ဉာဏ်ပန်းမွှေးလှိုင်ကြူ – 9

Share

ဉာဏ်ပန်းမွှေးလှိုင်ကြူ

အခန်း (၃)

ဆရာမြတ်၏ ၀ိပဿနာ တရားပြပုံ

(က) ခြေလှမ်း (၃) လှမ်း။

(ခ) တရားပြခြင်းဆိုင်ရာ အဓိပ္ပါယ် ရှင်းလင်းချက်။

(ဂ) ဉာဏ်အမြင်နှင့် ပတ်သက်သော စွမ်းရည်သတ္တိများ။

(က) ခြေလှမ်း (၃) လှမ်း။

ကျေးဇူးရှင် ဦးဝိမလသည် ခြေလှမ်း (၃) လှမ်းဖြင့် နိဗ္ဗာန်စံဝင်နိုင်ကြောင်း ဟောကြားတော်မူခဲ့သည်။ မည်ကဲ့သို့သော ခြေလှမ်း (၃) လှမ်းဖြင့် မည်ကဲ့သို့ နိဗ္ဗာန်စံဝင်နိုင်ကြောင်းတို့ကို အနည်းငယ် ရှင်းပြပါမည်။ ခြေလှမ်း (၃) လှမ်းဆိုသည်မှာ

ဖြစ်ပျက်ကို မြင်သောခြေလှမ်း (၁) လှမ်း၊

ဖြစ်ပျက်ကို မုန်းသော ခြေလှမ်း (၁) လှမ်း၊

ဖြစ်ပျက်တို့ ဆုံးသော ခြေလှမ်း (၁) လှမ်း

ဤ (၃) လှမ်းပင်ဖြစ်သည်။ ဖြစ်ပျက်ကို မြင်ခြင်းဆိုသည်မှာ ရုပ်နာမ်ဓမ္မ သင်္ခါရတို့သည် ဖြစ်ပေါ် ဖြစ်ပေါ် လာပြီးနောက် ပျက်စီး ပျက်စီး သွားသည်ဟူသော သဘောကို ထိုးထွင်းဆင်ခြင်၍ ဉာဏ်သက်ဝင်နိုင်သော သဘောပင်ဖြစ်သည်။

`သဗ္ဗေ သင်္ခါရ ´ ဆိုသော ပါဠိတော်အတိုင်းပင် ဖြစ်သည်။ ရုပ်နာမ်သည် ဖြစ်ခြင်းပျက်ခြင်း သဘောရှိသည်။ ဤအချက်ကို အသေးစိတ် ဉာဏ်အမြင်စူးရှထက်မြက်နိုင်လေ ကောင်းလေဖြစ်သည်။ ရုပ်နာမ်ဟူသည် ဖြစ်ပေါ်လာရပြီးနောက် ပျက်စီး ဆိတ်သုဉ်းသွားရသည်သာဖြစ်ကြောင်း ပိုင်းခြားသိမြင်နိုင်သော အမြင်တစ်ရပ်ကို ပိုင်ပိုင်နိုင်နိုင် သိမြင်နိုင်စွမ်းရှိပါလျှင် ဒုက္ခရုပ်နာမ်မှ သုခနိဗ္ဗန်သို့ ခြေတစ်လှမ်း ဦးတည် ရွေ့လျားလိုက်ပြီးဖြစ်ကြောင်း မှတ်ယူနိုင်သည်။ တနည်းအားဖြင့် ရုပ်နာမ်ရှိလျှင် ဒုက္ခရှိမည်။ ရုပ်နာမ်ချုပ်လျှင် ဒုက္ခချုပ်မည်။ ရုပ်နာမ်ရှိရာ ဒုက္ခမှ ရုပ်နာမ်ချုပ်ရာ နိဗ္ဗာန်သို့ တက်လှမ်းရာဝယ် ရုပ်နာမ်ပျက်တတ်ပုံကို၎င်း၊ ဒုက္ခ၏ မမြဲတတ်ပုံကို၎င်း၊ ဆင်ခြင်သိမြင်ခြင်းသည် ဤရုပ်နာမ်အဖြစ်မှ ရုပ်နာမ်မရှိရာ နိဗ္ဗန်ထံသို့ ဦးတည်ရွေ့လျား လိုက်သော ခြေလှမ်းတစ်လှမ်းပင် ဖြစ်နေသည်။

ဖြစ်ပျက်ကို မုန်းခြင်းဆိုသည်မှာ ဒုတိယ ခြေလှမ်းဖြစ်၍ ပထမ ခြေလှမ်းပေါ် အမှီသဟဲပြုခဲ့ရသည်။ ပထမခြေလှမ်း ခိုင်မာလေလေ ဒုတိယခြေလှမ်းအတွက် လှမ်းအားကောင်းလေလေဖြစ်သည်။ အပျက်တရားကို မည်သူမျှ တပ်မက် နှစ်သက်ခြင်းငှာ မထိုက်ပေ။ အပျက်တရားမှန်းမသိ၍  တပ်မက်စွဲလမ်း ခံစားစံစား လိုကြခြင်းဖြစ်သည်။ ရုပ်နာမ်ကို ပညာဉာဏ်ပါပါ တိတိကျကျ အပျက်တရားမှန်းသိလျှင် ၎င်းအပေါ် ငြီးငွေ့ခြင်းသဘော ၀င်လာသည်။ ဒုတိယခြေလှမ်းအတွက် ပထမခြေလှမ်းသည် အရေးကြီးသော ထောက်ကူချက် တစ်ရပ်ဖြစ်သည်။

အစကောင်းလျှင် အနှောင်းသေချာသည် ဟူသောစကားအတိုင်း မှတ်ယူရမည်။ ဒုတိယခြေလှမ်းသည် ဖြစ်ပျက်ကို မုန်းခြင်းသဘောအနက်ရှိသဖြင့် ပျက်နေသော ရုပ်နာမ်ခန္ဓာကို ငြီးငွေ့မုန်းတီးခြင်းခေါ်သည်။ ရုပ်နာမ်ခန္ဓာနှင့်ပတ်သက်၍ မည်သည့်အရာတွေ ဖြစ်ပေါ်လာပါစေ ပျက်စီးဆိတ်သုဉ်းသွားမည်သာ ဖြစ်သောကြာင့် ထိုရုပ်နာမ်အပေါ်မှီခိုမှု ကင်းမဲ့လာသည်။

ရုပ်နာမ်နှင့်ပတ်သက်သော အစစအရာရာသည် နောက်ဆုံး၌ အပျက်သဘောဖြင့်သာ နိဂုံးချုပ်ရမည်ဖြစ် ၍ ၎င်းရုပ်နာမ်ဆိုင်ရာ ယာယီခံစားချက်များကို နှစ်နှစ်ကာကာ မှတ်ယူ၍ မဖြစ်နိုင်တော့။ လာလတံ့သော ရုပ်နာမ်ဆိုင်ရာ ဖြစ်ရပ်တို့သည်လည်း ပျက်စီးရဦးမည်သာဖြစ်ရာ ဤအသိအမြင်ကို ကြာရှည်စွာခံစားရင်း ဖြစ်ပေါ်လာရသည့် နာမ်ရုပ်အပေါ် စိတ်ရှည်သည်းခံလိုစိတ် မရှိတော့။ ထိုအခါ ဖြစ်ပျက်ရုပ်နာမ်ကို မုန်းလာတော့သည်။ ဤအချက်သည် ရုပ်နာမ်ဒုက္ခမှ လွတ်မြောက်စေလျှက် နိဗ္ဗာန်စခန်း တက်လှမ်းခြင်း၌ အရေးပါသော ဒုတိယခြေလှမ်းဖြစ်သည်။ ပါဠိဘာသာစကားဖြင့် နိဗ္ဗိန္ဒဉာဏ်အမြင် ပေါ်ပေါက်ခြင်းဟု ခေါ်ဆိုရပေမည်။ တတိယခြေလှမ်းမှာ နောက်ဆုံးခြေလှမ်းဖြစ်၍ နိဗ္ဗာန်စံဝင်ရသော အဆင့်ဖြစ်သည်။

ရုပ်နာမ်ဒုက္ခ ဖြစ်နေရခြင်းအကြောင်းမှာ သမုဒယကို လက်ခံသိမ်းပိုက်ခဲ့သောကြောင့်ဖြစ်သည်။ သမုဒယကို မသိမ်းပိုက်ပါလျှင် ဒုက္ခရုပ်နာမ် ဖြစ်လာစရာ အကြောင်းမရှိတော့။ အကြောင်းချုပ်လျှင် အကျိုး ချုပ်ရသည်သာဖြစ်သည်။ သစ္စာလေးပါးတွင် သမုဒယသစ္စာသည် အကြောင်း၊ ဒုက္ခသစ္စာသည် အကျိုးဖြစ်သည်။ သမုဒယ အကြောင်းခံ၍ ဒုက္ခအကျိုး ဖြစ်ပေါ်နေရခြင်းဖြစ်သည်။ ဒုက္ခကို ဒုက္ခမှန်းသိ၍ ဒုက္ခကို မလိုချင်တော့သည့်အခါ ဒုက္ခကို ဖြစ်စေသော သမုဒယကို ပယ်စွန့်ရသည်။ ရင်ဝယ် လက်ခံသိမ်းပိုက်ခြင်း မပြုရတော့။

ဒုတိယခြေလှမ်းတွင် ရုပ်နာမ်ဒုက္ခကို ငြီးငွေ့မုန်းတီးသွားသည်ဖြစ်၍ နောက်ထပ် ရုပ်နာမ်ရစေရန် အကြောင်းမခံတော့ဘဲ ထိုအကြောင်းတရား ပယ်သတ်လိုက်သည်။ ဒုက္ခကို မလိုချင်ခြင်းသည်ပင်လျှင် နောက်တဖန် ဒုက္ခရစေနိုင်သော အကြောင်းကံတရားကို စွန့်ပယ်လိုက်ခြင်းဖြစ်သည်။ ဒုက္ခဖြစ်ကြောင်းကို ပယ်စွန့်သဖြင့် ဒုက္ခဖြစ်မလာတော့လျှင် ဒုက္ခချုပ်ရာ နိရောဓသို့ မျက်မှောက်ပြုရပေတော့မည်။ နိရောဓကို မျက်မှောက်ပြုလိုက်သောအခါ ရုပ်နာမ်ဒုက္ခတို့၏ ဖြစ်ခြင်းပျက်ခြင်းသဘောသည် ကုန်ဆုံးသွားခဲ့သည်သာ ဖြစ်သည်။

ဤခြေလှမ်းမှာ တတိယခြေလှမ်း၏ လိုရင်ပန်းတိုင်သို့ လှမ်းကိုင်ဆုပ်ယူလိုက်ခြင်းဖြင့် ပြီးပြည့်စုံ ပြီးမြောက်မှု ရရှိသွားတော့သည်။ သို့သော် သမုဒယကို သတ်ရန်ကို၎င်း၊ နိရောဓသို့ မျက်မှောက်ပြုရန်ကိုသော်၎င်း၊ ခန္ဓာကိုယ် မြေကြီးသြဇာ မကျွေးရမချင်း လုပ်ဆောင်ကျင့်သုံး နေရမည်သာဖြစ်သည်။

(ခ) တရာပြခြင်းဆိုင်ရာ အဓိပ္ပါယ်ရှင်းလင်းချက်

တရားပြခြင်း ဆိုသောဝေါဟာရကို ဗုဒ္ဓဘာသာဝင် သူတော်စင် တော်တော်များများ ပြောဆိုသုံးနှုန်းလျှက် ရှိကြသည်။ တရားပြခြင်းဟူသည် တရားဟောခြင်းနှင့် မတူကြောင်း သဘောပေါက် နားလည်ထားရမည်။ တရားဟောခြင်းဆိုသည်မှာ ဟောရုံသက်သက်ဖြစ်သော်လည်း တရားပြခြင်းဟူသည် ဟောရုံသက်သက် မဟုတ်ချေ။ ဆရာမြတ်တစ်ဦးသည် တပည့်များကိုဖြစ်စေ၊ ယောဂီပုဂ္ဂိုလ်များကိုဖြစ်စေ တရားပြသည်ဆိုရာ၌ တရားဓမ္မ သဘောကို ကိုယ်တိုင်ခံစားသွားကြရအောင် ဒိဋ္ဌဓမ္မ ပြသလိုက်ရခြင်းဖြစ်သည်။

တနည်းအားဖြင့် ဆရာသမားဖြစ်သူသည် ယောဂီပုဂ္ဂိုလ်များအား ရုပ်နာမ်ဓမ္မတို့၏ ဒုက္ခ၊ အနိစ္စ၊ အနတ္တ သဘောကို ကိုယ်တွေ့ဉာဏ်အမြင် ထိုးထွင်းသိ၍ နားလည်သွားနိုင်စေရန် အရိယာဉာဏ်မျက်လုံး တပ်ဆင် ပေးလိုက်ရခြင်းဖြစ်သည်။ တရားပြသူသည် မိမိကိုယ်တိုင်က တရားတွေ့ထားသူ သိမြင်ထားသူ ဖြစ်ရမည်။ မိမိကိုယ်တိုင် ရုပ်နာမ်ခန္ဓာ၏ သဘောသဘာဝကို ယထာဘူတကျကျ သိမြင်နားလည်ထားခြင်း မရှိဘဲ တပါးသူအား တရားပြ၍ မဖြစ်နိုင်။ မိမိကိုယ်တိုင်က တရားဓမ္မနှင့် ပတ်သက်၍ ပညာသားပါပါ တိကျပိုင်နိုင် သေချာစွာ နားလည်သဘောပေါက် ပိုင်နိုင်ထားပါမှ တပါးသူကို ရေရေလည်လည် သဘာဝကျကျ ဟောနိုင်ပြနိုင်မည်ဖြစ်သည်။

ဝိပဿနာတရား ကျင့်ကြံအားထုတ်စေရာ၌ ရုပ်နာမ်ဓမ္မ သင်္ခါရတို့ ဖြစ်တတ်ပျက်တတ်ပုံတို့ကို ဉာဏ်ပညာဖြင့် ရှုသတ်စေရလေရာ ရုပ်နာမ်ဓမ္မ သင်္ခါရတို့သည် မည်ကဲ့သို့ဖြစ်၍ မည်ကဲ့သို့ ပျက်ကြောင်းကို ဆရာသမားလုပ်သူက တိတိကျကျသိနှင့်ပြီး ဖြစ်နေရမည်။ ရောက်ကြောင်းတရား အားထုတ်ကျင့်ကြံရာ၌ ဒုက္ခတရားတို့သည် မည်သို့ဖြစ်၍ မည်သို့ပျက်ကြောင်း မသိနိုင်လျှင် တန်ဖိုးရှိနိုင်မည် မဟုတ်။ နှုတ်မှ၎င်း စိတ်မှ၎င်း ဖြစ်ပျက် ဖြစ်ပျက် အနိစ္စ အနိစ္စဟု သညာသဘောဖြင့် ရွတ်ဖတ်နေခြင်းဖြင့် မိမိရုပ်နာမ်၌ တသံသရာလုံး စွဲကပ်လာခဲ့သော တဏှာတို့ကို လျော့နည်းစေနိုင်လိမ့်မည် မဟုတ်။ ဤအချက်ကို သစ္စာတရား သိနားလည်လိုကြသော ယောဂီများ သတိချပ်ထားရမည်။

စာရေးသူတို့၏ ဆရာတော်ဦးရေ၀တ တရားပြပုံမှာ လွန်စွာစိတ်ဝင်စားဘွယ် ကောင်းသည် –

ဝိပဿနာတရား ကျင့်ကြံအားထုတ်လိုသော ယောဂီတစ်ဦးအား ရုပ်နာမ်ဒုက္ခတို့၏ ဖြစ်တတ် ပျက်တတ်ပုံကို ကိုယ်တိုင်ကိုယ်ကျ လက်တွေ့သိမြင် ခံစားသွားနိုင်အောင် ပြသတော်မူခြင်း မျိုးဖြစ်သည်။ ဆရာတော်၏ တပည့်ဖြစ်သူတိုင်းသည် ဖြစ်ပျက်ကို မမြင်ဘူးဟူ၍ မရှိရ။ တပည့်တိုင်းကို ဖြစ်ပျက်မြင်ဘူးရအောင် သစ္စာအဓိဋ္ဌာန်ပြု၍ ချီးမြှင့်ကာ ဉာဏ်ပညာ ပေးသနားတော်မူခြင်းဖြစ်သည်။

 

 

ဆက်လက်ဖော်ပြပါမည်

Admin (www.chitnge.com)

 

This entry was posted in Buddhism and tagged , , , , , , , , . Bookmark the permalink.

Leave a Reply

Your email address will not be published. Required fields are marked *