သိပ္ပံဒဿနပညာ – ၁၃

Share

သိပ္ပံဒဿနပညာ – ၁၃

philoသိပ္ပံဒဿနပညာရှင်များဟာ သူတို့ရဲ့ အထူးပြုလေ့လာတဲ့ သုတေသနနယ်ပယ်ကနေ ခွဲထွက်ပြီးတဲ့နောက် ဒဿနဆန်တဲ့ စူးစမ်းလေ့လာမှုဖက်ကိုသာ ယိမ်းညွတ်လာကြတယ်။ သူတို့က လက်တွေ့အသိပညာကို ယုတ္တိနည်းကျ ခွဲခြမ်းစိတ်ဖြာတဲ့ နည်းနိဿယရဲ့ တိကျမှုကို တိုးချဲ့လိုကြတယ်။ ဒီလိုတိုးချဲ့ရာမှာ ရုပ်လွန်ကမ္ဘာရဲ့ ထိုးဖောက်ဆင်ခြင်မှုကို မမှီခိုလိုကြဘူး။ အဲဒီလိုမှီခိုရင် ခွဲခြမ်းစိတ်ဖြာမှုကင်းမဲ့တဲ့ ပြီးပြည့် စုံတဲ့ အမှန်တရားဖက်ကို တိမ်းညွတ်သွားမှာ စိုးရိမ်ရတယ်။

သူတို့ဟာ သိပ္ပံဒဿနကို မှန်းဆမှုသက်သက်လို့ သဘောမထားလိုကြဘူး။ မှန်းဆမှု သက်သက်ဟာ လေးနက်တဲ့ အဖြေတွေကိုလည်း မပေးနိုင်ပါဘူး။ သာမာန်အမြင်ကိုတော့ သူတို့ဟာ လက်မခံလိုကြဘူး။ သာမာန်အမြင်တွေကို ဝေဖန် ဆန်းစစ် ခွဲခြမ်းစိတ်ဖြာနိုင်တယ်လို့ပဲ ခံယူထားကြတယ်။ သူတို့ဟာ စကားလုံးတွေကို အရမ်းတန်ဖိုးထားပြီး သူတို့ပြောတဲ့ စကားလုံးကို သူတို့က တာဝန်ယူလေ့ရှိတယ်။ စကားလုံးတွေကို ထိုးဖောက် မှန်းဆချက်အဖြစ်နဲ့ အသုံးမပြုလိုဘူး။ ခွဲခြမ်းစိတ်ဖြာမှု ကင်းမဲ့တဲ့ စိတ်ကူးယဉ်မှုများကိုလည်း လက်မခံလိုကြဘူး။

သူတို့ဟာ အသိပညာနဲ့ ပတ်သက်လို့တော့ ဖြစ်တန်ရာခြေရှိတဲ့ ရရှိနိုင်တဲ့ အဓိပ္ပာယ်ကိုသာ လက်ခံလိုကြ တယ်။ ရုပ်လွန်ကမ္ဘာရဲ့ အမှန်တရားကို ထိုးဖောက်ဖို့ အတွက်တော့ သူတို့ဟာ အလိုမရှိကြဘူး။ တိကျတဲ့ ယုတ္တိနည်းကျ သဘာဝကိုပဲ သူတို့ဦးစားပေးတယ်။ သူတို့ဟာ ယုတ္တိလွန်နယ်ပယ်ကမ္ဘာထဲကို ကျက်စားဖို့ ဆန္ဒမရှိကြဘူး။

ဒီနည်းနဲ့ သူတို့ဟာ သိပ္ပံဒဿနပညာကို တည်ဆောက်ရင်း သိပ္ပံဒဿနပညာဟာလည်း သိပ္ပံလိုပဲ တိကျရမယ်၊ ဖော်ထုတ်နိုင်ရမယ်၊ ရှင်းလင်း ဖွင့်အံနိုင်ရမယ်၊ မှီခိုမှု ပေးနိုင်ရမယ် ဆိုတဲ့ ရည်ရွယ်ချက်တွေကို ဖြည့်ဆည်းလိုကြတယ်။

ဒါကြောင့် အချုပ်ကတော့ သူတို့ဟာ တရားသေကို စွန့်ပယ်ပြီးတဲ့နောက် မှန်းဆတင်ပြချက်ပဲ ဖြစ်တယ်။ ဒီမှန်းဆတင်ပြချက်ကိုတော့ ဇွဲသတ္တိရှိရှိ ဝေဖန်ဆန်းစစ်မှုနဲ့ အတူတူ အားအင်မကုန်ခန်းသော ကြိုးစားမှုတို့နဲ့ ဆက်လက် ရှာဖွေမယ်။ ဒါမှ သူတို့ရဲ့ သိပ္ပံဒဿနပညာဟာ အမှန်တရားတွေ့ဖို့အတွက် အမှားတွေ့ခြင်း တွေကို စွန့်လွတ်ရမယ်လို့ ခံယူလာခဲ့ကြတယ်။ ဒါဟာ သူတို့ရဲ့ အမြင်တစ်ချို့ပါပဲ။

ဗုဒ္ဓစာပေဆုရ

ဒေါက်တာချစ်ငယ်()

This entry was posted in Philosophy of Science and tagged , , , . Bookmark the permalink.

Leave a Reply

Your email address will not be published. Required fields are marked *