ပျံ့မွှန်းမွှေးလှိုင်ကြူ -24

Share

အတွင်းအောင်မြင်ခြင်း

            လူသည် အတွင်းအောင်မြင်ရန် အထူး အရေးကြီးလေသည်။ အတွင်းအောင်မြင် ပြီးစီးသွားလျှင် အပြင်အတွက် ပူပန်စရာ မလိုတော့ချေ။ အတွင်းသည် အနှစ်သာရပိုင်းဖြစ်၍ အပြင်သည် အသွင်သဏ္ဍန်ပိုင်း ဖြစ်သည်။ အနှစ်သာရပိုင်း အောင်မြင်ပြီးလျှင် အသွင်သဏ္ဍန်ပိုင်းအတွက် အကြောင်းပြုစရာ မလိုတော့ချေ။ အကြောင်းလဲ ပြုတော့မည် မဟုတ်တော့ချေ။

လူသည် အပြင်ကို မမှီခိုအပ်၊ အတွင်းအောင်မြင်နိုင်ရေးအတွက်သာ မှီခိုအပ်သည်။ အတွင်းသည် အောင်မြင်နိုင်ခဲ၏။ အတွင်းတကာ့ အတွင်းပိုင်းတို့တွင် စိတ်၏ ဟိုး အတွင်းပိုင်းကို အောင်မြင်နိုင်မှသာလျှင် အမှန်တကယ် အတွင်းအောင်နိုင်သူ ဖြစ်နိုင်ပေမည်။ သာမန်မျှ အောင်မြင်မှုမျိုးသည် အမှန်တကယ် လောကဓံနှင့် ရင်ဆိုင်တွေ့ကြုံရသောအခါ လှုပ်ရှားနိမ့်ကျ တတ်ပေသေးသည်။

အမှန်တကယ် အတွင်းအောင်မြင်သူမှသာလည်း လောကဓံကို ဖြတ်သန်း ကျော်လွှားနိုင်မည်ဖြစ်သည်။ အတွင်းမှ မီးပွားသည် အမိုက်ကစ ပြဿဒ်မီးလောင်းနိုင်ပေသေးသည်။ မီးစကို အကြွင်းအကျန် မထားသင့် သကဲ့သို့ ကိလေသာမီးကိုလည်း အကြွင်းအကျန်ပင် မထားဘဲ အားလုံးကုန်ဆုံးချုပ်ငြိမ်းသည်အထိ ရှုသတ်သင့် သည်သာဖြစ်သည်။ ကိလေသာသည် နည်းရာမှ များလာတတ်သေးသည်ဖြစ်ရာ လုံးဝချုပ်ငြ်ိမ်းသွားမှ ကောင်းမည် ဖြစ်သည်။

`´ လောကမှ လွန်မြောက်ခြင်းတရားမှာ တော်ရုံတန်ရုံ ဇွဲနှင့်တော့ မဖြစ်နိုင်ချေ။ လွယ်လွယ်ကူကူနှင့် ဖြစ်နိုင်ကောင်းသော အရာလည်း မဟုတ်ချေ။ အထူးသဖြင့် သံသရာမှ မျိုးစေ့ ခိုင်ခိုင်လုံလုံ ပါမလာလျှင် အတော့ကို ဇွဲနှင့် အသဲနှင့် ကျင့်ကြံအားထုတ်ရန် လိုအပ်သည့် ချမ်းသာဖြစ်သည်။

ချမ်းသာမှုမှာလည်း အထွတ်အမြတ်ဆုံးဖြစ်၍ ကျင့်ဆောင်ရာမှာလည်း အထွတ်အမြတ်ဆုံးသာ ဖြစ်ပေလိမ့်မည်။ ပြောကောင်းရုံ စားကောင်းရုံ ကျင့်ကြံ၍တော့ လားလားမျှ အပ်စပ်နိုင်မည် မဟုတ်ချေ။ ရေစုန်မျော နို့စက်ခံ နေ၍လည်း အရာမရောက်နိုင်ချေ။ မြတ်သော မနောထားကို အပြီးအပိုင် မွေးမြူသိမ်းပိုက်ကာ ထက်သန်သောဇွဲနှင့် ကြိုးစားပါမှ တော်ကာကျမည့် လောကုတ္တရာ ချမ်းသာ အမျိုးအစား ဖြစ်သည်။

ညာသံပေး လေလှိုင်းထုတ်နေ၍တော့ ကိစ္စမပြီးနိုင်ချေ။ တို့ကာ ထိကာ ကျင့်လျှက် ဇိမ်နှင့် မှေးနေရုံမျှ ဖြင့်လည်း တရားမပြည့်စုံနိုင်ပေ။ ပြတ်ပြတ်သားသား ပိုင်းခြားနိုင်သော ဉာဏ်တော်မျိုးကို အမွေရရှိပိုင်နိုင်မှ သာလျှင် ဖြစ်ကောင်း ဖြစ်နိုင်ပေမည်။

ဝဋ်ဒုက္ခမှ ကျွတ်လွတ်နိုင်လောက်သော ပါရမီဆိုသည်မှာလည်း သာမည ပါရမီမျိုးမဟုတ်ချေ။ အမှန်တကယ် ဟုတ်တိပတ်တိ ကျင့်ဆောင်ပြည့်စုံရသည့် ပါရမီမျိုးသာ ဖြစ်ပေသည်။ သာမည လေသံပစ်နေရုံမျှ နှင့် ပါရမီသည် ပြည့်စုံလာလိမ့်မည်မဟုတ်ချေ။ အင်အားကောင်းလာနိုင်လိမ့်မည် မဟုတ်ချေ။ ထိထိမိမိ တိတိကျကျ ကျင့်ဆောင်လျက် အမှောင်ထဲမှ လက်တွဲခေါ်သော ဆရာသမားမျိုးနှင့် တွေ့ပါမှ ဖြစ်နိုင်ရာချေ ရှိမည်ဖြစ်သည်။ သို့မဟုတ်ပါမူ စမ်းတ၀ါးဝါး ချောက်ကမ္ဘား၏ နှုတ်ခမ်းသားဝယ် အတွယ်အတာမဲ့ ယဲ့ယဲ့မျှသာ တည်တံ့နိုင်ပေမည်။

ဉာဏ်ပညာစခန်း တက်လှမ်းရာ၌လည်း သာမန်မျှလောက်ကို တော်လောက်ပြီ တန်လောက်ပြီ ဒီလောက်ဆို မဆိုးတော့ပါဟု မယူဆအပ်ပေ။ အပြတ်အသတ် အောင်ပွဲခံယူသူတို့၌ ရရှိအပ်သော အပြတ်အသတ် စွဲမြဲစွာ ကြိုးစားခြင်းမျိုးရှိဖို့ လိုအပ်လှပေသည်။ ဉာဏ်ပညာဟူသည်မှာ ပိုင်းခြား ပြတ်သားတတ်လေ့ ရှိရလေရာ ပြတ်ပြတ်သားသား ပိုင်းခြားတတ်လျှင်ပင် လိုအပ်သော အရည်အချင်းများအတွက် လုံလောက်သွားနိုင်ပေသည်။

လောကုတ္တရာမှာ တသံသရာလုံးက ပါလာသော စရိုက် အထုံများကို ဖြတ်သတ် ပယ်စွန့်ရသည်ဖြစ်၍ အထူးပင် ကြံ့ခိုင်သော ဇွဲ ထားရှိရန်လိုအပ်ပေသည်။ စိတ်တို့သည် သင်္ခါရ အစားထိုးလာတတ်သည်ဖြစ်၍ ဆက်ကာဆက်ကာ သင်္ခါရ အင်အားမကုန်မချင်း စိတ်ရှည်ရှည် ရှုသတ်ဆင်ခြင်ကြရသည်။ သင်္ခါရ အစားထိုးမှု မကုန်မချင်း ဒုက္ခ မချုပ်ပေ။ ဒုက္ခတစ်ကြိမ်ချုပ်ငြိမ်းဘူးလျှင် ဒုက္ခချုပ်ကြောင်းကို သိသောဉာဏ်မှာ ချုပ်ငြိမ်းအောင် ရှုသတ်နိုင်ခြင်းဖြင့် ရရှိလိုက်သော ဉာဏ်အရာပင်ဖြစ်သည်။

ဒုက္ခချုပ်ငြိမ်းပုံကို မည်သည့်အရာဖြင့် သိနားလည်အပ်သနည်းဟု အမေးရှိသော် ဤသို့သော အဖြေမျိုး ကိုသာ ပေးရမည်ဖြစ်သည်။အဘယ့်ကြောင့်ဆိုသော် ဒုက္ခကို ချုပ်ငြိမ်းအောင် ရှုသတ်နိုင်သောသူ၌ ဒုက္ခချုပ်ငြိမ်းမှု ကြီးကို သိအပ်သောအရာသည် မရှိ၍ မဖြစ်နိုင်သောကြောင့်ပင်တည်း။

ဒုက္ခချုပ်ငြိမ်းသောအခါ အားလုံးချုပ်ငြိမ်းသွားသည်ဟု မယူဆအပ်သေးချေ။ ဒုက္ခများ ချုပ်ငြိမ်းသွားသည် ဖြစ်၍ ချမ်းသာသွားပြီဖြစ်သော ဉာဏ်အရာ၏ အေးငြိမ်းမှုကို ဉာဏ်အရာဖြင့်ပင် ဆင်ခြင်ကြည်နူး နိုင်သေးသော ကြောင့်ဖြစ်သည်။ ဒုက္ခကို ချုပ်ငြိမ်းအောင် ရှုသတ်လိုက်နိုင်သော ဉာဏ် အရာဆိုသည်မှာလည်း သာမည ဉာဏ်အရာမျိုး မဟုတ်ချေ။ ဒုက္ခ အမျိုးမျိုးတို့ကို တစ်ခုစီ တစ်ခုစီ ချုပ်ငြိမ်းပျက်စီးစေရန် တစိုက်မတ်မတ် ရှုသတ်ခဲ့သည့် ပါရမီတော် ဉာဏ်အရာမျိုးဖြစ်သည်။

ထိုဉာဏ်အရာသည် ပြီးပြည့်စုံသော ဉာဏ်အရာဖြစ်၍ လိုလားအပ် တောင့်တအပ်မြတ်သော အရည်အသွေးများဖြင့် စင်စင်ကြယ်ကြယ် ပြည့်လျှမ်းနေသော ဉာဏ်အရာ အမျိုးအစား ဖြစ်ပေသည်။ ဤ ဉာဏ်တော်မျိုးကို တည်ဆောက်ရာ၌ လူသာမန်တို့ မကြံစည်နိုင်၊ မကျင့်ဆောင်နိုင်သော ကျင့်စဉ်နှင့်အတူ လျှမ်းလျှမ်းတောက် အရည်အသွေးများဖြင့် တည်ဆောက်ခဲ့ရခြင်းဖြစ်သည်။

အထုံစရိုက် ဓလေ့များက မွန်မြတ်သည်နှင့်အမျှ ကိုယ်ပိုင်ဉာဏ် အမြော်အမြင်ဖြင့်လည်း ကွပ်ကဲပြုမူ လုပ်ဆောင်တတ်လေ့ ရှိခဲ့ရပေသည်။ အတွေ့အကြုံ အမျိုးမျိုးတို့ကို ဖြတ်သန်းကျော်လွှားရလျက် ဟုတ်ရာမှန်ရာ အကျိုးရှိရာတို့ကို ဦးဆောင်လုပ်ကိုင်နိုင်ရန် ထိုးထွင်းကြံဆခဲ့ရလေသည်။ ဤဉာဏ်တော်မျိုးကို အာဇာနည်များ သည်သာ အောင်အောင်မြင်မြင် တည်ဆောက်နိုင်တော် မူလေ့ရှိကြသည်။

ပါရမီဆိုသည်မှာ နည်းနည်းစီ ဖြည့်စွမ်း ရသည်လည်းရှိသည်။ အပြတ်အသတ် အားထုတ်ရသည် လည်းရှိသည်။ ပုံမှန် အေးအေးဆေးဆေး အကွက်ကျကျ ချက်ကျကျ ရေရှည်စီမံ၍ စီစဉ်ဆောင်ရွက် ရသည်လည်းရှိသည်။ ပုံမှန်ဆောင်ရွက်ရာတွင် အကျိုးအကြောင်း ပုံသေတွက်ကိန်းချ လုပ်ကိုင် ဆောင်ရွက်ရသည် လည်းရှိသည်။ လိုအပ်လာပါက ထိုးထွင်းကြံဆ တည်ထွင်ဖန်တီး လုပ်ဆောင်ရသည် လည်းရှိသည်။ မည်သို့ဆိုစေ ပါရမီအား တိုးပွားစေရန် ဆင်ခြင်ဉာဏ်ကို ကွပ်ကဲ၍ လမ်းမလွဲစေရန် ထိန်းသိမ်းစောင့်ရှောက် ပဲ့ကိုင်စွမ်းဆောင် သွားရသည်သာဖြစ်သည်။

စိတ်ရှည်ရခြင်း၊ သည်းခံရခြင်း၊ ဇွဲဝိရိယရှိရခြင်း၊ နိုးကြားတက်ကြွရခြင်း၊ ဉာဏ်အမြော်အမြင်ရှိရခြင်း၊ ကျေးဇူးတုံ့ပြန်တတ်ရခြင်း၊ လူမှုဆက်ဆံရေး သိနားလည်ရခြင်း၊ ဖြစ်လတံ့သော အခြေအနေကို ကြိုတင် သိမြင်နိုင်ရခြင်း၊ အမှန်တရားဘက်မှ သတ္တိရှိရှိ ရပ်တည်နိုင်ရခြင်း၊ ရင်ဆိုင်ရဲရခြင်းများ စသော အရည်အချင်းများ ကို ကြိုးစားမွေမြူထားရသည်သာ ဖြစ်လေသည်။

ဤ အရည်အချင်းများသည် လောကဓံ အမျိုးမျိုး တွေ့ကြုံရင်ဆိုင် ဖြတ်သန်းရသော အခါ၌ ပကတိ တည်တည်ငြိမ်ငြိမ် အောင်မြင်ကျော်လွှားနိုင်စေရန် ကြိုးစားမွေးမြူထားရသည့် အရည်အချင်းများပင် ဖြစ်နေကြပေ သည်။

လောကဓံတရားကို ရင်ဆိုင်ရာ၌ စိတ်ဓာတ်ခိုင်ခံ့ခြင်းသည် အထူးပင် အရေးပါ အရာရောက်လှပေသည်။ မည်သူမဆို အဖြစ်အမျိုးမျိုး တပြောင်းပြန်ပြန် ကျင်လည်ရသော ဤလောက၀ယ် လောကဓံ လှိုင်းဂယက်များကို အနည်းနှင့်အများ ဆိုသကဲ့သို့ တွေ့ကြုံရင်ဆိုင်နေကြရမည်သာ ဖြစ်သည်။

ထိုအခါ စိတ်ဓာတ်ခိုင်ခန့်မှု သည်းခံစိတ်ရှည်မှု အမြော်အမြင်ကြီးမှု သတ္တိ ဗျတ္တိရှိမှုတို့သည် အမှန်တကယ် လိုလားအပ်သော အရည်အချင်းများပင် ဖြစ်နေကြလေသည်။ လူသာမန် စိတ်ပျော့ညံ့သူ ဇွဲမရှိသူများသည် ကြီးမားနက်ရှိုင်းသော အောင်မြင်မှုများကို လက်ဝယ်ရရှိနိုင်ရန် ခက်ခဲနေကြလိမ့်မည်သာ ဖြစ်သည်။

အကြောင်းမှာ ကြီးကျယ်သော အောင်မြင်မှုများကို ဇွဲမပါဘဲ စိတ်ဓာတ်မခိုင်ခံ့ဘဲ၊ မရရှိ မခံစား နိုင်ခြင်းကြောင့် ဖြစ်လေသည်။ လောကုတ္တရာ အောင်မြင်မှုသည် သမည အောင်မြင်မှုမျိုး မဟုတ်သဖြင့် အထူးပင် မွန်မြတ်သန့်စင်သော အရည်အချင်းများ လိုအပ်ကြောင်း နားလည်သဘောပေါက် ထားရမည်သာ ဖြစ်သည်။

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *