ပျံ့မွှန်းမွှေးလှိုင်ကြူ -30

Share

-30

သစ္စာဝါဒီ အသျှင်နန္ဒ၀ံသ (မဟာဝိဇ္ဇာ)

တရားတော် ကောက်ချက်များ

၁။ ဗုဒ္ဓ၏ သာသနာ့ အရိပ်အောက်သို့ ၀င်ရောက်ခိုလှုံခြင်းဆိုင်ရာ နည်းပညာ တရားတော် ကောက်ချက်များ။

          ၂။ နိဗ္ဗာန်ချမ်းသာမြတ်အကြောင်း တရားတော်ကောက်ချက်များ။

          ၃။ ၀ိပဿနာ နည်းပညာ တရားတော် ကောက်ချက်များ။

          ၄။ မဂ်ဉာဏ်ဖိုလ်ဉာဏ် တည်ဆောက်အား ကောင်းခြင်ဆိုင်ရာ တရားတော်များ။

          ၅။ စိတ္တာနုပဿနာ သိမှတ်ခြင်းနှင့် ရှုသတ်ခြင်း ဆိုင်ရာ တရားတော်ကောက်ချက်များ။

          ၆။ သာသနာတော် စည်ပင်သာယာစေခြင်း တရားတော် ကောက်ချက်များ။

          ၇။ တရားသိလျှင် ဘုရားရှိသည် တရားတော် ကောက်ချက်များ။

          ၈။ ၀ိပဿနာ လက်တွေ့ကျင့်ကြံ အားထုတ်ရာ၌ ကြုံတွေ့ရသောအခက်အခဲများ တရားတော် ကောက်ချက်များ။

          ၉။ သစ္စာရှင်သည် မေတ္တာရှင်ဖြစ်သည် တရားတော်ကောက်ချက်များ။

 

 

၁။ ဗုဒ္ဓ၏ သာသနာ့ အရိပ်အောက်သို့ ၀င်ရောက်ခိုလှုံခြင်း

ဆိုင်ရာ နည်းပညာ တရားတော် ကောက်ချက်များ။

 

            မြတ်ဗုဒ္ဓ၏ သာသနာတော်သည် ရုပ်နာမ်ရှိသူတို့အား ငြိမ်းချမ်းအေးမြမှုကို ပေးဆောင်နိုင်စွမ်းရှိသည်။

            ငြိမ်းချမ်းလိုသူတိုင်း မြတ်ဗုဒ္ဓ၏ သာသနာ့ အရိပ်အာဝါသအောက်သို့ ၀င်ရောက်ခိုလှုံသင့်သည်။

            ပညာရှင်တို့သည် သစ္စာတရားကို မြတ်နိုးကြသည်။ ရှာဖွေကြသည်။ ဖြန့်ဖြူးကြသည်။

            သစ္စာတရားသည် လူသားတို့အတွက် သိထိုက်သော သိသင့်သော သိအပ်သော သိကောင်းသော သိနိုင်သော အခြင်းအရာ လက္ခဏာ အမျိုးအစားဖြစ်သည်။

            သစ္စာတရားကို ရှာဖွေရာ၌ ထိုက်တန်သော ပေးဆပ်မှုများကို ပေးဆပ်ရသည်။

            ဥပမာ – ထိုက်တန်သော ကိုယ်ကျိုးစွန့်လွှတ်မှု သစ္စာတရားအား ဖုံးလွှမ်းထားသော မသိမောဟ၊ အ၀ိဇ္ဇာကို ချိုးဖောက် ချေဖျက်ရာ၌ ထိုက်တန်သော ဇွဲ သတ္တိ ၀ိရိယများ သည်းခံမြော်မြင် ဆင်ခြင်နိုင်မှု စွမ်းပကား စိတ်ရှည် ကြံ့ခိုင်မှု အင်အား စသည်တို့ဖြစ်သည်။

            ပကတိ တည်ငြိမ်မှုဖြင့် သစ္စာတရားကို ထိုးဖောက်ရှုမြင်နိုင်ရမည်။ မြင့်မြတ်မှန်ကန်သော အကျင့်တို့၌ ကြိုးစားကျင့်ကြံ အားထုတ်ခြင်းဖြင့်သာလျှင် တန်ဆာဆင်အပ်လေသည် တကား။

 

၂။ နိဗ္ဗာန်ချမ်းသာမြတ်အကြောင်း တရားတော်ကောက်ချက်များ။

 

            နိဗ္ဗာန်သည် အမြတ်ဆုံးဖြစ်သည်။

            နိဗ္ဗာန်သည် ချမ်းသာစစ်ချမ်းသာမှန်၏ အကြောင်းရင်းဖြစ်သည်။

            နိဗ္ဗာန်သို့ ဉာဏ်ပညာစခန်းဖြင့် တက်လှမ်းနိုင်သည်။ ဉာဏ်ပညာကို မြတ်ဗုဒ္ဓ သာသနာတော်၌ ရရှိနိုင်သည်။

   ပြီးပြည့်စုံသော စင်ကြယ်မှု မရှိသည့် မည်သည့်ရုပ်နာမ်မှ နိဗ္ဗာန်သို့ မစံဝင်နိုင်ပါ။

   လွှဲမှားသော စိတ်ကူးဖြင့် နိဗ္ဗာန်ကို မမြင်တွေ့နိုင်ပါ။

            ကိလေသာကို အောင်နိုင်တော်မူကြကုန်သော သူတော်စင်တို့သည်သာ နိဗ္ဗာန်နန်း စံမြန်းနိုင်တော် မူကြကုန်သည်။

            နိဗ္ဗာန်သည် အံ့သြဘွယ်ရာ ကောင်းလှစွာသော ထူးဆန်းသည့် အသင်္ခတဓာတ် အမြတ်တရားပင်တည်း။

            နိဗ္ဗာန်ဖြစ်ပေါ်လာအောင် မည်သည့် ပုဂ္ဂိုလ်ကမျှ မပြုလုပ် မဖန်တီးနိုင်။ နိဗ္ဗာန်ကို သိမြင်နိုင်ရန်သာ ကြိုးစားစွမ်းဆောင်နိုင်သည်။

            ထို့ကြောင့် နိဗ္ဗာန်သည် နူးညံ့သိမ်မွေ့လှသည်နှင့်အမျှ သိမြင်နိုင်ရန် ခက်ခဲနက်နဲလှစွာသော အမှန်တကယ်တည်ရှိသည့် အမြတ်ဆုံးတရားတော်ပင်တည်း။

 

၃။ ၀ိပဿနာ နည်းပညာ တရားတော်

ကောက်ချက်များ။

 

            *၀ိပဿနာနည်းပညာ ဘာနှင့်ရှုရသနည်း။

            ဉာဏ်ဖြင့် ရှုရသည်။

 

            *ဘာကို ရှုရသနည်း။

            ရုပ်နာမ် ဒုက္ခကို ရှုရသည်။

 

            *ရှုသည် ဆိုသည်မှာ အဘယ်နည်း။

            ဉာဏ်ဖြင့် အပျက်ဟု လက္ခဏာတင်ရသည်။

 

            *ဘယ်မှာ ရှုရမည်နည်း။

            အတွင်းရုပ်နာမ် ဘ၀င် မနောပေါက် ဓမ္မ သင်္ချိုင်း၌ ရှုရမည်။

 

            *ရှုလျှင် ဘာဖြစ်မည်နည်း။

            နိဗ္ဗာန်တွေ့မည်။

 

            *အဘယ့်ကြောင့် ပါနည်း။

            ဒုက္ခကို အပျက်ရှုသောဉာဏ်သည် ရှုလေလေ ထက်မြက်လေလေ ဖြစ်လျက် နောက်ဆုံး ဒုက္ခ အပျက်၏ နိဂုံး၌ ဒုက္ခချုပ်ရာ နိဗ္ဗူတာကို ဒုက္ခအား ကုန်ဆုံးသည်အထိ ရှုသတ်ပိုင်းဖြတ် ပယ်စွန့်နိုင်သော ဉာဏ်အရာဖြင့် သိမြင်တွေ့ရှိ နိုင်မည်ဖြစ်သောကြောင့်တည်း။

 

            *တရားမရှုလျှင် ဘာဖြစ်မည်နည်း။

            တရားမရှုလျှင် အ၀ိဇ္ဇာ တဏှာ မောင်းနှင်ရာသို့ မိုက်မဲစွာ သံသရာ၌ လှည့်ကာ ဆင်းရဲစွာဖြင့် အို နာ သေဘေး ပြေး၍မလွတ် ၀ဋ်ဒုက္ခ ခံစားရမည်။

 

၎။ မဂ်ဉာဏ်ဖိုလ်ဉာဏ် တည်ဆောက် အားကောင်းခြင်ဆိုင်ရာ

တရားတော် ကောက်ချက်များ။

 

          မည်သည့်အရာမှ အကြောင်းမဲ့ မဖြစ်ပေါ်နိုင်ပါ။ ထို့အတူ မဂ်ဉာဏ်ဖိုလ်ဉာဏ်ကိုလည်း အကြောင်းကင်းသည် အဖြစ်နှင့် မရရှိ မပိုင်ဆိုင်နိုင်ပါ။

            အရိယာတိုင်းသည် မဂ်ဉာဏ်ဖိုလ်ဉာဏ် ပိုင်ရှင်များ ဖြစ်ကြလေရာ မည်သည့် အရိယာမဆို မဂ်ဉာဏ်ဖိုလ်ဉာဏ် ရရှိပိုင်ဆိုင် ရရှိနိုင်အောင် အကြောင်းခံရသည်သာ ဖြစ်သည်။

            မဂ်ဉာဏ်ဖိုလ်ဉာဏ်ဟူသည် ဒုက္ခကို ကုန်ဆုံးချုပ်ငြိမ်းအောင် အဆင့်ဆင့် ပိုင်းခြား ပယ်စွန့်နိုင်သော ကျင့်စဉ်ရှိသူတို့ နိဗ္ဗာန်သို့ မျက်မှောက်ပြုရာ၌ အသုံးပြုသည်။

            ထက်မြက်သည်နှင့်အမျှ နူးညံ့သော သိမ်မွေ့သည်နှင့်အမျှ လေးနက်သော ပိုင်းဖြတ်သည်နှင့်အမျှ ထိုးထွင်းသော ကြည်လင်သည်နှင့်အမျှ အေးမြသော ဂုဏ်ရည်များနှင့် ပြည့်စုံသည့် ကရိယာ တန်ဆာပလာများပင် ဖြစ်သည်။

            အဆိုပါ မဂ်ဉာဏ်ဖိုလ်ဉာဏ် လက်နက်ကရိယာများကို မိမိတို့ကိုယ်တိုင် လုံလောက်သော အကြောင်းခံ တရားများဖြင့် ဖွဲ့စည်းတည်ဆောက် တိုးတက် အားကောင်းရသည်။

            ပယ်နိုင် စွန့်နိုင် သတ်နိုင် ဖြတ်နိုင်လေလေ မဂ္ဂင်အာအား ကြီးမားလေလေ ဖြစ်သည်။ ထိုးထွင်းနိုင် ဆင်ခြင်နိုင် ငြိမ်းချမ်းနိုင် အေးမြနိုင် မျက်မှောက်ပြုနိုင်လေလေ ထိုအင်အား ကြီးမားလေလေ ဖြစ်သည်။

            နိဗ္ဗာန်သည် ထိုအင်အား အကောင်းဆုံးကို ဖြစ်စေသော အငြိမ်းဓာတ်ကြီး တစ်ခုပေတည်း။

 

 

၅။ စိတ္တာနုပဿနာ သိမှတ်ခြင်းနှင့် ရှုသတ်ခြင်း ဆိုင်ရာ

တရားတော် ကောက်ချက်များ။

 

          စိတ်ဖြင့် စိတ်ကို မရှုနိုင်ပေ။ စိတ်သည် စွန့်ပယ်ရမည့် အရာဖြစ်၍ ဉာဏ်သည် တည်ဆောက်ပွားများ ရမည့် တရားဖြစ်သည်။

            စိတ်သည် ကုန်ဆုံးချုပ်ငြိမ်းရမည့် တရားဖြစ်၍ သင်္ခတနယ်အတွင်း၌ တည်ရှိသည်။ နိဗ္ဗာန်သည် မျက်မှောက်ပြုရသော တရားဖြစ်၍ မပျက်မစီးနိုင်သော အသင်္ခတဓာတ် မြတ်သော တရားထူးပေတည်း။ စိတ်သည် ပျက်စီးရန် ဖြစ်ပေါ်လာရသည့်နည်းတူ အကြောင်းမကင်းသော အပြုအပြင်ခံ ဓာတ်သဘာဝ ဖြစ်သည်။ စိတ်သည် အပျက်တည်းဟူသော ဘင်စွန်း၏ဒဏ်ကို ခံရသည့် ပျက်စီးရန် ဦးတည်နေသော သင်္ခတ အမျိုးအစားဖြစ်သည်။

            နိဗ္ဗာန်မှာမူ ထာဝရ တည်မြဲလျက်သာရှိသည်။ နိဗ္ဗာန်သည် အစ၊ အလယ်၊ အဆုံးမရှိဟူ၍၊ ဖြစ်စ၊ ဖြစ်လယ်၊ ဖြစ်ဆုံးမရှိဟူ၍ ကာလသုံးပါးမှာ လွန်မြောက်လေသည်။ ထိုနိဗ္ဗာန်သို့ စံဝင်နိုင်ရန် ဉာဏ်ယှဉ်ကြရပေ မည်။ ဉာဏ်ဆိုသည်မှာ စိတ်၏ အပျက်ကို မြင်သော စွမ်းရည်ကို ပိုင်ဆိုင်သည်။ ထို့ကြောင့် စိတ်ကို စိတ်ဖြင့် သိမှတ်နေခြင်းထက် စိတ်ကို ဉာဏ်ဖြင့် ရှုသတ်နေခြင်းက အကျိုးသက်ရောက်မှု ထူးခြားစေသည်ဖြစ်၍ အပျက်ကို အပျက်ဖြင့် မမှတ်ဘဲ အပျက်ကို မဂ်ဖြင့်သတ်ခြင်းသည် နိဗ္ဗာန်စံဝင်ရေး၏ အဓိက သော့ချက်ပင် ဖြစ်တော့သည်။

            ပယ်စွန့်ရမည့် စိတ်ကို ပွားများတည်ဆောက်ရမည့် မဂ္ဂင်ဖြင့် ရှုသတ်ပိုင်းဖြတ်ပါ ဟူသတည်း။

 

ဆက်လက်ဖော်ပြပါမည် .. ..

 

 

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *