မြတ်သောအကျင့် အကောင်းဆုံးသောအကျင့်

Share

မြတ်သောအကျင့် အကောင်းဆုံးသောအကျင့်

 

Bism 05သစ္စာဝါဒီများ အခုကျင့်နေတဲ့ ၀ိပဿနာကျင့်စဉ်ဟာ မြတ်သောအကျင့် အကောင်းဆုံးအကျင့်ပါပဲ။

မကျင့်နိုင်ကြလို့သာ အများသူငါ လက်လျှော့ထားရတာ ကျင့်နိုင်ရင်တော့ အကောင်းဆုံးပဲ။ သစ္စာဝါဒီများ ကတော့ ကျင့်နိုင်သလောက်ကျင့်တော့ အကောင်းဆုံးထဲမှာပါသွားပြီ။ကျင့်သာကျင့်ပါ လုံးဝကျင့်ပါ အပြတ်ကျင့် စိတ်တိုင်း မကျရင်လဲ အဓိဌါန်ပြီးတော့ ကျင့်လိုက်တော့ ဘာဖြစ်လို့တုန်းဆိုတော့ ကျင့်စဉ်ကမှန်နေပြီလေ။

ဘုရားဟောတရား သူတော်ကောင်းတွေဟောတဲ့ အနိစ္စကို ကိုယ်ကရှုနေတာကိုး။ ရှုတဲ့အတွက် ကိုယ်က မလိုလားဘူးဆိုတဲ့ သဘောလဲပါတယ်။ အဲတော့ မဂ္ဂင်ဖောင်ကြီးစီးတာပဲ။ မခံစားဘူးဆိုတဲ့သဘောလဲပါတယ်။ ဒီတော့ မဂ္ဂင်ဖောင်ကြီးစီးတာပဲ။ ပယ်တယ် သတ်တယ် ဖြတ်တယ် စွန့်တယ် ဒါတွေလုပ်လိုက်တော့လည်း မဂ္ဂင်ဖောင်ကြီး စီးတာပဲ။ မမှီခို၊ မလဲလျောင်း၊ မသိမ်းပိုက်ဘူး ဆိုတော့လည်း မဂ္ဂင်ဖောင်ကြီး စီးတာပဲ။

ဒီတော့ မဂ္ဂင်ဖောင်ကြီးကို စီးနေရတဲ့ သစ္စာဝါဒီများဟာ ၀ိပဿနာနဲ့သာ အချိန်ရသလောက် ကျင့်တော့ ဒါ မိမိတို့အတွက် ဘ၀မှာ ကောင်းကျိုးချမ်းသာမှုကို အပေးဆုံးသော ကျင့်စဉ်ဖြစ်တဲ့အတွက် လုံးဝ သေချာပေါက် စိတ်ချ ကျင့်ပါတော့။ အရှိန်ရနေပြီ ဆိုတော့ မထူးတော့ဘူး၊ တွန်းသာ ကျင့်တော့ လောကီကတော့ အလိုက်အထိုက်ဆိုလည်း အလိုက်အထိုက်ပေါ့ တစ်ဝမ်းတစ်ခါးကတော့ မဆန်းပါဘူး။

ဒီတော့ တရားပြည့်စုံရင် အားလုံး ပြည့်စုံတာပဲ။ ထပ်ပြောပါရစေ၊ တရားပြည့်စုံရင် အားလုံးပြည့်စုံပါတယ်။ ဒီတော့ တရားရဖို့အတွက် အထူး ၀ိရိယ စိုက်ထုတ်ပြီး ကျင့်လိုက်ပါတော့လို့ တိုက်တွန်းရင်း နိဂုံးချုပ်ပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , . Bookmark the permalink.

Leave a Reply

Your email address will not be published. Required fields are marked *