သစ္စာဝါဒီများ အောက်ပါစာများကို ဖတ်ကြည့်ပါ

Share

သစ္စာဝါဒီများ အောက်ပါစာများကို ဖတ်ကြည့်ပါ

CN paint4ရုပ်နာမ်ဟာဆင်းရဲပါတယ်။ ဒါကြောင့် သူတော်ကောင်းတွေက ရုပ်နာမ်ချုပ်တဲ့ နိဗ္ဗာန်ကို စံတော်မူကြတာ ဖြစ်ပါ တယ်။

နိဗ္ဗာန်ဆိုတာ ရှိပါတယ်။ သူတော်ကောင်းတွေ စံတော်မူကြပါပြီ။ နိဗ္ဗာန်ဆိုတာ ချမ်းသာတယ်။ နိဗ္ဗာနံ ပရမံ သုခံ ဆိုတဲ့ စကားရှိပါတယ်။ ချမ်းသာတယ်ဆိုလို့ လောကီချမ်းသာ စည်းစိမ်ဥစ္စာ ချမ်းသာတာမျိုး မဟုတ်ပါဘူး။ တကယ့်ကို ချမ်းသာစစ် ချမ်းသာမှန် ဖြစ်ပါတယ်၊ သန္တိသုခ ဖြစ်ပါတယ်။

ရုပ်နာမ်ကို မဖက်တွယ်ရပါဘူး ဖက်တွယ်ခြင်းကို ဖြိုရပါတယ်။ ဖြိုခြင်းဟာ ရှုခြင်းပါပဲ၊ ရှုခြင်းဟာ ရုပ်နာမ်ကို မဖက်တွယ်ဘူး ဆိုတဲ့ သဘောပါပဲ။ ရုပ်နာမ်ကို မလိုလားဘူးဆိုတဲ့ သဘောပါပဲ။ ရုပ်နာမ်ကို စွန့်နိုင်တယ် ဆိုတဲ့ သဘောပါပဲ။ ရုပ်နာမ်ကို မနှစ်ခြိုက်ဘူး ဆိုတဲ့ သဘောပါပဲ။

ဒီသဘောတွေ ပေါ်လာရင် နိဗ္ဗာန်ကို နှစ်ခြိုက်လာမှာ ဖြစ်ပါတယ်။ ဒီသဘောတွေပေါ်ဖို့ အရေးကြီးပါတယ်။ ရုပ်နာမ်ကို မကြိုက်မှ ဖြစ်မှာပါ။ ရုပ်နာမ်ကို မကြိုက်ခြင်းဟာ အနိစ္စရှုခြင်း ၀ိပဿနာ ဖြစ်ပျက်ရှုခြင်းနဲ့ အဓိပ္ပာယ် အတူတူပါပဲ။ ဒါကို လက်ခံနိုင်မှသာ တရားဖက်ကို နီးစပ်နိုင်မှာ ဖြစ်ပါတယ်။

သစ္စာဝါဒီများ အထက်ပါ စာပိုဒ်ကို ဖတ်ကြည့်၍ လက်ခံနိုင်တယ်ဆိုရင် ဒါ တရားနဲ့ နီးစပ်သူဟု ကိုယ့်ကိုယ်ကို သတ်မှတ်နိုင်ပါတယ်။ မကြိုက်ဘူး မုန်းတယ် ဆိုရင်တော့ တရားနဲ့ နီးစပ်သူ မဖြစ်ဘူးလို့ပဲ ကောက်ချက်ချရမယ် ဖြစ်ကြောင်း သတင်းကောင်း ပေးလိုပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *