NIBBANA – 13

Share

အပိုင်း(၁၃) နောက်ဆုံးအပိုင်း

ငယ်    ဘုရားအကြိုက်ကို ခင်ဗျားသိလား။
နန်း     ပြောပြလေဗျာ။
ငယ်    သတ္တ၀ါတွေ ချမ်းသာစစ် ချမ်းသာမှန်ရဖို့ လမ်းဖွင့်ပေးရတာပေါ့ဗျာ။
နန်း     ချမ်းသာတု ချမ်းသာယောင်ကတော့ အလကားဘဲပေါ့ ဟုတ်လား။
ငယ်    ချမ်းသာစစ် ချမ်းသာမှန်က ကောင်းတာပေါ့ဗျာ။
နန်း     အချမ်းသာဆုံးဟာ ဘာလဲဟင်။
ငယ်    ပေါ့ဗျာ။
နန်း     နိဗ္ဗာန်က ဘယ်လိုချမ်းသာတာလဲဗျ။ ဘာကြောင့် ချမ်းသာရတာလဲ။
ငယ်    နိဗ္ဗာန်က ဘာကြောင့်ချမ်းသာရသလဲဆိုလျှင် ချမ်းသာစရာတွေရှိလို့ ချမ်းသာတာပေါ့လို့ ဖြေရမှာဘဲ။

ဆင်းရဲခပ်သိမ်း ကင်းပြတ်ငြိမ်းဆိုတဲ့ စကားရှိတယ်ဟုတ်လား။ တစ်ခုတော့ရှိတယ်ဗျ။ နိဗ္ဗာန်က ဆင်းရဲစရာ

မရှိလို့ချည်း ချမ်းသာတာမဟုတ်ဘူး။ ချမ်းသာစရာတွေလည်း ရှိလို့ ချမ်းသာတာ။ ဥပမာ-အနီးစပ်ဆုံး နားလည်

လွယ်နိုင်တာ တစ်ခုပြောမယ်။
နန်း     ပြော။
ငယ်    ခင်ဗျားမှာ ကြွေးတင်လို့ ဆင်းရဲဒုက္ခ ရောက်နေတယ် ဆိုပါစို့။
နန်း     ဟုတ်ပြီ။
ငယ်    တစ်နေ့ကျ ခင်ဗျားအကြွေးတွေ ကျေသွားတယ်။
နန်း     ကျေသွားပြီး။
ငယ်    ဒီတော့ ခင်ဗျားအကြွေးက လွတ်သွားပြီ။ အကြွေးပေးစရာ မရှိတော့ဘူး။
နန်း     မရှိတော့ဘူး။
ငယ်    နိဗ္ဗာန်က အကြွေးလွတ်ရုံမျှသာ မဟုတ်ဘူးဗျ။ ခင်ဗျား ငွေတွေ ရွှေတွေ သုံးမကုန်အောင် သူဌေးကြီး

ဖြစ်သွားတာ။ ကြွေးမတင်ရုံမျှသာ မဟုတ်တော့ဘူး။
နန်း     အော်-ကျွန်တော် ဒီ ဥပမာကိုနားလည်ပြီ။ စောစောပိုင်းက အကြွေးတွေ ကျေရုံမျှသာမဟုတ်။ ငွေတွေ

ရွှေတွေနဲ့ သူဌေးပါဖြစ်သွားတာ။
ငယ်    ဟုတ်တယ်။ ဒီလိုပဲ။ ဆင်းရဲတာ လွတ်ရုံသာမဟုတ်ဘူး။ ချမ်းသာစစ်တည်ရာ နိဗ္ဗာန်ကိုလည်း စံရသေးတယ်။
နန်း     ဟုတ်ပြီ။ ပေးတဲ့ ဥပမာ သဘောအဓိပ္ပါယ် နားလည်ပြီ။ ဥပမေယျလား ဘာလားပြောပြတော့။
ငယ်    ခင်ဗျားမှာ အကြွေးဒုက္ခရုပ်နာမ် ရှိတယ်။
နန်း     ဟုတ်ပြီ။ ရှိတယ်။
ငယ်    ဒီဒုက္ခက လွတ်ချင်တယ်။
နန်း     လွတ်ချင်တယ်။
ငယ်    ဗုဒ္ဓဘာသာမှာ လွတ်ချင်လျှင် လွတ်အောင်လုပ်ရတယ်။
နန်း     လုပ်ရမယ်။ `ယေဓမ္မာ ဟေတုပ္ပဘ၀ါ´ အကြောင်းခံမှ အကျိုးဖြစ်မယ်။
ငယ်    လွတ်အောင်လုပ်တယ်ဆိုတာ ဒုက္ခဖြစ်စေတဲ့ တဏှာ သမုဒယကို သတ်ရမယ်။ အကြောင်းသတ်မှ

အကျိုးသေတာ။
နန်း     ဟုတ်တယ်။ တဏှာကို သတ်ရမယ်။
ငယ်    တဏှာသတ်တာ မဂ်ဘဲ။
နန်း     ဟုတ်တယ်။ သတ်ရမယ်။ `ကိလေသေ မာရန္တော နိဗ္ဗာနံ ဂစ္စတီတိ မဂ္ဂေါ´
ငယ်    တဏှာကိုသတ်လျှင် ဒုက္ခသေတယ်။
နန်း     ဟုတ်ပြီ၊ ကြွေးရှင်းပြီ။
ငယ်    ဒီနေရာမှာ အကြွေးရှင်းရုံနဲ့ မပြီးဘူး။
နန်း     မပြီးဘူး။ ငွေရှိရမယ်။ သူဌေးလည်း ဖြစ်ရဦးမယ်။
ငယ်    ဖြစ်ပုံကို ရှင်းပြမယ်။ သေသေချာချာနားထောင်။
နန်း     ထောင်ပြီ။
ငယ်    တဏှာသတ်တာ မဂ်။
နန်း     ဟုတ်တယ်။
ငယ်    မဂ်ပြီးတော့ ဖိုလ်ကူးတယ်။
နန်း     ကူး
ငယ်    ကူးတဲ့ဖိုလ်က နိဗ္ဗာန်ဝင်စားတယ်။
နန်း     ၀င်စား
ငယ်    ၀င်စားတဲ့ ဖိုလ်ဉာဏ်က နိဗ္ဗာန်ရဲ့ ချမ်းသာစစ်ကိုတွေ့တယ်။
နန်း     တွေ့
ငယ်    အဲဒီမှာ သူဌေးဖြစ်တာဘဲ။ အပြုသဘော သူဌေး အကြွေးမရှိခြင်း သက်သက်မဟုတ်ဘူး။
နန်း     ဟုတ်ပြီ။
ငယ်    လှေတစ်စင်း မြစ်ကိုဖြတ်ကူးတာ။ ဒီဘက်ကခွာရုံမဟုတ်ဘူး။ ဟိုဘက်ကမ်းကိုပါ ဆိုက်ရောက်တာ။
နန်း     ဟုတ်ပြီ။
ငယ်    ဒီတော့- ပယ်တာ – သမုဒယ

သေတာ – ဒုက္ခ
မျက်မှောက်ပြုတာ – နိယောဓ
ပေါ့သွားတာက – ခန္ဓာရဲ့ဝန်
ကိုယ်တိုင် သိနားလည်လိုက်ရတာက တရားတော်မြတ်ကြီးရဲ့ ဂုဏ်ကျေးဇူး။

နန်း     ဟာ ဟုတ်ပြီ၊ ဟုတ်ပြီ။
ငယ်    အိုကေပြီလား။
နန်း     အိုကေပြီ။
ငယ်    ဒါဆို သာဓုခေါ်မယ်နော်။
နန်း     ခေါ်။
ပြိုင်တူ-          သာဓု၊ သာဓု၊ သာဓု။
စာရေးသူတို့သည် အထက်ပါအတိုင်း သာဓုခေါ်ဆိုကြပြီးနောက် `လောင်စာသိမ်း၍ မီးငြိမ်းရခြင်း ဆိုင်ရာ တရားတော်´ ကို အောက်ပါအတိုင်း ဆက်လက်ဆွေးနွေးဖြစ်ကြလေသည်။
ငယ်     လောင်စာသိမ်း၍ မီးငြိမ်းခြင်းတရားတော်ကို
ဟောတော်မူခဲ့တာဗျ။
နန်း    ဟုတ်ပါတယ်။
ငယ်     မီးဆိုတာကတော့ လောင်စာမရှိတော့လျှင် ငြိမ်းသွားရတာ ဓမ္မတာဘဲဗျ။
နန်း    ဟုတ်ပါတယ်။
ငယ်     လူတွေက လောင်စာထပ်ထည့်ချင်ကြတာ။ ပြဿနာဘဲ။
နန်း    ရှင်းပါဦးဗျာ။
ငယ်     လောင်စာထည့်ချင်တာ သမုဒယပေါ့ဗျာ။
နန်း    အကျယ်တ၀င့်လေး ဘာလေးပေါ့။
ငယ်     မီးက ခန္ဓာနဲ့တူတယ်။
နန်း    ဟုတ်ပြီ။
ငယ်     ခန္ဓာကို လိုချင်တာက သမုဒယပေါ့ဗျာ။
နန်း    အကြောင်းခံပြီ ဆိုပါတော့။
ငယ်     အကြောင်းခံတော့ အကျိုးရတာပေါ့ဗျာ။
နန်း    ဘာဖြစ်လို့ အကြောင်းခံရတာလဲ။
ငယ်     မသိလို့ပေါ့ဗျာ။ ဒုက္ခကို ဒုက္ခမှန်း မသိလို့ပေါ့။ ဒါကြောင့်
ရုပ်နာမ်ကို ဒုက္ခလို့သိလျှင် လက်ခမောင်းခပ်တော့လို့ ပြောကြရတာ။
နန်း    ဒုက္ခကို ဒုက္ခလို့ မသိလို့ လိုချင်ကြတာပေါ့နော်။
ငယ်     ဟုတ်တယ်။
နန်း    မလိုချင်တော့ရောဗျာ။
ငယ်     သိလို့မလိုချင်လျှင် ရအောင် မလုပ်တော့ဘူးပေါ့ဗျာ။ ဒီတော့ လွတ်သွားတာပေါ့။
နန်း    လောင်စာထပ်မထည့်တဲ့ သဘောပေါ့နော်။
ငယ်     ဟုတ်တယ်။ လောင်စာထပ်မထည့်တော့ လောင်စရာအသစ် ဖြစ်မလာတော့ဘူး။ စောစောက
လောင်စာကလည်း မီးတောက်ရင်း ကုန်ဆုံးသွားတယ်။ ဒီတော့ မီးမလောင်တော့ဘူး။
ငြိမ်းသွားတယ်။ အေးသွားတယ်။ အပူမီး မရှိတော့ဘူး။
နန်း    ကောင်းလိုက်တာဗျာ။
ငယ်     ဒီလို အကြောင်းအကျိုးသိလျှင် ဒိဋ္ဌိသေတယ်ဗျ။
နန်း    နှစ်ခြိုက်စရာဘဲဗျာ။
ငယ်     ရုပ်နာမ်ကို ဒုက္ခအပူမီးလို့သိတော့ ဒုက္ခဖြစ်စေတဲ့ သမုဒယကို
သတ်လိုက်တယ်။ သမုဒယကိုသတ်တော့ ဒုက္ခသေတယ်။ ဒုက္ခသေတော့ ဒုက္ခကိုဖြစ်စေတဲ့
သမုဒယကို သတ်တဲ့မဂ်က မဂ်ဖိုလ်ကူးပြီး နိယောဓကို မျက်မှောက်ပြုတယ်။
ဒီအခါမှာ ခန္ဓာ့တာဝန်ပေါ့သွားတယ်။ သုံးဆယ့်တစ်ဘုံနဲ့ ခန္ဓာမှ လွတ်သွားတော့
အအေးဓာတ်ကြီးပေါ့ဗျာ။
နန်း    သာဓုပါဗျာ။ ခင်ဗျားက တော်တော်ရှင်းအောင် ပြောနိုင်တာဘဲ။
ငယ်     ဆရာသမား သင်ကြားထားလို့ပါ ဆိုနေ — ။
နန်း    ဟုတ်ပါပြီ၊ ဟုတ်ပါပြီ၊ ဆရာသမားသင်ကြားပေးထားလို့ ခင်ဗျားကိုယ်ပိုင် မဟုတ်ဘူး။
ငယ်     ဆရာသမားက သင်ကြားပြသပေးထားလို့ သိရတာပေါ့။ ကိုယ့်ဖာသာသိနိုင်တာမှ
မဟုတ်ဘဲ။ ကိုယ်တိုင်သိတာ မဟုတ်ဘူး။ ဒါပေမဲ့ အခုတော့
ကိုယ်ပိုင်ဖြစ်သွားပြီပေါ့။
နန်း    ဗျာ ! အခုတော့ ကိုယ်ပိုင်ဖြစ်သွားပြီလား?
ငယ်     အမွေရသလိုပေါ့။ ကိုယ့်ဖာသာ ရှာရတာမဟုတ်ဘူး။ အဖေက ရှာပေးတာ။ ဒါပေမဲ့
အမွေရတော့ ကိုယ်တိုင်ရှာရတာ မဟုတ်ပေမဲ့ ကိုယ်ပိုင်ဖြစ်သွားတာပေါ့။
ဒီအသိကို ဘယ်သူပိုင်တာမှတ်လို့။ ကိုယ်ဘဲပိုင်တာ။ ကိုယ့် အဖေက ပေးသနား
ချီးမြှင့်တာကိုး။ ဒါ့ကြောင့် ဖအေကို ကျေးဇူးမကန်းရဘူး။ ကန်းလျှင်
လောကုတ္တရာအရာမှာ ပညာကွယ်တတ်တယ်။
နန်း    အော်-ဒီလိုလား။
ငယ်     ဒီလိုဘဲ။ တချို့ပုဂ္ဂိုလ်တွေက ကိုယ့်ကိုယ်ကို အထင်ကြီး ဘ၀င်မြင့်
အောက်ခြေလွတ်ပြီး ဖအေကို ကာပြန်ကြတယ်။ မြတ်စွာဘုရားကိုတောင် ဘာမစွမ်းဘူး။
ညာမစွမ်းဘူး။ ဘာမှမပေးနိုင်ဘူး။ ကိုယ်တိုင်လုပ်မှ ရတာဆိုပြီး ဘ၀င်မြင့်
ကြွေးကြော်နေကြတော့ လောကုတ္တရာအရာမှာ ပညာမျက်ကန်းတွေ ဖြစ်ကုန်ကြတာပေါ့။
လောကုတ္တရာ ဉာဏ်ပညာမဲ့ လူတန်းစားတွေ တစ်သက်လုံး၊ တစ်သံသရာလုံး
နစ်သွားနိုင်တယ်။ ဖအေကို ကျေးဇူးကန်းတဲ့ ကျေးဇူးကန်းတွေ၊ အဲဒီအုပ်စုတွေထဲ
မပါဖို့ အရေးကြီးတယ်။
နန်း    အော် — ဒီလိုကိုး။
ငယ်     ဟုတ်တယ်။ ဒီလိုဘဲ မြတ်စွာဘုရားကို ဘာမှလုပ်မပေးနိုင်ဘူးလို့
မပြောကောင်းဘူး သာသနာတော် ထားတော်မူခဲ့တာ သူတို့မသိလို့၊ ဒါလောက်မှ
အသိမရှိသူတွေ လေလုံးထွားနေကြတာ၊ သာသနာနဲ့ သူတို့နဲ့ ဘာမှမဆိုင်ဘူး။
နန်း    အော် — သဘောပေါက်ပြီ။
ငယ်     ဆရာမကူဘဲ တရားသိတော်မူတာ ဘုရားတပါးဘဲ ရှိတယ်။ ကျန်အရိယာ
ပုဂ္ဂိုလ်တွေဆိုတာ သာသနာ ရှိနေလို့ တရားရကြရတာ။ သူတို့လုပ်ရပ် သက်သက်ကြီး
မဟုတ်ဘူး။ အဲ့ဒါ သာသနာနားမလည်ဘဲ ကိုယ့်ဖာသာ လုပ်ယူတယ်လို့
ဝါကြွားနေသူတွေဟာ ဗုဒ္ဓ၀ါဒတော်နဲ့ မကိုက်ညီဘူး။ ဒ်ိဋ္ဌိတွေ
ငရဲစောက်ထိုးကျမဲ့ အယူတွေ၊ ငါ၊ သညာ၊ အတ္တသမား လေလုံးထွားတွေ၊
ဒေ၀ဒတ်မြေမြိုတာ ဘုရားဘာတတ်နိုင်တုံး။ မေးတဲ့သူလည်းရှိတယ်။ လောကကြီးမှာ
တတ်နိုင်တာ အားလုံးကို လုပ်ထိုက်မှ လုပ်တာ သူမသိဘူး။ ငွေရှိတိုင်း
သုံးမလား။ သုံးသင့်တဲ့နေရာ သုံးချင်မှ သုံးမှာပေါ့။ စာတစ်စောင်
ပေတစ်ဖွဲ့အနေနှင့် မြတ်စွာဘုရားကို အပြစ်တင်နေစရာမလိုဘူး။ ဒါ
မြတ်စွာဘုရားရဲ့ လုပ်ပိုင်ခွင့်ဘဲ။ ကိုယ့်အရာလည်းမဟုတ်၊
ကိုယ်လည်းဉာဏ်မမှီဘူး။ ငရဲအိုးစောက်ထိုးကျမဲ့အယူတွေ၊
သေလျှင်သိကြလိမ့်မယ်။ အများသူငါ နားယောင်ပြီး ဘ၀င်မြင့်ကုန်မှာစိုးလို့
ဒီအကြောင်းတွေကို ဖွင့်ပြောရတာ။
နန်း    ကျွန်တော် အမြင်မှန်နဲ့ အယူမှန်ကို မြင်တတ်၊ ယူတတ်သွားပါပြီ။
ငယ်     ကောင်းပါလေ့ဗျာ။ ခင်ဗျားနှင့်တကွ အားလုံးသော
စာဖတ်ပရိသတ်ကြီးများအတွက်ကိုပါ သာဓုခေါ်ဆိုနိုင်ဖို့ ကျွန်တော်
လှိုက်လှိုက်လှဲလှဲ ဆန္ဒပြုပါရစေဗျာ။
သာဓု  သာဓု  သာဓု

မေတ္တာ သစ္စာဖြင့်
ချစ်ငယ်(ဒဿန)
ဗုဒ္ဓစာပေဆုရ

နိဗ္ဗာန်စာအုပ်ပါ ဆောင်းပါးများ ဤတွင်ပြီးပါပြီ။

Admin (www.chitnge.com)

This entry was posted in Buddhism and tagged , , , , , . Bookmark the permalink.

Leave a Reply

Your email address will not be published. Required fields are marked *