အဆင့်ငါးဆင့်ကျင့်စဉ်

Share

အဆင့်ငါးဆင့်ကျင့်စဉ်

CN paint4  သက်တော်ထင်ရှား ရှိစဉ်က စာရေးသူတို့ ကျင့်ခဲ့ရသော အဆင့်ငါးဆင့် ကျင့်စဉ်ကို စာဖတ်သူများအား ဖော်ပြပါမည်။

အဆင့် (၁) မှာ သမုဒယ ပယ်ရပါသည်။

ပယ်ရတာက သမုဒယဟူသော အဆိုနှင့်အညီ ပယ်ရပါသည်။ ခန္ဓာကိုယ်ကို တပ်မက်နေသော သမုဒယများကို ပယ်ရသည်။ စာရေးသူတို့ တကယ်လေ့ကျင့် ကျင့်သောအခါ သမုဒယ ပယ်ရသည်ကို ပျော်ပါသည်။ သမုဒယလေးတွေကို ပယ်ပယ်လိုက်ရသည်မှာ ဝမ်းသာစရာလည်း ကောင်းသည်၊ စိတ်ဝင်စားစရာလည်း ကောင်းသည်။ ရုပ်နာမ်နှင့် ပတ်သက်၍ သမုဒယကို ပယ်ရခြင်းသည် ပျော်စရာ တစ်မျိုးပင် ဖြစ်ပါသည်။

ထို့ကြောင့် ပယ်ရတာက သမုဒယ နံပါတ် (၁) ဖြစ်ပါသည်။

အဆင့် (၂) မှာ သေသွားတာက ဒုက္ခ။

သမုဒယ ပယ်လိုက်သောအခါ သမုဒယ အကြောင်းခံလို့သာ ဒုက္ခဖြစ်ရခြင်း ဖြစ်သည်။ သမုဒယ ပယ်လိုက်သောအခါ ဒုက္ခသေသွားပါသည်။ ဒုက္ခသေလျှင် ဒုက္ခငြိမ်းသည်  – အကြောင်းနှင့် အကျိုး ဖြစ်ပါသည်။ အကြောင်းကို ပယ်လိုက်သောအခါ အကျိုးမဖြစ်သောသဘော ဖြစ်ပါသည်။ မျိုးစေ့တစ်စေ့ မီးဖိုထဲ ထည့်ဖုတ်ပြီး ကျွမ်းတော့မှ သဲကန္တာရမှာ စိုက်လျှင် မပေါက်နိုင်တော့ပါ၊ ယင်းကား သစ်ပင်ဖြစ်ရန် ဖြစ်သောအကြောင်းများ ကုန်စင်ပြီးသား ဖြစ်သောကြောင့် ဖြစ်ပါသည်။

ထို့ကြောင့် သမုဒယ ပယ်သောကြောင့် ဒုက္ခသေသွားသည် ထို့ကြောင့် သေသွားတာက ဒုက္ခဖြစ်ပါသည်။ ယင်းကား နံပါတ် (၂) ဖြစ်ပါသည်။

အဆင့် (၃) မှာ မျက်မှောက်ပြုရတာက နိယောဓ။

ထိုအခါ ဒုက္ခချုပ်ငြိမ်း သွားသည်၊ သေသွားသည် ဆိုသောအခါ – မိမိ၏ သမုဒယ သတ်လိုက်သော ဉာဏ်သည် နိဗ္ဗာန်သို့ မျက်မှောက်ပြုရပါသည်။ ထို့ကြောင့် မျက်မှောက်ပြုရတာက နိယောဓ ဖြစ်ပါသည်။ နိယောဓကို မျက်မှောက်ပြုရပါသည်။ နိယောဓကို လွှတ်မထားရပါ။ နိယောဓ မျက်မှောက်ပြုလိုက်မှ ကိစ္စပြီးနိုင်သော သဘောရှိပါသည်။

ထို့ကြောင့် မျက်မှောက်ပြုရတာ နိယောဓ ဖြစ်ပါသည်။

အဆင့် (၄) မှာ ပေါ့သွားတာက ခန္ဓာ့ဝန် ဖြစ်ပါသည်။

ခန္ဓာဝန်ထုပ် ဝန်ပိုးကြီး ပေါ့သွားပါသည်။ ဒုက္ခရှိနေစဉ်ကကဲ့သို့ မဟုတ်တော့ပါ။ ဒုက္ခချုပ်ငြိမ်းအောင် ရှု၍ နိယောဓ မျက်မှောက်ပြုသောအခါ ခန္ဓာ့ဝန် ပေါ့သွားပါသည်။ သိသိသာသာကို ပေါ့သွားပါသည်။

အဆင့် (၅) နောက်ဆုံးအဆင့်မှာ ကိုယ်တိုင်သိရတာက တရားတော်မြတ်ရဲ့ ဂုဏ်ကျေးဇူး ဖြစ်ပါသည်။

ခန္ဓာဝန် ပေါ့သွားသောအခါ တရားတော်ကို လွန်စွာ ကျေးဇူးတင်ပါသည်။ တရားတော်ကို လွန်စွာကို ကြည်ညိုပါသည်။ မြတ်စွာဘုရား သူတော်ကောင်းများ အပါအဝင် အရမ်းကို ကြည်ညို လေးစားပြီးတဲ့နောက် သြော် မှန်လိုက်တာ ကောင်းလိုက်တာဟူသော သဘောကို ခံယူမိပါသည်။ `

ဤကျင့်စဉ်မှာ ဆရာမြတ်ကြီး သက်တော်ထင်ရှား ရှိစဉ်က စာရေးသူတို့အား ပေးကျင့်သော ကျင့်စဉ် ဖြစ်ပါသည်။ အခုအခါ အခါအားလျော်စွာ သစ္စာဝါဒီများအား ဖွင့်ရေးလိုက်ပါသည်။ ဤကျင့်စဉ် အကျယ်ရေးလျှင် စာအုပ်တစ်အုပ် ဖြစ်ပါလိမ့်မည်။ ယခုအခါ အကျဉ်းမျှသာ ဖြစ်ကြောင်း သတင်းကောင်း ပေးအပ်ပါသည်။

ဗုဒ္ဓစာပေဆုရ

ဒေါက်တာချစ်ငယ် (ဒဿန)

This entry was posted in Buddhism and tagged , , , , . Bookmark the permalink.

Leave a Reply

Your email address will not be published. Required fields are marked *