တရားအားထုတ်သောအခါ

Share

တရားအားထုတ်သောအခါ

pink-lotusသစ္စာဝါဒီများ တရားအားထုတ်တယ်ဆိုတာ စိတ်ကြည်အောင် လုပ်တာပါပဲ။ စိတ်ကြည်ကြည် ဉာဏ်ကြည်ကြည် လုပ်ဆောင်ရင် ဘာမဆို ကောင်းပါတယ်။ စိတ်နောက်နောက်ဆိုရင် မကောင်းပါဘူး။ ဒါကြောင့် စိတ်ကြည်ဖို့ လိုပါတယ်။

တရားအားထုတ်တယ်ဆိုတာ စိတ်ကိုကြည်စေတာပဲ အနောက်တွေကို ရှင်းပစ်တာပဲ။ အနောက်တွေကို အနိစ္စတင်ပစ်လိုက်တာပဲ၊ အနောက်တွေကို ဆေးကြောလိုက်တာပါပဲ။

ကြည်တဲ့အခါကျတော့လည်း အနာဂတ် အကြောင်းအရာလေးတွေ အမှတ်တမဲ့ဖြစ်ဖြစ် ပေါ်တတ်ပါတယ်။ ဒါ နည်းနည်းတော့ သတိထားလို့ ရပါတယ်။

အနာဂါတ် အကြောင်းအရာလေးတွေကတော့ စိတ်ကြည်ကြည် ဉာဏ်ကြည်ကြည် ရှိတဲ့အခါမှာ ပေါ်တတ်ပါတယ်။ လောကကြီးကတော့ မသိနိုင်တာ မဟုတ်ပါဘူး မသိသေးတာပါပဲ။ ဒါပေမယ့် မသိထိုက်ဘဲနဲ့ သိဖို့တော့ သိပ်မလွယ်ပါဘူး၊ သိထိုက်မှ သိတာဖြစ်ပါတယ်။ အသိပညာဉာဏ်တွေ တိုးတက်အောင်၊ နက်ရှိုင်းအောင်၊ ကြီးကျယ်အောင် တရားအားထုတ်တာ အကောင်းဆုံးပါပဲ။ အခုတရားအားထုတ်တယ် ပေါ်သမျှ ရှုခြင်းဟာ အကောင်းဆုံးသော နည်းနိဿယ ဖြစ်ကြောင်း ထပ်လောင်း၍ အားဖြည့်ပေးလိုပါတယ်။ သစ္စာဝါဒီများ စိတ်ကြည်ကြည် ဉာဏ်ကြည်ကြည်နဲ့ တရားအလုပ်ကို ဇွဲရှိရှိနဲ့ လုပ်ဆောင်နိုင်ပါစေလို့ မေတ္တာပို့လျက် ရှိပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)  

This entry was posted in Buddhism and tagged , , . Bookmark the permalink.

Leave a Reply

Your email address will not be published. Required fields are marked *