ဉာဏ်ပန်းမွှေးလှိုင်ကြူ -35

အခန်း (၁၀)

သစ္စာဝါဒီ ပီသသူတို့အတွက် သတိပေးချက်များ

  (ဆ) အသင်္ခတဓာတ် မြတ်သောနိဗ္ဗာန်

            တဏှာ မကုန်သေးသမျှ ကာလပတ်လုံး ရုပ်နာမ်ရှိသူတို့သည် ဒုက္ခတရားများ ဖြစ်ပေါ် နေကြဦးမည်ဖြစ်သည်။ အတိတ်ဘ၀ ဘ၀များစွာက သံသရာ ကျင်လည်ခဲ့ရစဉ် `အယောနိသော မနသီကာယ´ ခေါ် နှလုံးသွင်းမှားမှုကြောင့် ဒုက္ခတရားကလေးများ ဖြစ်ပေါ်နေကြရသည်။

တနည်းအားဖြင့် အ၀ိဇ္ဇာ တဏှာ၏ လွှမ်းမိုးမှုဒဏ် ခံရသဖြင့် ဒုက္ခဖြစ်နေကြရခြင်း ဖြစ်သည်။ အ၀ိဇ္ဇာဆိုသည်မှာ အမှန်ကို မသိခြင်းဖြစ်၍ တဏှာဆိုသည်မှာ ဒုက္ခဖြစ်စေသည့် အရာကို လိုချင်နေခြင်းဖြစ်သည်။

ဤတရားနှစ်ပါး လွှမ်းမိုးထားသမျှ ကာလပတ်လုံး ရုပ်နာမ်တို့သည် ဒုက္ခနယ်ပယ်အတွင်းမှ မလွတ် ကင်းနိုင်။ တနည်းအားဖြင့် သမုဒယ အကြောင်းခံခဲ့၍ ဒုက္ခအကျိူး ဖြစ်ပေါ်နေရသည်။ လူတို့၌ အတွင်းအဇ္ဈတ္တ ရုပ်နာမ်ဒုက္ခသည် ဘ၀င် ဟဒယအပေါ်၌ ပေါ်လာသည်။ ထိုအဇ္ဈတ္တရုပ်နာမ် ဒုက္ခကလေးများသည် သင်္ခတတရား များဖြစ်ကြသည်။ သင်္ခါရ အစားထိုးမှုကြောင့် သင်္ခတတရားများ ဖြစ်ပေါ်လာရသည်။ သင်္ခါရ အစားထိုးစရာ မရှိလျှင် သင်္ခတတရားများ ကုန်ခန်း၍ အသင်္ခတဓာတ်ခေါ် မြတ်သောနိဗ္ဗာန်သို့ မျက်မှောက်ပြုရသည်။

သင်္ခါရ အစားထိုးသည်ဆိုရာ၌ အကြောင်းအကျိုးလှည့်လည် ဖြစ်ပေါ်နေခြင်းဖြစ်သည်။ အကြောင်းတရားကို မပယ်သတ်လျှင် အကျိုးတရား ဖြစ်ပေါ်မည်။ အကျိုးတရားကို မလိုချင်ရကောင်းမှန်း မသိလျှင် အကြောင်းခံပြီး ဖြစ်လိမ့်မည်။ အကြောင်းမှ အကျိုးသို့ အကျိုးမှ အကြောင်းသို့ လှည့်လည်လျှက် ရှိသည်။

ဤ ပဋိစ္စသမုပ္ပါဒ် စက်ဝိုင်းတွင် အကြောင်းကိုသတ်လျှင် အကျိုးမပေါ်နိုင်တော့။ အကျိုးကိုသတ်လျှင် အကြောင်းမခံရာ ကျသောကြောင့် အကျိုးထပ်မံမဖြစ်နိုင်၊ အကျိုးကို လိုသဖြင့် အကြောင်းပြုသည်၊ အကြောင်းပြု သည်ကို အကြောင်းပြုမှန်း မသိမှုကြောင့် အကျိုးဖြစ်ပေါ်လာရသည်။

ဤနည်းအားဖြင့် ပဋိစ္စသမုပ္ပါဒ် လှည့်လည်လျှက်ရှိသည်။ အသင်္ခတဓာတ် မြတ်သောနိဗ္ဗာန်၌ ကြောင်းကျိုး မရှိတော့။ ကြောင်းကျိုး ချုပ်ငြိမ်းရုပ်သိမ်းသွားသည်။ ကြောင်းကျိုးမရှိတော့ အသင်္ခတဓာတ်သို့ မျက်မှောက်ပြုနိုင်စေရန် သံသရာလည်စေသော အရာတို့ကို ဖြတ်တောက်ရသည်။

သင်္ခတတရားများကို ရှုသတ်ရသည်။ ရှုသတ်ပါများ၍ အရှုသတ်ခံသင်္ခါရ တရားတို့ ချုပ်ဆုံးသော် အသင်္ခတဓာတ် မြတ်သော နိဗ္ဗာန်၌ အဖြစ်ကင်းသော အပျက်ကင်းသော ဖြစ်ပျက်ဆုံးရာ ဒုက္ခချုပ်ဆုံးရာ သန္တိသုခသို့ မျက်မှောက်ပြုရမည်။

ထို့ကြောင့် သင်္ခါရ တရားတို့၏အဆုံးတွင် အသင်္ခတဓာတ်ရှိသည်။ သံသရာ၏ အဆုံးတွင် နိဗ္ဗာန်ရှိသည်။ အတ္တတို့၏ အဆုံးတွင် အနတ္တရှိသည်။ ဒုက္ခ၏ အဆုံးတွင် သုခရှိသည်။ သုခရလိုလျှင် ဒုက္ခရရာရကြောင်းကို မပြုနှင့် သင်္ခါရတရားများကို ငြီးငွေ့လျှင် အသင်္ခတသို့ မျက်မှောက်ပြုနိုင်စေရန် သင်္ခါရ အစားထိုးမှုများ ကုန်ဆုံးချုပ်ငြိမ်းရန် ကြိုးစားပါ။ ဖြစ်ပေါ်လာသမျှသောဒုက္ခကို အနိစ္စလက်နက်ဖြင့် ဖြိုဖျက်ရှုသတ်ပါ။ အသင်္ခတဓာတ် မြတ်သောနိဗ္ဗာန်သည် ရုပ်နာမ်ဒုက္ခအဆုံး၌ အမှန်တကယ်တည်ရှိနေပါတော့သည်။

ဆက်လက်ဖော်ပြပါမည်

Admin (www.chitnge.com)

 

This entry was posted in Buddhism and tagged , , , , , , , . Bookmark the permalink.

Leave a Reply

Your email address will not be published. Required fields are marked *