ဉာဏ်ပန်းမွှေးလှိုင်ကြူ – 14

Share

အခန်း (၅)

၏ ဆူးငြောင့်ခလုတ်များ

            (က) သာသနာ၏ ဆူးငြောင့်ခလုတ်များ။

(ခ) မာန်နတ်အမျိုးအနွယ်များ။

`          (ဂ) အ၀ိဇ္ဇာနှင့် ၀ိဇ္ဇာ၊ အတ္တနှင့် ၊ ထွက်ရပ်လွဲနှင့် ထွက်ရပ်ပေါက်။

            (ဃ) ရွံရှာစက်ဆုပ်ဘွယ် ကောင်းသော သာသနာ့အန္တရာယ်။

(က) သာသနာ၏ ဆူးငြောင့်ခလုတ်များ

            သံသရာမှ လွတ်မြောက်ရန် ကြိုးစားရသော ဇွဲသတ္တိများသည် တော်ရုံသင့်ရုံ ဇွဲသတ္တိမျိုးတော့ မဟုတ်ပေ။ ယောက်ျားကောင်း ယောက်ျားမြတ်၊ အမျိုးသမီးကောင်း အမျိုးသမီးမြတ်တို့၌ ရှိထိုက်သော အရည်အချင်းမျိုး ရှိရပေမည်။ ကြံ့ခိုင်သော သတ္တိမရှိလျှင်လည်း သံသရာဝဲသြဃမှ လွတ်မြောက်အောင် ကူးခတ်နိုင်မည် မဟုတ်ပေ။ သူတော်စင် သူတော်မြတ်များက ရင်ဝယ်သိမ်းပိုက်လိုသော စာရင်းထဲ၌ ပါဝင်အောင်ကြိုးစားရသည်။ သူတော်စင်တို့ ကျော်လွှားနိုင်လျှင် မိမိသည်လည်း အလားတူ ကျော်လွှားနိုင်ရမည်ဟု အမြဲတောင့်တင်း ထားရမည်။ တည်တည်ငြိမ်ငြိမ် အေးအေးဆေးဆေးနှင့် တရားနှလုံးသွင်းပြီး တောင့်တင်းရန်လိုသည်။ တည်ငြိမ်ခြင်း၊ ဖြောင့်မတ်ခြင်း၊ ဣနြေ္ဒရခြင်း၊ မလှုပ်ရှားခြင်းစသော ဂုဏ်ရည်များလိုသည်။

သံသရာမှ ကျွတ်လွတ်ချင်သူများ၊ လုံးဝကိစ္စ ပြီးလိုသူတို့သည် ဆန့်ကျင်ဘက်နှင့် အညှီအဟောက် ကိလေသာများကို လက်ခံနေ၍မဖြစ်နိုင်။ သံသရာမှ လွတ်လိုသူတစ်ဦးသည် အမှန်တကယ် လွတ်မြောက်ချင် သော ဆန္ဒ ပြင်းပြခြင်းမရှိလျှင် တရားမရနိုင်ပါ။ ရရှိထားသော ရုပ်နာမ်သည် ဖောက်ပြန်နှိပ်စက်မှုသို့ ဦးတည်နေ၍ ထိုခန္ဓာသည် ဘာတစ်ခုမှ မကောင်းဟု သိမြင်ရမည်။ သံသရာမှ လွတ်ခါနီး အချိန်အခါတွင် အတားအဆီး မျိုးစုံလာနိုင်သည်။ အဆိုပါ အတားအဆီးများမှ လွတ်မြောက်နိုင်စေရန် `အော် – ဒီဘ၀ ဒါမှမလုပ်လျှင်မဖြစ်၊ သံသရာလည်ရသော ရုပ်နာမ်ရှိသူတိုင်း ဖောက်ပြန်နှိပ်စက်သည့် ဒဏ်ကိုခံရသည်။´ ဟုဆင်ခြင်မိကာ ဇွဲ၊ လုံ့လရှိခြင်းကို၎င်း၊ လောဘပယ်သတ်နိုင်ခြင်းကို၎င်း၊ အရာရာကို ခွင့်လွှတ်နိုင်ခြင်းကို၎င်း၊ မေတ္တာထားနိုင်ခြင်း ကို၎င်း၊ တည်တည်ငြိမ်ငြိမ်နှင့် ဆင်ခြင်နိုင်ခြင်းကို၎င်း အင်အားကောင်းစေရမည်သာ ဖြစ်သည်။

ဤသို့သော သတ္တိမျိုး မိမိ၌ ခိုင်ခိုင်လုံလုံ ရှိပါ၏လောဟု မေးရမည်။

တဏှာလောဘကို မမက်အပ်ကြောင်း  သဘောပေါက်ထားနိုင်မှ အဆိုပါ သတ္တိမျိုးကို မွေးနိုင်မည်။ ဤသတ္တိမျိုးမွေးနိုင်လျှင် မကောင်းရာမှ ကောင်းရာသို့၎င်း၊ ကောင်းရာမှ ပြည့်ဝသည်အထိ ပိုမိုတိုးတက်လာရမည်သာဖြစ်သည်။

သာသနာ၏ ဆူးငြောင့်ခလုတ်များနှင့် ပတ်သက်၍ ရှေးဦးစွာ အတွင်းကိလေသာမာရ်ကို အောင်နိုင်ရန်ပင်ဖြစ်သည်။ ရုပ်နာမ်တစ်ခု၌ စွဲကပ်ငြိတွယ်နေသော ကိလေသာများ၊ မာရ်မာနများသည် ထိုရုပ်နာမ်အား သံသရာထဲ၌ တ၀ဲလယ်လယ် ကျင်လည်စေရန် ပိုင်ပိုင်နိုင်နိုင် ဆွဲနှစ်လေ့ရှိကြသည်။

ထိုမာရ်ကို အနတ္တဉာဏ်၊ ရတနာ(၃) ပါး၊ အနန္တော အနန္တ(၅) ပါးကို ဦးထိပ်ထားကာ ပညာသားပါပါ လက္ခဏာရေး (၃) ပါးဖြင့် ပိုင်းခြားပယ်သတ်နိုင်သောဉာဏ် စသည်တို့ကို အသုံးပြုနိုင်မှ တော်ရုံကျမည်။

ထိုမာရ်သည် သံသရာမှ လွတ်မြောက်ရေးကို အနှေင့်အယှက် လွန်စွာပေးသော စက်ဆုပ် ကြောက်လန့်ဘွယ်ရာ မာရ် အမျိုးအစားဖြစ်သည်။

ဒုတိယ အနှောက်အယှက်မှာ ပုထုဇဉ်မျက်ကန်း ဓမ္မန္တရာယ်ပင်ဖြစ်သည်။ ပုထုဇဉ်မျက်ကန်းများသည် အလင်းဓာတ်ကို မကြည့်ဝံ့ မမြင်ဝံ့ သည့်ပမာ အရိယာသူတော်စင်တို့၏ လမ်းစုံကို ကန့်လန့်တိုက်ကြသည်။

တတိယ အဆိုးဝါးဆုံးသော အနှောက်အယှက် အဖျက်အဆီးမှာ မာရ်နတ်မျိုးနွယ် အ၀ိဇ္ဇာ တဏှာ ကောင် များပင်ဖြစ်သည်။

 

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *