ကျိုက္ခမီရေလယ်ဘုရား၌ တရားအားထုတ်ခြင်း (၁)

ကျိုက္ခမီရေလယ်ဘုရား၌ တရားအားထုတ်ခြင်း

           စာရေးသူတို့သည် ပို့ပေးခဲ့ဖူးရာ ကျိုက္ခမီ တန်ခိုးကြီး ရေလယ်ဘုရား၌ တရားအားထုတ်ကြသည်။ မော်လမြိုင်မှ ယောဂီများလည်း လိုက်ပါလာသည်။ အဖွဲ့လိုက်ဖြစ်၍ ပျော်စရာလည်းကောင်းသည်။ ကျိုက္ခမီရေလယ် ဘုရားကြီးသည် လွန်စွာတန်ခိုးကြီးသည် အာရုံများလည်း လွန်စွာကောင်းသည်။

မိမိအနေနှင့်တော့မူ အနာဂတ် အခြေအနေ အချို့ကိုပင် သိမြင်ရသကဲ့သို့ ရှိသည်။ အာရုံများ လွန်စွာကြည်လင် လန်းဆန်းသည်။ ၏ ဂုဏ်ကျေးဇူးသည် လွန်စွာကြီးမားသည်။ ဆရာမြတ်ကြီး၏ ဂုဏ်ကျေးဇူးလည်း လွန်စွာ ကြီးမားသည်။ ၏ တရားကို ဆရာမြတ်ကြီး ပြသ သဖြင့် ကောင်းစွာအားထုတ် နိုင်စွမ်းရှိခဲ့သည်။ ထို့ကြောင့် လောဘ၊ ဒေါသ၊ မောဟ အကြီးများကို ပယ်သတ်နိုင်ခဲ့ခြင်း ရှိခဲ့ရာ – အခါအားလျော်စွာ အနာဂတ်နှင့် ပတ်သက်၍ ကြိုတင်သိမြင်မှုများ ပေါ်တတ်ပါသည်။ သို့သော် မိမိသည် သင့်တင့်လျှောက်ပတ်စွာ နှလုံးသွင်း တတ်သည်ဖြစ်၍ ဝမ်းသာအားရ ကြည်နူးနှစ်ထောင်း ရှိခြင်းဖြင့်သာ ဂုဏ်ယူသည်။ ဘဝင်မြင့်ခြင်း၊ ငါတကော ကောခြင်းစသော သဘောများ အလျဉ်းမရှိချေ – ဘဝင်မြင့်ခြင်းကို စာရေးသူ နုစဉ်ကပင် ပယ်နိုင်စွမ်း ရှိခဲ့သည်။

ယခုအခါ ဉာဏ်ပညာများသည် လွန်စွာကြည်လင်သည်၊ ပင်လယ်ကြီးလည်း ရှုမြင်ရသည်၊ လေကောင်း လေသန့်လည်း ရသည်။ ယောဂီများနှင့်လည်း တရားအကြောင်းများ ပြောပြဟောပြဖြစ်သည်။ အဖွဲ့လိုက် တရားထိုင်ကြသည်။ လွန်စွာကြည်နူးဖွယ်ရာ ကောင်းသည်။ မြတ်စွာဘုရား၏ တန်ခိုးတော်၊ ထို့မှ ဆရာမြတ်ကြီး၏ မေတ္တာစေတနာနှင့် တန်ခိုးတော်၊ စသည်တို့ကို ခံစားနားလည်မိသည်။ အမှန်တော့မူ မြန်မာဗုဒ္ဓဘာသာများသည်၊ အမှန်သစ္စာကို ထွင်းဖောက်၍ သိမြင်နိုင်စွမ်း ရှိခဲ့ကြသည်။

ကမ္ဘာကြီးသည် ပုထုဇဉ် အဆင့်သာ ရှိသေးသည်။ အရိယာ အဆင့်သို့ မတက်လှမ်းနိုင်ချေ၊ ထို့ကြောင့် ဗုဒ္ဓဘာသာကို ကောင်းစွာတန်ဖိုး မထားတတ်ချေ။ သိပ္ပံပညာကိုသာ သိလွယ်မြင်လွယ် သဖြင့် တန်ဖိုးထား တတ်သည်။ သိပ္ပံကို တန်ဖိုးထားခြင်း၌ အထူးပြောဖွယ်ရာ မရှိချေ။ တန်ဖိုးထားအပ်သော အဆင့်၌လည်း ရှိပါသည်။ သို့သော် ဗုဒ္ဓဘာသာကို တန်ဖိုးမသိတတ်ခြင်းကိုတော့မူ ဝမ်းနည်းဖွယ်ရာ ကောင်းသည်။ ကမ္ဘာသည် ဗုဒ္ဓဘာသာတန်ဖိုးကို မသိချေ – အမှန်တော့မူ (The Highest Triumph of Human Knowledge) ဆိုသော လူ့အသိပညာ၏ အထွတ်အထိပ်အပိုင်းကိုမူ ဗုဒ္ဓဘာသာများ အောင်မြင်တော် မူခဲ့ကြပြီး ဖြစ်သည်။ မိမိကိုယ်တိုင် တစ်စွန်းတစ်စ သိမြင်အောင်မြင်ပြီး ဖြစ်သည်။ ဤကိစ္စကိုမူ ကမ္ဘာသည် မသိချေ။

ဗုဒ္ဓဘာသာ သူတော်စဉ်များ၏ လမ်းစဉ်မှာလည်း ဝါကြွားဖို့အတွက် တရားအားထုတ်ကြသည် မဟုတ်ချေ၊ မိမိတို့ နှလုံးသွင်းတတ်ရန် ချမ်းသာရန် လွတ်မြောက်ရန်သာ တရားအားထုတ်ကြခြင်း ဖြစ်သည်။ ထို့ကြောင့် နားလည်ပါလား – ဝါကြွားပြမယ် ဆိုသော သဘောထားမျိုး အလျဉ်းမရှိချေ။ မိမိသည် သူတော်ကောင်းများ၏ အစဉ်အလာအတိုင်းပင်  ထိုသို့သော ဝါကြွားခြင်းများကို ပယ်စွန့်နိုင်စွမ်း ရှိခဲ့သည်။ သို့သော် အခါအားလျော်စွာ ဟုတ်တိုင်းမှန်စွာ သင်ပြပြောဆိုတတ်ပါသည်။ ဖြစ်ရပ်မှန်ကို ဖြစ်ရပ်မှန်အတိုင်း တင်ပြရာ၌ နောက်တွန့်စရာ အကြောင်းမရှိပါ။  တရားအမှန်ကို တန်ဖိုးထားဖို့ လေ့လာစူးစမ်းဖို့သာ အရေးကြီးသည်။

မိမိတို့သည် အခြေအနေအားဖြင့် စိန်ခေါ်ရဲပါသည်။ သို့သော် ကမ္ဘာသည် နိဗ္ဗာန်ကို စိတ်ဝင်စားရလောက်အောင်တော့မူ အဆင့်မမြင့်ချေ။ လောကီ တိုးတက်မှုများကိုသာ စိတ်ဝင်စား နေကြသည်။ ထိုအခါ မတတ်နိုင်ချေ – လူအများ၏ ကံကြမ္မာပင် ဖြစ်ပေလိမ့်မည်။ သူတို့သည် ရုပ်ယန္တရား အောင်မြင်တိုးတက်မှုနှင့် သိသာလွယ်သော ပြယုဂ်ကောင်းသော အကြောင်းချက်များကိုသာ စိတ်ဝင်စား တတ်ကြသည် မဟုတ်ပါလား — ဗုဒ္ဓဘာသာသည် လွန်စွာနူးညံ့သည်၊ နက်နဲသည်၊ ခက်ခဲသည်၊ အသိခက်သည်၊ အံသြဖွယ်ကောင်းသည် – ဤဂုဏ်ရည်များကို ဗုဒ္ဓဘာသာများနှင့် တရားလေ့လာ လိုက်စားကြသူများသာလျှင် နားလည်မှု ရှိကြတော့သည်။ ပုထုဇဉ်များတော့မူ နားလည်မှု မရှိကြတော့ချေ — သို့သော် မည်သို့လျှင် တတ်နိုင်ပါမည်နည်း —

တရားတော်၏ အနှစ်သာရသည် အသီးသီး ပညာရှိများ ဖြစ်စေ၍၊ အသီးသီး ချမ်းသာကာ၊ အသီးသီး လွတ်မြောက်မှုကို ကင်းဆိတ်မှုကို ခံစားရခြင်းဖြစ်သည်။ ထို့ကြောင့် အသီးသီး ခံစားရခြင်း ၌သာလျှင် ရောင့်ရဲရန်မှတပါး အခြားနည်းလမ်း ရှိလိမ့်မည် မဟုတ်ချေ — တရားကို ရသောသူသည် တရားရခြင်း၏ ဂုဏ်၌တည်၍၊ ချမ်းသာလွတ်မြောက်မှု ရှိသည်ကို ဗုဒ္ဓဘာသာ သူတော်စဉ်များ၊ လက်တွေ့ကျင့်ကြံ အားထုတ်သူများနှင့် စာရေးသူတို့သာလျှင် သိနိုင်ပေလိမ့်မည်ဟု သဘောရ ကောက်ချက်ချမိသည်။

ဆက်လက်ဖော်ပြပါမည် —

ဗုဒ္ဓစာပေဆုရ

ဒေါက်တာချစ်ငယ်(ဒဿန)

 

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *