ကျိုက္ခမီရေလယ်ဘုရား၌ တရားအားထုတ်ခြင်း(၃)

ကျိုက္ခမီရေလယ်ဘုရား၌ တရားအားထုတ်ခြင်း(၃)

 

ကျိုက္ခမီရေလယ် ဘုရားကြီးသည် မိမိဘဝအတွက် မည်ကဲ့သိုမှ မေ့နိုင်စွမ်းစရာ မရှိသော ဌာနကောင်း ဌာနမွန် မှတ်တိုင်ကြီးသဖွယ် ရပ်တည်လျှက်ရှိသည်။ ဆရာမြတ်ကြီးသည် မိမိအား ကျိုက္ခမီ ရေလယ်ဘုရားသို့ အရောက်ပို့တော် မူခဲ့ဖူးသည်။ ထိုစဉ်က မိမိသည် တရားထိုင်သောအခါ “သော့တစ်ချောင်းနှင့် မျက်လုံးတစ်လုံး” ကို မြင်ခဲ့ဖူးသည်။ သို့သော် နှစ်ပေါင်းကြာရှည်စွာ ယင်း၏ အဓိပ္ပာယ်ကို မဖွင့်ဆိုနိုင်ခဲ့ချေ – စာရေးသူ နီးစပ်သမျှ နီးစပ်နိုင်အောင် လိုက်သော်လည်း အဓိပ္ပာယ် မကောက်တတ်ချေ။

ယခုအခါ အဓိပ္ပာယ် အထိုက်အလျှောက် သိလာပြီ။ သော့သည် စာရေးသူဘဝ၏ အောင်မြင်ခြင်းဆိုင်ရာ အဓိကကျသော သော့ချက်တစ်ခု ဖြစ်ကြောင်း နားလည်သွားသည်။ မျက်လုံးဆိုသည်မှာတော့ ဉာဏ်ပညာအမြော်အမြင် မျက်လုံးဆိုင်ရာ အသိဉာဏ်ပညာ ရရှိခိုင်မာမှုပင် ဖြစ်သည်ဟု ယူဆသည်။ မိမိသည် ဝမ်းမြောက် ဝမ်းသာဖြစ်မိသည်။ ဤမျှနက်ရှိုင်းသော အဓိပ္ပာယ်ဆောင်သော အမြင်တစ်ခုကို မိမိသည် နှစ်ပေါင်း မြောက်များစွာ ကြာမှသာလျှင် အဓိပ္ပာယ် ကောက်ယူနိုင်ခဲ့တော့သည်။ ထိုစဉ်ကမူ မကောက်ယူနိုင်ခဲ့ချေ။ မိမိသည် စမ်းတဝါးဝါးနှင့်သာ ဘဝလျှောက်လှမ်းခဲ့ဖူးသည်။ ယခုမှသာ ခိုင်ခိုင်မာမာ သိမြင်နားလည် ခဲ့ရလေသည်။

ထို့ကြောင့် ဤတစ်ခေါက်သည် ကျိုက္ခမီ ဘုရားအား ဖူးမြော်ရခြင်း၌ လွန်စွာမှ ကြီးကျယ်သော အဓိပ္ပာယ် ဆောင်ခြင်းကို ခံစားရသည် ဘဝတွင် ဖြတ်သန်းခဲ့ရသော ခရီး၏ အနက်အဓိပ္ပာယ် တော်တော် များများကိုလည်း သဘောပေါက် နားလည်လာသည်။ တကယ်တော့မူ သူတော်ကောင်းများသည် လွန်စွာ အားကိုးအပ်သော သဘောရှိ၍၊ အမှူးပြုသော သူတော်ကောင်းတို့သည် ဤလောကကြီး၌ ကောင်းမွန်သော၊ မွန်မြတ်သော အလှအပ တန်ဆာဆင်ပေးတော် မူနေကြသည်ကို ခံစားနားလည် မိသည်။

မိမိအပေါ်၌တော့မူ ဆရာမြတ်ကြီးသည် အဓိက ဖြစ်သည်။ ၏ သွန်သင်ညွှန်ကြား မေတ္တာထားမှု ဂရုဏာတော် ကြောင့်သာ ဤ၍ ဤမျှ အောင်မြင်ရသည်ဟု နားလည်သဘောပေါက်ကာ ကျေနပ်လျှက် – မြတ်စွာဘုရားကို သော်လည်းကောင်း၊ ဆရာမြတ်ကြီးကိုသော် လည်းကောင်း ဦးထိပ်ပန်ဆင်၍၊ ကျိုက္ခမီ ရေလည်ဘုရားကြီးအားလည်း ဦးညွှတ်ကော်ရော် ပူဇော်လိုက်မိပါသည်။ ဘဝ၏ ထူးခြားသော မှတ်တိုင်ကြီး တစ်ခုပေတကား —

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *