သိပ္ပံဒဿနပညာ – ၀၃

Share

သိပ္ပံဒဿနပညာ – ၀၃

hawkingauthorphotoသိပ္ပံပညာရှင် ဟော့ကင်းဟာ သိပ္ပံဒဿနပညာရှင် Karl Popper ကို တော်တော် အမွှန်းတင်တင် ဆရာတင်တယ်။

Karl Popper ရဲ့ အဆိုအမိန့် အဆုံးအဖြတ်တွေကို စံပြုပြီးတဲ့နောက် သိပ္ပံသုတေသန လုပ်အပ်တဲ့ သဘောအထိ ရည်ညွှန်းလာတယ်။

ဒီလိုပဲ သိပ္ပံပညာရှင် တစ်ချို့ဟာ ပညာရှင်တွေကို အမွှန်းတင်လေ့ ရှိပါတယ်။ သူတို့ဟာ ဒဿနပညာကို ပစ်ပယ်မထားဘူးဆိုတာ သေချာတယ်။ နောက်ပိုင်းမှာ Max Born တို့ အကြောင်းကိုလည်း တင်ပြပါဦးမယ်။ အဲဒီအခါမှာ သိပ္ပံပညာရပ်ဟာ ဒဿနပညာရပ်ကို ရှေ့တန်းတင်ကြောင်း၊ အမွှန်းတင်ကြောင်း၊ အလေးအမြတ်ပြုကြောင်း လွန်စွာမှ သိသာထင်ရှားတဲ့ သာဓကတွေ လေ့လာတွေ့ရှိနိုင်ပါတယ်။

အခုတော့ သိပ္ပံသီအိုရီတွေ၊ အဆိုအမိန့်တွေဟာ ထာဝရ ရာသက်ပန် မှန်ကန်ရမယ်လို့ ဆိုပိုင်ခွင့် မရှိကြောင်း သိပ္ပံပညာရှင်တွေက ဖွင့်ဟ၀န်ခံ ဖော်ပြလေ့ ရှိပါတယ်။ သူတို့ သီအိုရီတွေဟာ အမှားတစ်စုံတစ်ရာ မတွေ့သေးသမျှ ကာလပတ်လုံး မှန်နေဦးမယ်ဆိုတဲ့ ယေဘုယျ သဘောကို ဖော်ပြခြင်းပါပဲ။

သီအိုရီဆိုတာ ကြိုတင်ပြော ဟောကိန်းထုတ်မှုတွေ ပါရတယ်။ အဲဒီကြိုတင်ပြော ဟောကိန်းထုတ်မှုတွေဟာ လက်တွေ့ဘ၀ အခြေအနေနဲ့ မကိုက်ညီဘူး ဆိုရင် အဲဒီသီအိုရီဟာ ထုတ်ပယ်ခြင်းခံရတယ်၊ သို့မဟုတ် မွန်းမံခြင်းခံရမယ့် သဘောပါပဲ။ ဒီတော့ သီအိုရီတွေကို အမြဲတမ်း ဆန်းစစ်နေရတဲ့သဘောလည်း ရှိတယ်။

ဒီကိစ္စကို အိုင်းစတိုင်းလည်း ပြောခဲ့တယ်။ အခု ဟော့ကင်းလည်း ပြောနေတယ်။ သိပ္ပံပညာရှင် တော်တော်များများလည်း ပြောခဲ့ပါတယ်။ အိုင်းစတိုင်း ပြောခဲ့တဲ့ စကားဟာ သိပ္ပံပညာရှင်တွေကို တော်တော်လေးလွှမ်းမိုးခဲ့ကြောင်း နောက်ပိုင်းမှာ ဆက်လက် ဖော်ပြပါဦးမယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Philosophy of Science and tagged , , , . Bookmark the permalink.

Leave a Reply

Your email address will not be published. Required fields are marked *