ပျံ့မွှန်းမွှေးလှိုင်ကြူ -16

Share

 

ကိုယ်ကျိုးစွန့်လွှတ်မှု

            သစ္စာတရားကို ရှာဖွေမြတ်နိုးကြသူတိုင်း ထိုက်တန်သမျှတော့ ကိုယ်ကျိုးစွန့်လွှတ်ကြရလေ့ ရှိပေသည်။ သစ္စာတရားရရာရကြောင်း နည်းလမ်းကောင်းများကို ရှာကြံဆည်းပူးရင်း အတ္တကိုယ်ကျိုး မငဲ့ကွက်ဘဲ အနစ်နာခံခြင်း၊ သည်းခံခြင်း၊ ခွင့်လွှတ်ခြင်း၊ စေတနာ ဖြူဖြူစင်စင်ထားခြင်း မေတ္တာသန့်စင်ခြင်း သဘောထား ပြည့်ဝခြင်း၊ တပါးသူအကျိုးကို လိုလားခြင်း၊ စသည်တို့ကို မွေးမြူရသည်သာဖြစ်သည်။ တရားလိုချင်ပါလျက် အတ္တကိုယ်ကျိုး ငဲ့ကွက်လွန်းနေ၍ မဖြစ်နိုင်ပေ။ တဏှာ လောဘ တတ်နိုင်သမျှ ချိုးနှိမ်ရပါလ်ိမ့်မည်။

            သာယာမှုကို တပ်မက်နေ၍ မဖြစ်နိုင်ပါ။ အတ္တာနုဝါဒီ အဖြစ်မှ မိမိကိုယ်ကို ပယ်စွန့်ရမည်သာ ဖြစ်သည်။ တရားရလိုသည်မှာ အမှန်ပင်ဖြစ်စေ အထက်ဖေါ်ပြပါ အရည်အချင်းများကို မမွေးမြူနိုင်လျှင် တရားရရန် ခက်ခဲသွားနိုင်ပေသည်။ ယောဂီများ သတိချပ်သင့်ကြပေသည်။ လိုရင်း ခြုံငုံပြောရပါလျှင် တရားလိုချင်က ကိုယ့်ကိုယ်ကို ခင်မင်ငဲ့ညှာမနေပါနှင့်၊ ကိုယ့်ကိုယ်ကို ရှုသတ်ပါဟူသတည်း။

            အခြားတဘက်မှာမူ ဘုရားရဟန္တာ သူတော်စင်များကို ကန့်လန့်တိုက်သူများနှင့် အပေါင်းအသင်း မလုပ်ရန်ပင်ဖြစ်သည်။ ဘုရားက အနိစ္စ ဟောပါလျက် နိစ္စမြဲရန်၎င်း၊ ဒုက္ခ ဟောပါလျက် သုခယူဆ၍၎င်း၊ ဟောပါလျက် အတ္တ၀ါဒ ယူဆနေသူကို ဝေးဝေးရှောင်ရန်ဖြစ်သည်။ မိမိရည်ရွယ်ချက်မှာ ရောက်ရန် စံမြန်းရန်ဖြစ်ရာ ရောက်ကြောင်းမဟုတ်သော လောကီကိစ္စများ၌ အထူးဝင်စားနေစရာ မလိုပေ။

            တကြောင်းတည်း၊ တဖြောင့်တည်း နိဗ္ဗာန်နန်းသို့ ချီတက်ရမည်ဖြစ်၍ လမ်းစဉ်တလျောက် ဆူးငြောင့်ခလုပ်များ တွေ့ကြုံရပါက ရှင်းလင်းပစ်ရမည်သာဖြစ်သည်။ ဖင့်နွဲ့လေးကန်မှုများကို တွန်းလှန်ရပါမည်။ တွေဝေမိုက်မဲမှုများကို ကျောခိုင်းရပါမည်။ သို့မှသာ လိုရင်းစခန်း ပြီးမြောက်အောင်မြင်နိုင်မည်။

            မိမိဘာသာ တစ်ဦးတည်း နိဗ္ဗာန်ရောက်ရန် ကြိတ်ကြံကာ လိုအပ်သော ကျင့်စဉ်များကို ကျင့်ကြံနေဖြစ် ရန် အရေးကြီးလှပါသည်။ (Hope for the best) အမြင့်ဆုံးဆုကို ရည်မှန်းကျင့်ကြံခြင်းသည် အပြစ်မရှိပါ။

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , , , , . Bookmark the permalink.

Leave a Reply

Your email address will not be published. Required fields are marked *