တစ်ယောက်တည်းမဟုတ်ပါ .. ..

Share

တစ်ယောက်တည်းမဟုတ်ပါ .. ..

အများအားဖြင့် တရားအားထုတ်သောအခါ  တစ်ယောက်တည်းသဘောပဲ အဓိပ္ပာယ် သက်ရောက်သည်ကို တွေ့ရသည် –

ဥပမာ —- အများသူငါ သစ္စာဝါဒီတို့ တရားအားထုတ်သောအခါ မိမိတစ်ယောက်တည်း မိမိခန္ဓာကိုယ်ကို မိမိ ကြည့်ရသော သဘောဖြစ်သဖြင့် အများကို စိတ်ဝင်စားခြင်း မပြုနိုင်ပါ၊ ထို့ကြောင့် တရားအားထုတ်သောအခါ တစ်ယောက်တည်းဟု သတ်မှတ်ယူဆရသည်။

တစ်ယောက်တည်း အားထုတ်လျှင်လည်း တစ်ယောက်တည်း ဖြစ်သည်၊ အများနှင့် အားထုတ်သည် ဆိုသော်လည်း တရားအားထုတ်သောအခါ တစ်ယောက်တည်းကဲ့သို့ မိမိခန္ဓာကိုယ်ကိုသာ မိမိဉာဏ်ယှဉ်ရခြင်း သဘောဖြစ်သည် ထို့ကြောင့် တရားအားထုတ်လျှင် တစ်ယောက်တည်းဟု သဘောပိုက်ခဲ့မိသည်။

သို့သော် တဖြည်းဖြည်းနှင့် တရားအားထုတ်ကြည့်သောအခါ တရားအားထုတ်ရင်း အားထုတ်ရင်း၊ တစ်ယောက်တည်းသဘော အားထုတ်ရင်း အားထုတ်ရင်း တစ်ယောက်တည်း မဟုတ်ကြောင်းကို သိရှိနားလည်  ခံစားလာရသည်။

အဓိပ္ပာယ်မှာ – “If you are not alone .. .. with whom .. ..  you are.. .. ” ဆိုတာမျိုးပေါ့ .. ..

တစ်ယောက်တည်း မဟုတ်ဘူးဆိုတော့ ဘယ်သူနဲ့ အားထုတ်သလဲ ဒီသဘောလေ့လာလျှင် မေးခွန်းထွက်နိုင်သည်။ အဓိပ္ပာယ်မှာ တစ်ယောက်တည်း မဟုတ်ခြင်းဆိုသည်မှာ ရှေ့သွား မြတ်စွာဘုရားသခင် ကိုယ်တော်မြတ်ကြီး အမှူးပြုပြီး ရဟန္တာများ အရိယာများ အားထုတ်တော်မူကြသော ရှေ့သွားများ ရှိသဖြင့်၊ ထိုရှေ့သွားများနောက်သို့ မိမိတို့သည် ကောက်ကောက်ပါအောင် လိုက်ရသည်ဖြစ်ရာ မိမိတို့၌ ရှေ့သွားရှိသဖြင့် မည်သို့သော အခါမျှ တစ်ယောက်တည်း မဟုတ်ဘဲ ရှေ့သွားများ၏ နောက်ကို လိုက်၍ အားထုတ်ရသကဲ့သို့ ခံစားမိသည်။

ထို့ကြောင့် တရားအားထုတ်သောအခါ တစ်ယောက်တည်း ဖြစ်သော်လည်း၊ တစ်ယောက်တည်း မဟုတ်သကဲ့သို့ တရားအမှန်တကယ် ကြိုးစားအားထုတ် ရင့်ကျက်လာသောအခါ မိမိ၌ သူတော်ကောင်းများ ရှေ့သွားရှိကြောင်းကို ခံစားနားလည်ရသည်။ ဤအတွေ့အကြုံကို တဖြည်းဖြည်းနှင့် သိရှိလာသောအခါ တစ်ယောက်တည်း မဟုတ်ကြောင်းကို သဘောပေါက်လာသည်။ ရှေ့သူတော်ကောင်းများသည် တစ်ကြောင်းတည်း တစ်ဖြောင့်တည်း သစ္စာတရားအတွက် သာသနာအတွက် နိဗ္ဗာန်အတွက် ဆောင်ရွက်တော်မူကြ  ကျင့်ကြံအားထုတ်တော်မူကြရာ မိမိတို့လည်း ထိုကဲ့သို့ပင် နောက်ကလိုက်၍ ကျင့်ကြံ အားထုတ်ရမည် ဖြစ်သဖြင့် အားရှိဖွယ်ရာကောင်းကြောင်း သတင်းကောင်း ပေးအပ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

 

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *