တရားအားထုတ်တယ်ဆိုတာ

Share

တရားအားထုတ်တယ်ဆိုတာ

bism3  တရားအားထုတ်တယ်ဆိုတာကို မိုးကုတ်ဆရာတော် ဘုရားကြီးကလည်း အတိအကျ မိန့်တော်မူတာပါပဲ – ခန္ဓာဥာဏ်ရောက်ဖို့ပဲ၊ နောက်ပြီး ဖြစ်ပျက်မြင်ဖို့၊ ဖြစ်ပျက်မုန်းဖို့၊ ဖြစ်ပျက်ဆုံးဖို့ပဲ။ တကယ်တော့ တရားဆိုတာ ဖြစ်ပျက်ပဲ။ ဖြစ်ပြီးပျက်တာဟာ တရားပဲ။ ဖြစ်နေတယ် မပျက်ဘူးဆိုတာ မတရားလုပ်တာပဲ။ ဒီ (၃၁) ဘုံမှာ ဖြစ်ပြီးပျက်တာပဲ။ ဖြစ်ပြီးပျက်တယ်ဆိုတဲ့ သဘောတရားကို ငါကနေခွဲထွက်ပြီးတော့ ခန္ဓာအပေါ် ဥာဏ်ရောက်ဖို့ အရေးကြီးပါတယ် – ဒါရှင်းပါတယ်။

တစ်ချို့ကလည်း စိတ်နဲ့ နိဗ္ဗာန်သွားချင်ကြတယ်။ ဒါလေးကတော့ လက်လျော့လိုက်ပါ ဘယ်လိုမှမဖြစ်နိုင်တဲ့ ကိစ္စပါ။ “ခန္ဓာနိယောဓေါ နိဗ္ဗာနံ” ဆိုတာလေး အလွတ်ကျက်ထားပါ။ ခန္ဓာချုပ်မှ စံရမှာပါ။ ခန္ဓာတန်းလန်းနဲ့ ဘယ်စံလို့ရမှာလည်း။ ဒါတွေကို သူငယ်တန်းလေးတောင် သိနေတာပဲ။ ရုပ်နာမ်က ဒုက္ခသစ္စာပဲ။ နိဗ္ဗာန်က ရုပ်နာမ်ကို ဘယ်လက်ခံမလဲ။ နိဗ္ဗာန်ဆိုတာ ချမ်းသာခြင်း အတိပြီးတာပဲ၊ အသင်္ခတ အနုတ္တရဓာတ်ပါ။ ပြုပြင်စီရင်မှု မရှိရဘူး။ ရုပ်နာမ်ဆိုတာ ပြုပြင် စီရင်အစားထိုးနေတာ။ ဒီတော့ ရုပ်နာမ်နဲ့ သွားလို့ မရနိုင်ဘူး။ ဒီသဘောကို လက်လျော့ဖို့ ကောင်းပါပြီ။ ဘာဖြစ်လို့ ဇွတ်တရွတ် ရုပ်နာမ်နဲ့ သွားချင်နေတဲ့ သဘောကိုဆက်မွေးနေရတာလဲ။  ဒါကတော့ ကြားလို့မကောင်းပါဘူး။ ရှက်စရာကြီးပဲ။ လူငယ်လူရွယ် သူငယ်တန်းစား ကျောင်းသူကျောင်းသား ဗုဒ္ဓဘာသာလိုင်းကဆိုရင် ဒါဟာ ရုပ်နာမ်ကို ထားခဲ့ရမယ်ဆိုတာ သိပြီးသားပဲ။ “ခန္ဓာနိယောဓေါ နိဗ္ဗာနံ” လေ – ခန္ဓာချုပ်မှပေါ့။ ဒါကိုသိဖို့ကောင်းပါတယ်။ မိုးကုတ်ဆရာတော် ဘုရားကြီးကို အရွဲ့တိုက်ဖို့တော့ မကြိုးစားစေချင်ဘူး။ ဘာကြောင့်လည်းဆိုတော့ မိုးကုတ်ဆရာတော်ဘုရားကြီးက တရားကျင့်နည်းကိုတော့ အမှန်အကန် ဖော်ပြတော် မူခဲ့တာ။ ဖြစ်ပျက်မြင်အောင်ကြည့်၊ ဖြစ်ပျက်မုန်းအောင်ကြည့်၊ ဖြစ်ပျက်ဆုံးအောင်ကြည့်။ ခန္ဓာဆိုတာ ဖြစ်ပျက်နေတာပဲ – ဒါက သူကိုမုန်းစရာကြီးပဲ၊ မုန်းရမှာပဲ။ မုန်းမှ သူ့အပေါ်မှာတွယ်တာတဲ့ကိစ္စတွေ ဆုံးသွားလို့ ခန္ဓာချုပ်သွားရင် နိဗ္ဗာန်မျက်မှောက်ပြုရမှာပဲ၊ ရှင်းပြီးသားပါ။

ယောဂီတွေအတွက်တော့ ပြောရတာအားနာပါတယ်။ ယောဂီတွေနဲ့ ဘာမှမဆိုင်ဘူး။ တစ်ချို့က နိဗ္ဗာန်ကို စိတ်နဲ့သွားချင်တဲ့ ပုဂ္ဂိုလ်တို့၊ တရားအားထုတ်တယ်ဆိုတာ ကောင်းတဲ့စိတ်ကလေးကို အစားထိုးလိုက်၊ မကောင်းတဲ့စိတ်ကလေးကို ဖယ်လိုက်ဆိုတာ – လုပ်ချင်တာလုပ်တဲ့ ကိစ္စတွေပဲ။ ဒါဟာ တရားအားထုတ်ခြင်းရဲ့ မှန်ကန်တဲ့ အဓိပ္ပာယ်ဖွင့်ဆိုချက် မဟုတ်ဘူး။ တရားအားထုတ်ခြင်း ဆိုတာဟာ ရုပ်နာမ်အပေါ်မှာ အနိစ္စလက္ခဏာ၊ ဒုက္ခလက္ခဏာ၊ အနတ္တလက္ခဏာ လက္ခဏာရေးသုံးပါးတင် ဆင်ခြင်ဖို့ပဲ။

တရားအားထုတ်နည်းက လေးမျိုးပဲရှိတာ၊ ငါးမျိုးမရှိပါဘူး။ တရားအားထုတ်နည်းဟာ သတိပဠာန်လေးပါးပဲ။

ကိုယ်ကာယကို ရှုချင်ရင် ကိုယ်ကာယရဲ့ ဖြစ်ပျက်ကိုရှု – ကာယ။

ဝေဒနာကိုရှုချင်ရင် ဝေဒနာရဲ့ ဖြစ်ပျက်ကိုရှု – ဝေဒနာ။

စိတ္တကိုရှုချင်ရင် စိတ်ရဲ့ အပျက်ကိုရှု – ဒါ စိတ္တ။

ဓမ္မရှုချင်ရင်တော့ ဓမ္မသဘာဝကို ဆင်ခြင်။

ဒါကတော့ အကုန်လုံးဟာ ဖြစ်ပျက်နဲ့တွဲပါတယ်။ လက္ခဏာရေးသုံးပါးနဲ့ တွဲပါတယ်။ လက္ခဏာရေးသုံးပါးက လွတ်တဲ့ တရားရှုနည်းဆိုတာ မရှိပါဘူး။ နိဗ္ဗာန်မျက်မှောက်ပြုရင်တော့ ချုပ်ငြိမ်းသွားတာပေါ့။ နိဗ္ဗာန်မျက်မှောက်မပြုခင်တော့ လက္ခဏာရေးသုံးပါးတင် ဆင်ခြင်ရမယ့်အကြောင်း သတင်းကောင်း ပေးပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , , , , , . Bookmark the permalink.

Leave a Reply

Your email address will not be published. Required fields are marked *