ပျံ့မွှန်းမွှေးလှိုင်ကြူ -22

Share

သမုဒယကို ဘာကြောင့်ပယ်

သမုဒယကို ဘာကြောင့် ပယ်ကြရပါသနည်း ဆိုသော် မပယ်လျှင် လက်ခံရမည်သာ၊ သမုဒယကို လက်ခံလျှင် မိမိ၏ ရုပ်နာမ်၌ ဖြစ်ပေါ်သော စိတ္တသင်္ခါရ၊ ၀စီသင်္ခါရ၊ ကာယသင်္ခါရတို့သည် ဘာနှင့်ယှဉ်ကြမည်နည်း။ ၀ိဇ္ဇာနှင့်လော၊ အ၀ိဇ္ဇာနှင့်လော၊ အ၀ိဇ္ဇာနှင့်သာ ဖြစ်မည်။ သမုဒယကို လက်ခံသော သင်္ခါရတိုင်း၌ အ၀ိဇ္ဇာ ဦးစီးနေမည်သာ။ အ၀ိဇ္ဇာ ဦးစီး၍ သမုဒယကို လက်ခံသော သင်္ခါရများ ဖြစ်ပေါ်နေရသည်။ အ၀ိဇ္ဇာ ဦးစီးနေလျှင် အယောနိသော မနသီကာရ ဖြစ်မည်မုချ။ နှလုံးသွင်းများစွာ မှားယွင်းနေမည် မုချ။ နှလုံးသွင်းမှားလျက် သမုဒယ ကို လက်ခံမိချေက နောက်ကွယ်မှ ဒုက္ခသည် ထပ်ချပ်မကွာ လိုက်ပါပေလိမ့်မည်။
အ၀ိဇ္ဇာ လွမ်းမိုးမှုအောက်မှ ရုပ်နာမ်သည် အတ္တသော်၎င်း၊ အာသ၀သော်၎င်း၊ တွဲယှဉ်စီးဝင် နေတော့မည်သာ။ အာသ၀လေးပါး၌ တပါးပါးမှ ကောင်းသည့်လက္ခဏာမရှိ။ ဆင်းရဲခြင်းအတွက် ယိုစီးနေကြခြင်း ဖြစ်သည်။ ကာမာသ၀ – ကာမဂုဏ် အာရုံများနှင့် ယိုစီးသည်။ ကာမနှင့် စပ်ယှဉ်သော အာရုံခြောက်ပါး၊ ရူပါရုံ၊ သဒ္ဒါရုံ၊ ဂန္ဓာရုံ၊ ရသာရုံ၊ ဖေါဋ္ဌပါရုံ၊ ဓမ္မရုံတို့ ယိုစီးသည်။
ဘ၀ါသ၀ – ဘ၀ဖြစ်ရပ်များကို တပ်မက်သဖြင့် ယိုစီးသည်။ ကာမဘ၀၊ ရူပဘ၀၊ အရူပဘ၀ ဆိုတဲ့ ဘ၀သုံးပါး တပ်မက်သဖြင့် ယိုစီးသည်။ ဒိဋ္ဌာသ၀ – အယူအဆ လွဲမှားမှုတို့နှင့် ယိုစီးသည်။ သက္ကာယဒိဋ္ဌိ၊ သဿတဒိဋ္ဌိ၊ ဥစ္ဆေဒဒိဋ္ဌိ၊ နတ္ထိကဒိဋ္ဌိ၊ အကိရိယဒိဋ္ဌိ၊ အဟေတုကဒိဋ္ဌိဆိုတဲ့ လွဲမှားအယူအဆတွေ ယိုစီးသည်။ အမှန်တရားမှ သွေဖီဆန့်ကျင့်ရာသို့ ယိုစီးသည်။ အ၀ိဇ္ဇာသ၀ – အမှန်သစ္စာကို မသိမှုဖြင့် ယိုစီးသည်။ မိုက်မဲတွေဝေ အမှန်အမှားထင်၊ အမှားအမှန်ထင်တဲ့ ယိုစီးမှုလေးပါး တပါးပါးမှ မကောင်းပါ။
သို့ဖြစ်လျှင် သမုဒယပယ်ပါမှ အဆိုပါ မကောင်းကျိုး အားပေးသော ယိုစီးမှုများမှ လွတ်မည်ဖြစ်၍ သမုဒယအား ပယ်ထားသင့်သည် မဟုတ်ပါလား။ သမုဒယကို ပယ်ပြီးနောက် ဒုက္ခကို အပျက် ရှုသတ်ရပေ သေးသည်။ ဒုက္ခကို ရင်ဝယ်ပိုက်နေ၍ သုခမရရှိနိုင်။ ဒုက္ခ၏ အပျက်ကို ဉာဏ်လက်နက်ဖြင့် ခက်ဆစ်ဖြိုလိုက်သော အခါမှ ဒုက္ခကအဆုံး၊ သုခကအစ ဉာဏ်ပညာ၏ သဘာဝ မျက်မှောက်ပြုလို့ရနိုင်မည်။ ထို့ကြောင့် ဒုတိယခြေလှမ်းမှာ ဒုက္ခကို အပျက်ရှုပါဟူသတည်း။

ဒုက္ခအပျက်ရှုနည်း

ဒုက္ခကို အပျက်ရှုပါဟု ညွှန်ကြားရာ၌ ဒုက္ခကို မည်သို့လျှင် အပျက်ရှုရပါမည်နည်း။ ဤမေးခွန်းမှာ မေးထိုက်သော မေးခွန်းဖြစ်၍ အောက်ပါအတိုင်း ဖြေဆိုရပေမည်။ ဒုက္ခကို မပယ်ခဲ့သဖြင့် လက်ခံခဲ့သဖြင့် ဒုက္ခလှလှကြီး အကျိုးပေါ်နေပြီ ဆိုပါစို့။ မိမိဟဒယရင်ဝမှာ ဒုက္ခအပူမီး နှိပ်စက်နေပြီဆိုပါစို့ ဘာလုပ်ကြမည်နည်း။ ငါ့မှငါသာ ခံစားနေရတာဟု ယူမလား၊ ဒီလိုယူမှတ် စွဲလန်းနေတော့ကော အပူမီးက ငြိမ်းသွားမှာတဲ့လား။ အပူမီး ငြိမ်းအေးစေတဲ့နည်းက အခြားမဟုတ်၊ အဲဒီရင်ဝမှာ လောင်ကျွမ်းနေတဲ့ အပူမီးကို `ဒါ မမြဲဘူး´ `ဒါ မမြဲဘူး´ ဟု ရှုသတ်ပါ။ ရှုသတ်ဖန်များသောအခါ အပူမီးသည် တဖြည်းဖြည်း အေးငြိမ်းသွားမည်သာ။ ထို့ကြောင့် ဒုက္ခအပူမီး နှိပ်စက်မှု ခံစားနေရသော အခါတိုင်း လက်မခံနဲ့ အပျက်ရှု။ စိတ်ရှည်ရှည် ဇွဲနှင့် အသဲနှင့် ရှု အောင်ပွဲခံရမည် သာတည်း။

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , . Bookmark the permalink.

Leave a Reply

Your email address will not be published. Required fields are marked *