ပြည့်စုံသူ

ပြည့်စုံသူ

ပြည့်စုံသူဆိုသည်မှာ ရောင့်ရဲလွယ်သူပင် ဖြစ်သည်။ ရနေ DSC_3324ရှိနေ ဖြစ်နေခြင်းကို ကျေနပ်နှစ်သိမ့်၍ ရောင့်ရဲလျှင် ပြည့်စုံသူ ဖြစ်နိုင်သည်။ ပြည့်စုံသူ ရောင့်ရဲလွယ်သူ ဆိုသော်လည်း အနာဂတ်အတွက်မူ အရမ်းကြိုးစားသော ပုဂ္ဂိုလ်ဖြစ်သည်။ သူသည် အကြောင်းခံတရား လုပ်ခြင်း၌သာ ထက်သန်သူဖြစ်သည်။ အကျိုးတရားကိုမူ လိုအပ်သည်ထက် ပို၍ မျှော်လင့်ရိုးထုံးစံ မရှိချေ။ သို့သော် အကြောင်းခံခြင်း၌ လွန်စွာဝီရိယရှိရလေသည်။

ပြည့်စုံသူတို့သည် အထိုက်အလျောက် ရှိသည်တို့ကို ကျေနပ်လျှက် ရပြီးသည်များနှင့် တင်းတိမ်ကာ မရသေးသည်များကိုရအောင် အကြောင်းခံမှု သက်သက်သာလုပ်သည်။ အကျိုးတရားကို အထူးလွန်ကဲစွာ မျှော်ကိုးသူ မဟုတ်ချေ။ အချို့သည် အကြောင်းခံတရား အနည်းငယ်သာ လုပ်၍၊ အကျိုးတရားကို လွန်စွာမျှော်ကိုးသည်။ ထိုပုဂ္ဂိုလ်တို့သည် ပြည့်စုံသူ မဖြစ်နိုင်ချေ။

ပြည့်စုံသူတို့သည် ရောင့်ရဲလွယ်ရသည် သို့သော် ဝီရိယလွန်စွာ ရှိရသည်။ ၎င်းတို့သည် ပစ္စုပ္ပန်၌ အကြောင်းခံတရားများကိုသာ စိတ်ဝင်စား၍ ကြိုးစားနေခြင်း ဖြစ်သည်။ အကျိုးတရားကိုမူ လစ်လျူရှုထားသည်။ ရသမျှသော အကျိုးတရားနှင့်လည်း တင်းတိမ်ကျေနပ် ရောင့်ရဲသည်။ ထိုပုဂ္ဂိုလ်တို့သည် နှလုံးသွင်း မှန်ကန်စွာ အသက်ရှင်သန် သဖြင့် ပြည့်စုံသူများ ဖြစ်လာသည်။ ပြည့်စုံသူ ရောင့်ရဲသူ ဆိုသော်ငြားလည်း ဝီရိယလွန်စွာ စိုက်လေ့ရှိကြသည်။ ဝီရိယ မရှိဘဲ ပျင်းရိထိုင်းမှိုင်း၍ မွဲတေစုတ်ပြတ်သပ်နေသောဘဝကို ပြည့်စုံသူဟု ခေါ်ခြင်းမဟုတ်ပေ။ ပြည့်စုံသူဆိုသည်မှာ ရှိသင့်သလောက်တော့ ရှိသည် သို့သော် ရှိခြင်း၌သာ ကျေနပ်၍ မရှိသေးသည်များကို တပ်မက်မနေမူဘဲ ဝီရိယအကျိုး ခံစားနိုင်အောင်သာ ကြိုးစားစွမ်းဆောင်နေသူ ဖြစ်သည်။

ရောင့်ရဲသည်ဆို၍ မကြိုးစားသူ မဟုတ်ချေ။ အချို့ကမူ အဓိပ္ပာယ် လွဲမှားနေသည် – ရောင့်ရဲလွယ်သည် ဆိုသဖြင့် မကြိုးစားဘူး၊ တိုးတက်အောင် မလုပ်ဆောင်ဘူး မစွမ်းဆောင်ဘူးဟု ထင်ကြလေသည်။ အမှန်မှာမူ တိုးတက်အောင်တော့ စွမ်းဆောင်လေ့ရှိသည်။ သို့သော် အကျိုးတရားနှင့် ပတ်သက်၍မူ ၎င်းတို့သည် ထူးကဲစွာ မမျှော်လင့်ကြချေ။ ရသည်များကိုသာ ကျေနပ်၍ နောက်ထပ် ထပ်ရရန် အကြောင်းခံသည်။ အကျိုးတရားကို လောဘရမ္မက် ငမ်းငမ်းတက်ကာ ဆန္ဒစော၍ လောဘကြီးမနေချေ။ ၎င်းတို့သည် ပြည့်စုံသူများ ဖြစ်ကြသည်။

ပြည့်စုံသူများသည် အံဖွယ်ကောင်းသည်၊ လူထူးလူချွန်များ ဖြစ်သည်။ အဘယ့်ကြောင့်ဆိုသော် ၎င်းတို့၌ ရှိသင့်ရှိထိုက်သည်များရှိ၍ ကျေနပ်နေကြသည်။ မရှိသေးသည်များကို ရှိအောင်တော့မူ ကြိုးစားသည် သို့သော် မရှိသေး မရောက်သေးသော အရာရာအတွက်မူ လောဘကြီးခြင်း၊ ဆန္ဒစောခြင်းများ မရှိချေ။ ထိုအခါ ပြည့်စုံသူတို့သည် ပြည့်စုံမှုကြောင့် တင်းတိမ်ရောင့်ရဲနိုင်ကာ ငြိမ်းအေးသောဘဝကို တည်ဆောက်တတ်သူများ ဖြစ်လာကြလေတော့သည်။

ဤလောက၌ မတရားသောနည်းနှင့် ကြီးပွားသူများ ရှိနိုင်လေသည်။ သို့သော် မတရားသောနည်းနှင့် ကြီးပွားနေကြသည်ကို လက်ညှိုးထိုးရင်း တရားသောနည်းဖြင့် ကိုယ့်ကိုယ်ကို ကြီးပွားအောင် မလုပ်နိုင်သူသည် မအောင်မြင်နိုင်၊ မပြည့်စုံနိုင်ချေ။

မတရားသောနည်းဖြင့် စီးပွားဖြစ်နေသည်မှာ မှန်သော်လည်း၊ မိမိကိုယ်တိုင်ကမူ တရားသောနည်းဖြင့် စီးပွားဖြစ်အောင် ကြိုးစားဆောင်ရွက် နိုင်သင့်သည်၊ သို့မှသာ ပြည့်စုံသူ ဖြစ်နိုင်သည်။ ထို့ကြောင့် တရားသောနည်းဖြင့် ကြီးပွားအောင် စွမ်းဆောင်ပါ။ အကြောင်းခံတရားကို ပို၍ဦးစားပေး ဆောင်ရွက်ပါ။ ရှိနေဖြစ်နေသည်များကို ရောင့်ရဲမှုနှင့် ယှဉ်၍ ဆင်ခြင်နိုင်စွမ်းရှိဖို့ လိုလေသည်။ ထိုအရည်အချင်းများနှင့် ပြည့်ဝသော ပုဂ္ဂိုလ်သည် ပြည့်စုံသူ ဖြစ်နိုင်သည်။

သို့သော် အများသူငါသည် မပြည့်စုံလျှင် နေပါစေ အမှန်တရားကို တိုက်ခိုက်မည်ဟု ကြွေးကြော်ရင်း မိမိကိုယ်တိုင် အတွက်မူ မှန်ကန်စွာ ပြည့်စုံအောင် မဆောင်ရွက် ဖြစ်ကြသဖြင့် မပြည့်စုံသူများ ဖြစ်နေကြသည်သာ ဖြစ်သည်။ အားလုံးသော ပုဂ္ဂိုလ်တို့သည် ကိုယ်စီကိုယ်ငှ ပြည့်စုံအောင် ဆောင်ရွက်နိုင်လျှင်မူ ဤလောကကြီးသည် ဝမ်းသာ ချမ်းသာဖွယ်ရာ ကောင်းပေလိမ့်မည်ဟု ယူဆမိပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

No tags for this post.
This entry was posted in Frontpage. Bookmark the permalink.

Leave a Reply

Your email address will not be published. Required fields are marked *