အလုပ်လုပ်ကြရအောင်

အလုပ်လုပ်ကြရအောင်

ယခုအချိန်တွင် ရှုထောင့်မျိုးစုံမှ အလုပ်ပိုမို လုပ်ကြရန် လိုအပ်ကြောင်း သိသာထင်ရှားနေသည်။ myanmarထို့ကြောင့် မြန်မာတို့သည် အလုပ်ပို လုပ်ကြရပေလိမ့်မည် — သို့မှသာ မိမိတို့၏ ရှိပြီးသားဂုဏ်ကို ထိန်းသိမ်းနိုင်၍ ရှေ့သို့တိုးတက်ရန် ဆောင်ရွက်နိုင်ပေလိမ့်မည်။ အလုပ်၏ဂုဏ်ကို တန်ဖိုးထားရ ပေတော့မည်။ အလုပ်လုပ်နိုင်မှသာ တော်ကာကျမည်။

သတိထားရမည်မှာ ကမ္ဘာသည် ရုပ်ဝတ္ထုဦးစားပေး ကမ္ဘာဖြစ်သည်။ ထိုအခါ ရုပ်ဝတ္ထု တိုးတက်အောင် သူတို့သည် လက်တွေ့ကျင့်ကြသည်။ မြန်မာသည် ရုပ်ဝတ္ထုသာမက သီလ သမာဓိ ပညာကိုပါ အားပေးသော တိုင်းပြည်ဖြစ်သည်။ သီလ သမာဓိ ပညာတို့သည် မြင်နိုင်ခဲသည်။ မြင်နိုင်ခဲသော အရည်အချင်းများအား လိုက်စားရင်းနှင့် လုပ်ငန်းခွင်၌ စိတ်ကူးယဉ်မှုများ ဖြစ်ပေါ်နေတတ်သည်ကို သတိထားရမည်။ တဖက်မှာလည်း စိတ်ပိုင်းဆိုင်ရာ၊ အကျင့်ပိုင်းဆိုင်ရာ၊ ဉာဏ်ပညာပိုင်းဆိုင်ရာ သီလ သမာဓိ ပညာကို ကျင့်ရမည်။ တဖက်မှာလည်း ရုပ်ပိုင်းဆိုင်ရာ တိုးတက်မှုများအား မျက်ခြေပြတ်၍ မဖြစ်ချေ။

ထို့ကြောင့် မြန်မာတို့သည် အလုပ်လုပ်ရန် အချိန်ကြပြီ – ပို၍ အလုပ်လုပ်နိုင်လေလေ ပို၍ကောင်းလေ ဖြစ်သည်။ တော်တော်များများတို့သည် မြန်မာကို ဂုဏ်ပြုကြသည်။ အကယ်၍သာ မြန်မာတို့သည် အလုပ်ပိုလုပ်လျှင်မူ – ဒီထက် ဂုဏ်ပေါ်မည် ဖြစ်သည်။ အလုပ်သည် အဓိကပိုင်း၌ ပါနေသည်။ ထို့ကြောင့် အလုပ် ပိုမို၍ လုပ်ဆောင်နိုင်ရန် အချင်းချင်းကူညီ အားပေးရမည်။ သင်ကြားပေးရမည် အလုပ်လုပ်ခြင်းဖြင့် ဂုဏ်ယူရမည်။

ကမ္ဘာသည် ဝီရိယအပိုင်း၌ အထင်ကြီးစရာ လေးစားစရာ ရှိသည်။ မြန်မာသည် အသိပညာပိုင်း၌ အထင်ကြီးစရာ လေးစားစရာ ရှိသည်။ အဘယ့်ကြောင့်ဆိုသော် မြန်မာနိုင်ငံ၌ ရဟန္တာ ကိုယ်တော်မြတ်ကြီးများ ပေါ်ထွန်းခဲ့သောကြောင့် ဖြစ်သည်။

ကမ္ဘာသည် ရုပ်ဝတ္ထုကျကျကို တန်ဖိုးထားသည်နှင့်အမျှ၊ ရုပ်ဝတ္ထုကျကျ ကြိုးစားလေ့လာကြသည်။ မြန်မာသည် အသိပညာပိုင်းမှာ တန်ဖိုးထားသင့်သလောက် ထားသော်လည်း လက်တွေ့ကျင့်စဉ် လုပ်ငန်းခွင်များ ဝင်ရာ၌ အားနည်းနေသည်။

ထို့ကြောင့် မြန်မာတို့သည် ဘက်စုံ ရှုထောင့်စုံမှ ပို၍အလုပ်လုပ်ရန် လိုအပ်နေသော အချိန်အခါ ဖြစ်ကြောင်း သတင်းကောင်း ပေးအပ်ပါသည်။ ဤသို့ လုပ်ဆောင်နိုင်လျှင် မြန်မာတို့သည် ဘုန်းမီးနေလ လွန်စွာတောက်ပမည့် လူမျိုးများ ဖြစ်ကြောင်းကိုလည်း ကမ္ဘာ့အလယ် တင့်တယ်စွာ ဂုဏ်ယူနိုင်လိမ့်မည်ဟု ယုံကြည်မိပါကြောင်း —-

ဗုဒ္ဓစာပေဆုရ

ဒေါက်တာချစ်ငယ်(ဒဿန)

 

No tags for this post.
This entry was posted in Frontpage. Bookmark the permalink.

Leave a Reply

Your email address will not be published. Required fields are marked *