ပျံ့မွှန်းမွှေးလှိုင်ကြူ -23

Share

တဏှာကို အဘယ်ကြောင့်

ပယ်ရသနည်း

တဏှာကို လက်ခံခြင်းသည် ယုတ်ညံ့ခြင်းပင်ဖြစ်သည်။ တဏှာကို မအောင်နိုင်သေးသည်ထားဦး အောင်နိုင်ရမည့်တရားဟု နားလည်ထားသင့်သည်။ တဏှာသည် အားလုံးသော ဒုက္ခ၏ အရင်းအမြစ်ဖြစ်သည်။ တဏှာကိလေသာ ကင်းစင်တော်မူပါပေသော မြတ်စွာဘုရားအား ကြည်ညိုသူတို့သည် တဏှာကို အားပေး၍ မဖြစ်နိုင်ပေ။ တဏှာစင်မှ ဘာဝနာမင်မည်။ တဏှာကင်းမှ အလင်းရမည်။ တဏှာမကုန်လျှင် ဘာဝနာ မစုံလင်ဘဲ ခုံမင်တပ်မက်မှုဒဏ် ရုပ်နာမ်ခံရမည်။ တပ်မက်စရာ မဟုတ်သည်ကို တပ်မက်သဖြင့် မဖြတ်ရက်ဘဲ အပြတ်ငဲ့နေလျှင် တရစပ် နှဲ့နေသော နာကျင်သည့် ဝေဒနာ အသေအချာခံရမည်။

တဏှာစင်လျှင် သဒ္ဓါဝင်၍ ကြည်လင်သည်။ တဏှာစင်လျှင် သီလစင်သည်ဖြစ်၍ သီလစင်ကြယ်သော် သမာဓိ တည်ငြိမ်လာသည်သာ၊ သမာဓိ တည်ငြိမ်လာသော် ပညာဉာဏ်ထိုးထွင်း၍ အလင်းဆောင်လိမ့်မည်။ ၀ိဇ္ဇာဉာဏ် ဦးစီးလိမ့်မည်။ တဏှာမရှိလျှင် ဥပါဒါန်လည်း မရှိနိုင်တော့ချေ။ တဏှာသည် လိုရင်းပင် ဖြစ်နေချေ တော့ပြီတည်း။

တဏှာသည် ကြောက်စရာကောင်းသည်ဆို၍ လွန်စွာမှ တုန်လှုပ်ချောက်ချားနေစရာ မလိုပေ။ အကြောင်းမပြုရန်နှင့် အလိုမလိုက်ရန်ပင်ဖြစ်သည်။ လက်မခံရန်နှင့် ပယ်စွန့်ရန်ပင်ဖြစ်သည်။ မငဲ့ရန်နှင့် မိုင်တွင်းမနက်ရန် ပင်ဖြစ်သည်။ တဏှာသည် ကုန်ဘို့မလို၊ ပယ်ဘို့လိုသည်။ အကြောင်းမှာ တဏှာသည် မပယ်သေးသမျှ မကုန်နိုင် မခန်းနိုင်သောကြောင့်ပင်တည်း။ ပယ်စွန့်ပြီးမှ ကုန်ခန်းနိုင်မည် ဖြစ်သောကြောင့် ပင်တည်း။

ထို့ကြောင့် တဏှာကုန်ခြင်းထက် တဏှာကုန်အောင် ပယ်စွန့်ခြင်းက ပို၍ လက်တွေ့ကျသည်။ တဏှာ စီးဝင်စေမည့်အစား ရတနာသုံးပါး ဦးထိပ်ထား၍ တရားမှာ ဉာဏ်သက်ဝင်နေခြင်းက ပိုမိုမြင့်မြတ်သည်။ တဏှာသည် ပယ်စွန့်ရမည့် အရာမျှသာတည်း။ တဏှာကို မမုန်းနိုင်လျှင် ဒုက္ခကို မုန်းလိုက်ပါ။ ထို့နောက်မှ အော် . . .ဒုက္ခဖြစ်ရတာ တဏှာကြောင့်ကိုးဟု မြော်မြင်ဆင်ခြင် ဆုံးဖြတ်သတ်မှတ်လိုက်ပါ။ တဏှာလက်ခံရမှာ နောက်တွန့်သွားပါလိမ့်မည်။ တဏှာသည် တပါးသူ၌မတည် မိမိရင်ထဲ၌တည်သည်။

တဏှာဖြစ်ပေါ်လာသမျှသည် တပါးသူအပေါ်၌ မဟုတ်။ မိမိရုပ်နာမ် ဟဒယအပေါ်၌ ဖြစ်သည်။ ကာမတဏှာ၊ ဘ၀တဏှာ၊ ၀ိဘ၀တဏှာ မည်သည့်တဏှာမဆို ကာယကံရှင်၏ ရင်ထဲမှာဘဲဖြစ်ပေါ်သည်။ ထို့ကြောင့် ကိုယ့်ရင်ထဲကတဏှာကို ကိုယ်ပိုင်ဉာဏ်နှင့်ပယ်ပါ။ ချမ်းသာလာပါလိမ့်မည်။ တဏှာကို အလိုလိုက်လျှင်တော့ အမိုက်စော်ကား ဖြစ်လာပါလိမ့်မည်။ တဏှာ နိရောဓော နိဗ္ဗာန္နံဆိုတော့ တဏှာချုပ်လျှင် နိဗ္ဗာန်ပါဘဲ။ တဏှာပွားလျှင် နှင့်ဝေးမည်။ တဏှာသည် ပွားနေသမျှ မကုန် ပယ်စွန့်လိုက်တော့ကုန်သည်။ တဏှာသည် လက်ခံနေသမျှ အားတက်နေမည့် မကောင်းဆိုးဝါးမျှသာတည်း။ တကွေ့ကွေ့ ဒုက္ခပေးမည့် မာရ်နတ်တည်း။

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *