ဉာဏ်ပန်းမွှေးလှိုင်ကြူ – 11

အခန်း (၄)

ဓမ္မသဘာဝယေဘုယျ လက္ခဏာများ

(က) အပျက်တရားကြောင့် ရသောအဖြေသည် ဖြစ်၏

(ခ) သစ္စာသိသူတို့ ခံစားရသော စစ်မှန်သည့် ချမ်းသာသုခ။

(ဂ) သာသနာတော် အဘယ့်ကြောင့် စည်ပင်သာယာ၍ အဓွန့်ရှည်စေချင်ပါသနည်း။

(ဃ) အ၀ိဇ္ဇာရှိသူတို့ မသိနိုင်သော အ၀ိဇ္ဇာ ရှုသတ်နည်း။

(င) မြတ်ဗုဒ္ဓ တရားဒေသနာသည် အဆိုးရှုဝါဒမဟုတ်။

(စ) မြတ်ဗုဒ္ဓ၏ သိပ္ပံပညာနှင့် ၀ိဇ္ဇာပညာ။

(ဆ) သာသနာ ပြုလိုသူတို့၌ ရှိအပ်သော အရည်အချင်းများ။

(ဇ) စွန့်ခြင်း၊ ပယ်ခြင်း၊ သတ်ခြင်း၊ ဖြတ်ခြင်းများ။

(ဈ) ယောဂီတစ်ဦး၏ တရားဉာဏ်ရည် အဆင့်အတန်း အနိမ့်အမြင့် တိုင်းတာခြင်း။

(ည) ၀ိပဿနာ နှင့် သမထ။

(က) အပျက်တရားကြောင့် ရသောအဖြေသည်နိဗ္ဗာန်ဖြစ်၏

            ရုပ်နာမ်သည် အပျက်တရားဖြစ်၏။ `သဗ္ဗေ သင်္ခါရာ ´ဟု သခင်ကိုယ်တော်မြတ်ကြီး က ဟောကြားတော်မူခဲ့သည်။ အလုံးစုံသော ဖြစ်ပျက်ပြုပြင် စီရင်မှုတရားတို့သည်အမြဲမရှိကြ။ အဖြစ်တရား တို့သည် ဖြစ်ပေါ်လာပြီးနောက် ပျက်စီးရသည်။ အဖြစ်ရှိလျှင် အပျက်ရှိရသည်။ အဖြစ်သည် ဒုက္ခဖြစ်၏။ အဖြစ်မရှိလျှင် ဒုက္ခမရှိ။ အဖြစ်ငြိမ်းရာသည် နိဗ္ဗာန်ဖြစ်သည်။

ရုပ်နာမ်ဖြစ်လျှင် မွေးရမည်။ အိုရမည်။ နာရမည်။ သေရမည်။ ရုပ်နာမ်ဖြစ်လာလျှင် အိုနာသေနှင့်မလွတ်။ သမုဒယရှိလျှင် ဒုက္ခရှိမည်။ ချစ်ခင်ခြင်း၊ နှစ်သက်ခြင်း၊ စွဲလမ်းခြင်း၊ တပ်မက်ခြင်း၊ ငြိခြင်း၊ ကြင်နာခြင်းများရှိလျှင် ဒုက္ခဖြစ်ရမည်။ ဒုက္ခဆိုသည်မှာ ပူဆွေးမည်၊ လောင်ကျွမ်းမည်၊ စိုးရိမ်ရသည်၊ သောကရောက်ရမည်။ ပူဆွေးလောင်ကျွမ်းမှု၊ စိုးရိမ်မှု မရှိစေလိုလျှင် ဖြစ်စေသော ငဲ့လုံး၊ ခင်လုံး၊ မင်လုံးတို့ကို သတ်ရမည်။

သမုဒယသတ်လျှင် ဒုက္ခသေသည်။ ဒုက္ခကို ဒုက္ခမှန်းသိမှ သစ္စာဆိုက်မည်။ ဒုက္ခကို ဒုက္ခမှန်းသိမှ သမုဒယကို သတ်ချင်မည်။ ဒုက္ခကို ဒုက္ခမှန်း သိပြီးနောက် ထိုဒုက္ခကို မလိုချင်သော မဂ်ဖြင့် သတ်လိုက်ပါ။ ဖြတ်လိုက်ပါ။ ဒုက္ခကို လိုချင်လျှင် သမုဒယ ပြန်ဖြစ်သွားလေမည်။ သမုဒယဖြစ်လျှင် ပြန်လည်မည်။ ဒုက္ခကို မလိုချင်၍ ပယ်သတ်လိုက်လျှင် သမုဒယမဖြစ်။ မဂ်ဖြစ်မည်။ မဂ်ဖြစ်လျှင် နိရောဓသို့ မျက်မှောက်ပြုရမည်။

ထို့ကြောင့် ဒုက္ခ၏  အပျက်သဘောကို မလိုချင်သော မဂ်ဉာဏ်ဖြင့် အနိစ္စတပ်၍ ရှုသတ်ပါ။ ဒုက္ခသည် အပျက်သဘောဖြစ်၏။ ဒုက္ခသည် လိုချင်စရာမကောင်း။ ထို့အတူ အပျက်တရားကြီးသည်လည်း လိုချင်စရာ မကောင်း။ မလိုလားအပ်သော ဒုက္ခ၏ အပျက်သဘောကို အနိစ္စလက္ခဏာတင်၍ ဉာဏ်ပညာဖြင့် ရှုသတ်ပါ။ ဒုက္ခ၏ အပျက်ကိုမြင်လေလေ လက္ခဏာရေးများ ထင်ရှားလာလေလေ ဖြစ်မည်။

အပျက်မမြင်လျှင် မဂ်မ၀င်နိုင်၊ အပျက်မြင်မှ မဂ်ဝင်မည်။ အပျက်တရားအပေါ်၌ မခံစားအပ်။ မခံစားလိုသောသဘောနှင့် ရုပ်နာမ်ဒုက္ခ၏ အပျက်ကို ဆင်ခြင်ပါ။ ပျက်စရာများ ကုန်ဆုံးသွားသောအခါ မဖြစ်မပျက်သော နိဗ္ဗာန်သို့ တိုက်ရိုက်မျက်မှောက်ပြု ဉာဏ်သက်ဝင်ရမည်။ အပျက်ကို မမြင်၍ အဖြစ်ချည်း ထင်နေလျှင် နိဗ္ဗာန်နှင့်ဝေးမည်။ ထို့ကြောင့် အပျက်တရား၏ အဖြေသည်နိဗ္ဗာန်ပင်တည်းဟု မှတ်ယူထားလိုက် ပါကြောင်း။

 

(ခ) သစ္စာသိသူတို့ ခံစားရသော စစ်မှန်သည့် ချမ်းသာသုခ။

            သစ္စာမသိသူတို့သည် ရုပ်နာမ်အကြောင်းကိုလည်း အမှန်အတိုင်းမသိကြ၊ သုံးဆယ့်တစ်ဘုံနှင့် သံသရာ အကြောင်းကိုလည်း အမှန်အတိုင်းမသိကြ။ နိဗ္ဗာန်အကြောင်းကိုမူ ဝေးလွန်းလှချေသေးသည်။ ပိုးဖလံမျိုးတို့သည် မီးကိုတိုးသော် ကိုယ်ကျိုးနည်းရ၏။ သစ္စာမသိသူတို့သည် ရုပ်နာမ်ဒုက္ခကို လိုလားတပ်မက် နှစ်သက်သည်ရှိသော် အလားတူပင် ကိုယ်ကျိုး နည်းရသည်သာတည်း။ သစ္စာမသိသူသည် ချမ်းသာအတုကို ချမ်းသာအစစ်ဟု ထင်မြင်၏။ ချမ်းသာအတုသည် အပေါ်ယံ ရွှေမှုန်ကြဲ အထဲက နောက်ချေးခံဖြစ်၏။

တနည်းအားဖြင့် ကျီးအာသီးသာတည်း။ ခန္ဓာကိုယ် ဟောက်ပက်ကို ဇောက်နက်အောင် ကြည့်သောအခါ သွေး၊ ပြည်၊ သလိပ်၊ စက်ဆုပ်ဖွယ်ရာ ရုပ်နာမ်အကောင်ပုပ်မျှသာဟု ဉာဏ်သက်ဝင်မိလေသည်။ ဤအကောင်ပုပ် အသုဘခန္ဓာကို သုခထင်နေခြင်းဖြင့် တဏှာ ကိလေသာ လိမ်းကျံကာ ယာယီ စံစား ခံစားကြခြင်းများသည် သစ္စာ မသိသူတို့၏ ယုတ်သော ပုထုဇဉ်တို့၏ အလေ့ဖြစ်သော၊ သူတော်စင်တို့၏ အကျင့်မဟုတ်သော နိဗ္ဗန်ချမ်းသာ၏ အကျိုးစီးပွားမဟုတ်သော လုပ်ဆောင်ချက်များသာတည်း။

ဤသို့သော လုပ်ဆောင်ချက်များဖြင့် သောကအပူမီးတွေ့ကာ ဒုက္ခပင်လယ်ဝေရသည်။ လောင်ကျွမ်း ပူဆွေးခြင်းတလှည့်၊ နစ်မွန်းခြင်းတလှည့်၊ သစ္စာအသိဉာဏ် ကင်းမဲ့ဆိတ်သုဉ်း၍ အမှောင်ပိတ်ဖုံး အမိုက်တုံး ဖြစ်ရသည်။ သံသရာ၌ မီးကြိုးရှည်ရသည်။ သစ္စာတရား သိသူတို့မှာမူ ဒုက္ခကို ဒုက္ခမှန်းသိ၍ ရှုသတ်ခဲ့ပြီးဖြစ်သည်။ ဒုက္ခကို မလိုချင်တော့သဖြင့် ဒုက္ခဖြစ်စရာများကိုလည်း မပြုလုပ်တော့၊ ဒုက္ခဖြစ်စရာ မပြုလုပ်ခြင်းကြောင့် ဒုက္ခလည်း ဖြစ်မလာတော့၊ လက်ရှိဒုက္ခကိုလည်း ပိုင်းခြားပယ်စွန့်ပြီးဖြစ်ရာ ချမ်းသာသုခမှတပါး အခြားကို အာရုံပြုစရာ အကြောင်းမရှိတော့။

ဤကား ဒုက္ခကို ဒုက္ခမှန်းသိ၍ မလိုချင်သဖြင့် ဒုက္ခဖြစ်စရာများကို ပယ်သတ်သော ပုဂ္ဂိုလ်တို့ ရရှိ ခံစားစံစားအပ်သော ချမ်းသာသုခ သဘောပင်တည်း။ တနည်းအားဖြင့် သစ္စာသိသူတို့ ရရှိခံစားအပ်သော ချမ်းသာစစ် ချမ်းသာမှန်ပင်တည်း။

ရုပ်နာမ်ဒုက္ခအား ဒုက္ခတုံးကြီးမို့ ငါပိုင်သည်ဟု မမှတ်ယူ မစွဲလန်းတော့ဘဲ အပြီးအပိုင် ပယ်စွန့်လိုက် သည်။ ဤ မပိုင်မဆိုင်ပါဟူသော ပယ်စွန့်နိုင်သော ဉာဏ်ပညာစွမ်းရည်သည် ချမ်းသာသုခ အတိပြီးသော အနတ္တဉာဏ် စွမ်းရည်ပင်တည်း။

 

(ဂ) သာသနာတော် အဘယ်ကြောင့် စည်ပင်သာယာ၍ အဓွန့်ရှည်စေချင်ရပါသနည်း။

            ရုပ်နာမ်ရှိသူတို့အား နှိပ်စက်နေသောအရာများသည် လောဘ၊ ဒေါသ၊ မောဟနှင့် တဏှာ၊ မာန၊ ဒိဋ္ဌိစသော အကုသိုလ် ကိလေသာ တရားများသာဖြစ်သည်။ ထိုကိလေသာ အပူမီးများကို ငြိမ်းသတ်နိုင်သော မဂ်ရေသည် မြတ်စွာဘုရားသခင်ကိုယ်တော်မြတ်ကြီး၏ တရားတော်ပင်ဖြစ်သည်။ မြတ်ဗုဒ္ဓ၏ တရားတော်သည် လောဘ ဒေါသ မောဟကို လျော့နည်းစေသည်။

တဏှာ မာန ဒိဋ္ဌိကို ပါးရှား ခေါင်းပါးစေသည်။ အကုသိုလ် တရားများကို စင်ကြယ်စေသည်။ မြတ်စွာဘုရား၏ သာသနာတော် စည်ပင်သာယာပါမှ မြတ်ဗုဒ္ဓ၏ တရားတော်များကို လေ့လာလိုက်စား ကျင့်ကြံ ပွားများသူ များပြားမည်။ လူအများအပြား ဤတရားကို လိုက်စားကျင့်ကြံပါမှ အစစ်အမှန် ချမ်းသာမှုကို ခံစားရသူ ပေါများသည်။

အများသူငါ ချမ်းသာစေလိုသူတို့သည် မြတ်ဗုဒ္ဓ၏ သာသနာတော်စည်ပင်သာယာမှုနှင့် အဓွန့်ရှည်မှုတို့ကို လိုလားနှစ်ခြိုက်ရသည်။ အမျိုးကောင်းသား အမျိုးကောင်းသမီးများသည် ဤကဲ့သို့သော အများသူငါ ရုပ်နာမ်ရှိသူတို့ အစစ်အမှန်ချမ်းသာစေရေးကို အားပေးကူညီထိုက်သည်သာ ဖြစ်သည်။ လောဘ ဒေါသ မောဟလျော့နည်းသော ပုဂ္ဂိုလ်များသည် သစ္စာ မေတ္တာ ဘာဝနာနှင့် ကျင့်သုံးဆောက်တည် သီတင်းသုံးနေထိုင် လျှက်ရှိရာ ရုပ်နာမ်ရှိသူ အားလုံး၏ ချမ်းသာသုခ ရရှိရေးအတွက် ထိုက်တန်သလို ဉာဏ်မှီသလို ပြုမူကျင့်ကြံ ပြောဆိုနေကြသည်သာ ဖြစ်သည်။

ထို့ကြောင့်ပင် မြတ်စွာဘုရားသခင် ကိုယ်တော်မြတ်ကြီး၏ သာသနာတော်ကို အကျယ်ပြန့်ဆုံးနှင့် အသိုက်မြိုက် အသိပ်သည်းဆုံး စည်ပင်သာယာစေလျှက် အကြာညောင်းဆုံးသော ကာလသို့တိုင်အောင် အဓွန့်ရှည်စေရန် ဆန္ဒပြုရမည်သာဖြစ်သည်။ သာသနာတော် ညှိုးနွမ်း၍ မှေးမှိန်လျှင် မဂ်ချမ်းသာ ဖိုလ်ချမ်းသာ နိဗ္ဗာန်ချမ်းသာ အစစ်အမှန်များကို ရရှိခံစားသိရှိသူ နည်းပါးမည်။

ဤသို့ ချမ်းသာစစ် ချမ်းသာမှန်ကို စံစား ခံစား နားလည်သူ နည်းပါးခြင်း၊ ချမ်းသာတု ချမ်းသာယောင်နှင့် ဒုက္ခမျိုးစုံ စုပုံ ခံစားနေကြသူများ များပြားနေခြင်းသည် လိုလားအပ်သော အခြေအနေမဟုတ်။ လိုလားအပ်သော အခြေအနေသို့ရောက်အောင်ရဟန်းရှင်လူများသည် မိမိအတွက်၎င်း၊ တပါးသူအတွက်၎င်း၊ စစ်မှန်သောချမ်းသာ ရရှိခံစား စံစား စေနိုင်ခြင်း အလို့ငှာ စွမ်းစွမ်းတမန် စိတ်အားထက်သန်စွာ နိုးနိုးကြားကြား ကြိုးစားကြရမည်။

မိမိတို့ကိုယ်တိုင်၌ မိမိတို့၏ အသီးသီးသော ရင်တွင်းဝယ် ဓမ္မစေတီတည်၍ သာသနာ စည်ပင်သာယာရေး၊ အဓွန့်ရှည်ရေးတို့ကို ဦးဆောင်ကာ ရွှင်လန်းတက်ကြွသော စေတနာနှင့် အမြဲ အားသန် နေသော စွမ်းအားတို့ကို မွေးမြူတည်ဆောက် ကြိုးစားဖြန့်ဝေ နေရမည်သာ ဖြစ်ပါကြောင်း။

 

ဆက်လက်ဖော်ပြပါမည်

Admin (www.chitnge.com)

This entry was posted in Buddhism and tagged , , , , , , , . Bookmark the permalink.

Leave a Reply

Your email address will not be published. Required fields are marked *