သာသနာဆိုတာ ကိုယ်သိတာပဲ ကိုယ်ပြောရတယ်။ သိတာတွေ ပြောပေါ့၊ သိတာတွေ ရှိတာကို သိပါတယ်။ ဒါပေမယ့် လွန်လွန်းအားကြီးတယ်။ မသိတာရော ဘာရော အပိုတွေ ပြောလာတဲ့ အခါကြတော့ ဗုဒ္ဓဘာသာတွေ တော်တော်နားယောင်သွားတယ်။

အခု ဗုဒ္ဓဘာသာတွေ တော်တော့ကို နားယောင်နေကြတယ်။ စိတ်ပြောင်းတယ်ဆိုတာဟာ တရားကျင့်တာ ဆိုပြီး ဆင့်ကဲဆင့်ကဲ ၀ါဒဖြန့်နေကြတယ်။ အဲဒါဟာ မှားကြောင်း ကန့်ကွက်လိုက်ပါတယ်။ နောင်ကိုလည်း ဒီလို ပဋိပတ္တိအရာမှာ ကိုယ်မသိဘဲနဲ့ ၀င်မစွက်သင့်ဘူးဆိုတာကို နားလည်ထားစေချင်တယ်။

ဘုန်းကြီးတစ်ပါးက ပြောတယ် ကိုယ့်နေရာကိုယ်နေလို့ ပြောတယ်။ အဲဒီဘုန်းကြီး ကြားရင်လည်း အဲဒါ ဘာပြောဦးမလဲ မသိဘူး။ အဲဒီဘုန်းကြီးကတော့ သပိတ်အိုင်ကိုယ်စားပြု ကိုယ်တော်ပဲ သူက “ကိုယ့်နေရာ ကိုယ်နေ” လို့ ပြောဖူးတယ်။

အခုလည်း ကိုယ်နေရာ ကိုယ်နေဖို့အတွက် ဒီပါမောက္ခချုပ်ကိုလည်း ပြောရမလို ဖြစ်နေပြီ။ ကိုယ်မသိတဲ့ နေရာတွေ ၀င်ဝင်ပြီးတော့ စွက်ပြီးတော့ ဆုံးဖြတ်သလိုလို ဘာလိုလိုနဲ့ တတ်ယောင်ကန်း လုပ်တာကတော့ အရှက်ကွဲစရာပါပဲ။ နောင် ဒီအတိုင်း တိုးလာရင် ဒီထက် အရှက်ကွဲမယ်ဖြစ်ကြောင်း သတင်းကောင်း ပေးလိုက်ပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *