စာရေးသူသည် ပုဂံမြို့ပေါ်ရှိ ဘုရားများတွင် တစ်ကြိမ် တစ်ခါ အများအားဖြင့် တရားအားထုတ် လေ့ရှိပါသည်။ သို့သော် စိမ်းညက်ညီအစ်မဘုရား၌ နှစ်ညဆက်တိုက် အားထုတ်မိသည်။ ကြိုတင်လည်း သတ်မှတ်ထား သည်။ အခါအားလျှော်စွာ စာရေးသူသည် ပံ့သကူဖြင့် တရားအားထုတ်လေ့ ရှိသည်။ ကြိုတင်၍ သတ်မှတ်ခဲ သည်။

ယခုအခါ စိမ်းညက်ညီအစ်မ ဘုရားတွင် ဆက်လက် အားထုတ်ဦးမည်ဟု ကြိုတင် သတ်မှတ်ခဲ့သည်။ သတ်မှတ်သည့်အတိုင်း လာကြရာ မနေ့ကထက် နည်းနည်း စောသည်၊ တစ်နာရီခန့် စောသည်။ ဘုရားမှာ မီးပူဇော်ထားသည်ဖြစ်၍ အဆင်ပြေသည်။ ဧရာဝတီမြစ်ကို ဖြတ်တိုက်လာသော လေသည် အေးမြသဖြင့် နေ့လည်က အပူများကလည်း ပျောက်လွင့် သွားသည်။ လတ်ဆတ်သောလေ ရှုရသဖြင့် လန်းဆန်းသည်။

တရားအားထုတ်သည်၊ မြတ်စွာဘုရားနှင့် ဆရာမြတ်ကြီးကို ဦးချသည်။ မြတ်စွာဘုရားအား ရုပ်နာမ်လှူသည်၊ ဟဒယ စိုက်သည်။ စာရေးသူ ဖော်ပြဖူးသကဲ့သို့ ပုဂံဘုရား တစ်ချို့၌ ညအချိန် တရားအားထုတ်ရာတွင် ပညာသတိ ရှိအပ်သည်ဟု အကြံဉာဏ် ပြုခဲ့ပါသည်။ ယင်း အကြံဉာဏ် ပြုချက်မှာ အကြောင်းမဲ့ မဟုတ်ချေ။ တရားအားထုတ်ခြင်းသည် မူးရူး၍ ဘုရားထဲ တုံးလုံး၊ ပက်လက် လှဲအိပ်သည်နှင့် မတူချေ။ အရှုခံတရားကို ရှုသတ်ရသည်သာ ဖြစ်သည်။

အခါအားလျှော်စွာ အရှုခံတရားများသည် တိုက်ရိုက် မဟုတ်မူ၍ ပြင်ပမှ သက်ရောက်မှု များလည်း ပါတတ် သည်။ ဤအချက်ကို တရားအားထုတ်ဖူးသူများ အထူးသဖြင့် စွန့်စွန့်စားစား အားထုတ်ဖူးသူများ၊ တောတောင် ရေမြေ လှိုင်ဂူတို့၌ ချောက်ခြားဖွယ်ရာ တရားအားထုတ် ဖူးသူများ ဗဟုသုတ ရှိကြပါသည်။

မိမိဟဒယသည် မိမိပင်ကို ဟဒယ မဟုတ်မူ၍ ပြင်ပလောက၏ သက်ရောက်မှုများဖြင့် တဆင့်ခံ ဖြစ်ပေါ် နေသော ဟဒယ ဖြစ်တတ်သည်။ ထိုအခါ ရှုသတ်ရာ၌ ဂရုစိုက်ရသည်။ ခါတိုင်းထက် ပို၍ ပင်ပန်းသည်ဟု ဆိုလျှင်လည်း ရသည်၊ ကြိုးစားရှုရသည်။

ထို့ကြောင့် ပြင်ပ၌ တရားအားထုတ်ခြင်းသည် မိမိအိမ် ဘုရားခန်း၌ တရားအားထုတ်ခြင်းနှင့် မတူပါ။ ဤအကြောင်း အရာကို စာရေးသူ ကောင်းစွာ ရေးခဲ့ဖူးသည်။ မိမိအိမ် ဘုရားခန်း၌ တရားအားထုတ်နေကျ ဖြစ်သဖြင့် ပတ်ဝန်းကျင် လှိုင်းဂယက်သည် တရားနှင့် အားထုတ်ဖူးသော အတွေ့အကြုံများ အဆင်ပြေပြေ ချောမွတ်လေ့ ရှိသည်။ ပြင်ပ၌ တရားအားထုတ်သောအခါ အိမ်၌ တရားအားထုတ်သကဲ့သို့ ဟုတ်ချင်မှ ဟုတ်မည်။ ပြင်ပ လှိုင်းဂယက် များကလည်း ထူးဆန်းနိုင်သည်၊ အံ့သြဖွယ်ရာ ကောင်းနိုင်သည်။ မတူသည် ကိုတော့ တရားအားထုတ်ဖူးသူတိုင်း သိကြမှာပါ။

ထိုအခါ သတိထား၍ အားထုတ်ရသည်၊ မြတ်စွာဘုရားကို အထူး ဦးထိပ်ထားရသည်၊ မိမိ ဆရာမြတ်ကြီး ကိုလည်း အထူး ဦးထိပ်ထားရသည်။ ဆရာကောင်း ဆရာမြတ်ကြီး၏ စောင့်ရှောက်ခြင်း ခံရသော သဘောမှာ လွန်စွာ အားရှိဖွယ် ကောင်းသည်၊ လိုလားအပ်သည်လည်း ဖြစ်သည်။

ဥပမာ ဆိုပါစို့ ဆရာကောင်း ဆရာမြတ်ကို ဦးထိတ်ထား၍ တရားအားထုတ် သောအခါ ပြင်ပမှ မာန်နတ်အမျိုး အနွယ်များက နှောင်ယှက်သည်ဖြစ်စေ ၄င်းတို့သည် မိမိတစ်ဦးတည်း မဟုတ်ပဲ ဆရာကောင်း ဆရာမြတ်များ ရှိသည်ဆိုသော သဘောကို သိနိုင်ကြပေလိမ့်မည်။ လောကကြီးသည် သိသည်များ ရှိသည်၊ လူသားများသည် မသိသည်များ ရှိသည်။ ဤကိစ္စမှာ အံ့သြဖွယ်ရာကောင်းသော်လည်း ဖြစ်လေ့ ဖြစ်ထရှိသော အခြေအနေ အချင်းအရာများပင် ဖြစ်သည်။

စာရေးသူသည် စိမ်းညက်ညီအစ်မဘုရား၌ တရားအားထုတ်သောအခါ တောင်တော်အီအီများ ပေါ်သည်။ ရှုရင်းနဲ့ ပေါ်သည်များလည်း ရှိသည်။ အဓိကတော့မူ မိမိသည် မည်သို့သော အကျိုးကို မျှော်ကိုး၍ မည်သည့် အတွက်ကြောင့် တရားအားထုတ် ဖြစ်သည် ဆိုသော သဘောကို မီးမောင်ထိုးပြီး ပြသကဲ့သို့ ခံစားရသည်။ စာရေးသူသည် တရားရလိုခြင်း၊ ကိလေသာ ကုန်ခန်းလိုခြင်း၊ ကိလေသာ ဟူသမျှ မြူမျှမကျန်အောင် ရှုသတ် ပိုင်နိုင် အောင်မြင်လိုခြင်းတို့ ဖြစ်သည်။ ထိုရည်ရွယ်ချက်များသည် အနှစ်သာရအားဖြင့် အတွင်းကျကျ ကိန်းအောင်းသည်။ ကြိုးစားသလောက်လည်း အောင်မြင်မှုများ ရနေခြင်း ဖြစ်သည်။

တစ်ခါကမူ စာရေးသူ၏ နှမဖြစ်သူ သီလရှင် ဆရာကြီး ဒေါ်ဓမ္မက ကိလေသာ မရှိခြင်း၏ ဟိုဘက်မှာ ကိလေသာနှင့် ဝေးခြင်းဆိုသည်မှာ အဓိပ္ပါယ် ရှိပါသေးသလားဟု မေးဖူးသည်။ မိမိသည် ထိုစဉ်က နှမဖြစ် သူအား အကြောင်းအကျိုး အကောင်းအဆိုး ရှင်းမပြခဲ့ဖူးချေ။ သူစကားကိုသာ လက်ခံသော သဘောကဲ့သို့ တုန့်ပြန်ခဲ့သည်။ သို့သော် စာရေးသူ၌ အကြွေးရှိသည်ဟု စဉ်းစားမိသည်။

ဤကိစ္စမှာ ဝေးစရာ လိုသေးသည်ဟု နားလည်ခံစား မိလေသည်။ ဝေးသည် နီးသည် ဆိုသည်မှာ…အရက် ကတော့ ဖြတ်နိုင်သည် အဘယ့်ကြောင့်ဆိုသော် အရက်ပြတ်ပြီဆိုလျှင် အရက်ပြတ်ပြီပဲ ပြီးပြီပေါ့ ကိုယ်က ပြတ်ပြီပဲ ဒီလို ယူရင်လည်း ရပါတယ်။ ဒါပေမယ့် အရက်သောက်သမားများနှင့် ပေါင်းသင်းဆက်ဆံ နေသောအခါ သိပ်မကောင်းဘူးဟု တစ်ချို့ကလည်း ပြောကြသည်။

ထိုအတူပါ အရက်ပြတ်ခြင်းနှင့် အရက်ဝေးခြင်း သည်လည်း အဓိပ္ပါယ် ရှိနိုင်ပါသည်။ သို့သော် ဤကိစ္စများကို နှမဖြစ်သူ သီလရှင်ကြီးအား မရှင်းပြခဲ့ရဘူးချေ။ နောင်သောအခါ ကြုံကြိုက်လျှင် ရှင်းပြဖြစ်လိမ့် မည်ဟု မိမိဖာသာ အောက်မေ့မိသည်။ ထိုသီလရှင်ကြီးသည် အမရပူရ သန္တိသုခ၊ သုဓမ္မာ သီလရှင်ကျောင်းတိုက်၌ သတင်းသုံးလျှက် ရှိသည်။ မကြာတော့မီကာလ၌ မိမိနှင့် တွေ့ရမည်ဖြစ်ပါသည်။ ထိုအခါ ရှင်းပြဖို့ ဒီတစ်ကြိမ်တော့ သတိထားမည်ဟု အောက်မေ့မိသည်။

လောကကြီး၌ ကိလေသာ ဝေးလျှင်ကောင်းသည်ဟု မိမိသည် နားလည်ခံစားမိသည်။ ဤကိစ္စကို လူသာမာန်များအဖို့ လုံးဝ ခက်ခဲသည်၊ နာခံနိုင်ရန်မူ မလွယ်ချေ။ မိမိတို့ကတော့မူ အနှစ်(၄၀) ၀န်းကျင် တစ်ချိန်လုံး ကိလေသာ သတ်နေကြရာ မိမိတို့ အဖို့တော့ အချင်းချင်း ဆွေးနွေး တိုင်ပင်လို့ ကောင်းသည်။ ကိလေသာနှင့် ဝေးလေ ကောင်းလေဟု သဘောပေါက် နားလည်ထားကြသည်။ ဤသို့လျှင် အမျိုးမျိုး သုံးသပ်မိသည်။

မိမိသည် ယခု ညကြီးမင်းကြီး စိမ်းညက်ညီအစ်မ ဂူဘုရာ၌ တရားအားထုတ်သည်။ ကိလေသာနှင့် ဝေးခြင်းအတွက် ကြီးစွာသော အထောက်အပံ့လည်း ရှိပေလိမ့်မည်။ တရားအားထုတ်ခြင်းသည် ကိလေသာနှင့် ဝေးခြင်းအတွက် အကြောင်းခံခြင်းပင် မဟုတ်ပါလော။

ကိလေသာနှင့် ဝေးသောအခါ မင်္ဂလာများ ဖြစ်ပေါ်တတ်သည်၊ ယင်းကား နက်ရှိုင်းလှသည်။ မင်္ဂလာရလို၍ တရားအားထုတ်ခြင်း မဟုတ်သော်လည်း တရားအားထုတ်သောအခါ မင်္ဂလာ ရတတ်သည်။ မင်္ဂလာဆိုသည် မှာလည်း အရာရာ ရွှေ၊ ငွေ၊ ကျောက်သံ၊ ပတ္တမြား၊ သြဇာတိက္ကမ၊ နာမည်ကြီးခြင်း၊ အထင်ကြီးခံရခြင်း အသိုင်းအ၀ိုင်းများခြင်း သက်သက်တော့မူ မဟုတ်ချေ။

မည်သို့ပင်ဆိုစေ တရားအားထုတ်သော ပုဂ္ဂိုလ်သည် တရားရမည် ဖြစ်သည်။ Practice makes perfect. ဖြစ်သည်၊ ကျွမ်းကျင်ရာ လိမ္မာကြသည်။ မိမိသည် ဤလမ်းစဉ်ကို ဆက်၍ ရှောက်လိမ့်မည် ဖြစ်သည်။

နောက်နေ့လည်း လာရောက် တရားအားထုတ်ရန် ဖြစ်နိုင်သည်ဟု အောက်မေ့ထားပြန်သည်။ ဤသို့ဆိုလျှင် စိမ်းညက်ညီအစ်မ ဘုရား၌ သုံးညတိတိ တရားအားထုတ်ဖြစ်လိမ့် မည်ဟု နားလည်ထားသည်။ ယခုအခါ ဒုတိယမြောက်ည ဖြစ်သည်။ အားထုတ်ရသည်မှာ ကောင်းသည်၊ ကျေနပ်သည်၊ ၀မ်းသာသည်၊ အမျှမေတ္တာ များလည်း ပေးပါသည်။

ခြင်္သေ့များသည် ဂူအ၀င်တစ်ခါ ဟောက်သည်၊ ဂူအထွက်တစ်ခါ ဟောက်သည်ဟု အဆို ရှိသည်။ တရားအားထုတ် သူများသည်လည်း တရားအားထုတ်ခါနီး၌ မေတ္တာပို့ ကြသည်။ မိမိကတော့မူ တရားအားထုတ်ရင်း (သို့မဟုတ်) တရား အားထုတ် ပြီးသောအခါ မေတ္တာပို့လေ့ ရှိပါသည်။

မေတ္တာပို့သည် ဆိုသည်မှာ နက်နဲသည်။ ဥပမာ မိမိက တရားဖြင့် ချမ်းသာခြင်း မရခင်မှာ ချမ်းသာကြပါစေဟု မေတ္တာပို့ခြင်းနှင့် မိမိကိုယ်တိုင် တရားနှလုံးသွင်း၍ ချမ်းသာသော အခါ၌ ထပ်တူ ထပ်မျှ ချမ်းသာခြင်းမျိုး ရကြပါစေလို့ မေတ္တာပို့ခြင်းသည် ပို၍ သက်ရောက် နိုင်သည်ဟု နားလည်ထားသည်။

ထို့နောက် တစ်ခုကို စဉ်းစားမိပြန်သည်။ မြတ်စွာဘုရားသည် မိမိသိသော တရားအပေါင်းကို တစ်ပါးသူအား ဟောတော်မူတတ်သည်။ တစ်ပါးသူများသည် မြတ်စွာဘုရား သိသကဲ့သို့ မသိနိုင်ချေ။ ဤကိစ္စကို စဉ်းစားဖူးသူများ ရှိမည်လား မပြောတတ်ပါ။

ဆရာမြတ်ကြီးရှိစဉ်က မိမိချမ်းသာသလို ချမ်းသာပါစေဟု မေတ္တာ ပို့တော်မူသည်။ ထိုအခါ ဆရာမြတ်ကြီး ချမ်းသာသလို ပတ်ဝန်းကျင်သည် ချမ်းသာကြလိမ့် မည်တော့ မဟုတ်ချေ။ သို့သော် မေတ္တာပို့စဉ်က အပြည့်အ၀ ချမ်းသာပါစေဟု ဆန္ဒပြုထားသောအခါ ၄င်းတို့သည် အတော်အသင့်တော့ သူတို့တန်သရွေ့ တော့ အပြည့်အ၀ ရကြလိမ့်မည်ဟု နားလည်မိသည်။ မင်းတို့ ထိုက်တန်သလောက် ရကြကွာဟု ဆိုသည်ထက် သူတော်ကောင်းများသည် မင်းတို့ အပြည့်အ၀ ရကြဟူ၍သာ မေတ္တာပို့တော်မူကြ သည်ကို သိနားလည်ခဲ့သည်။

ဤအချက်မှာ ထူးဆန်းပါသည်။ မိမိကိုယ်တိုင်လည်း မိမိ ချမ်းသာသောအခါ မိမိ ချမ်းသာသကဲ့သို့ ချမ်းသာပါစေဟူ၍ မေတ္တာပို့သည်။ မိမိဆိုလိုသည်မှာ မေတ္တာပို့သူသည် မိမိတိုယ်တိုင် ချမ်းသာအောင် ကျင့်ကြံ အားထုတ် တတ်မှသာလျှင် ပို၍ သက်ရောက် စေနိုင်သည်ဟု နားလည်မိသည်။

ဤနားလည်မှုကို အများသူငါ လက်ခံဖို့တော့ အခက်အခဲ ရှိချင် ရှိပေလိမ့်မည်။ မေတ္တာပဲဗျာ ပို့လိုက်ပြီးတာပဲဟု အောက်မေ့ချင်က အောက်မေ့တတ်လေသည်။ တစ်ချို့မှာ မေတ္တာမဟုတ်မူ၍ လောဘ၊ ဒေါသ နှင့်ယှဉ်သော စိတ်အစဉ်များ ဖြစ်ပေါ်သည်ကိုလည်း သုံးသပ်နိုင်သည်။ မေတ္တာဆိုသည်မှာ စစ်မှန်၍ အေးငြိမ်းသော အကျိုးပြုခြင်းကို ဆောင်သည့် သဘောများပါသည်။

မေတ္တာစစ်စစ်ကိုမူ မိမိ လွန်စွာ တန်ဖိုးထားသည် မိမိသည် အဖိုးတန်အောင် ကြိုးစားသည်။ အများသူငါကိုမူ မိမိက နက်နက် ရှိုင်းရှိုင်း စဉ်းစားရန် အချိန်ရဟန်မတူချေ။ အပေါ်ယံ မေတ္တာများဖြင့် ကူးလူးဆက်ဆံနေကြ သူများသာ ဟူ၍ စဉ်းစားဖွယ်ရာ အခြေအနေရှိမည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

စာရေးသူသည် ငယ်စဉ်က အမည်နာမများအပေါ် ဟာ့(ထ်) ထိသည်ဟု ဆိုရမည်ကဲ့သို့ ခံစားဖူးသည်။ ဥပမာ — မြစ်ဝကျွန်းပေါ် ဘိုကလေး သွားတုန်းက “ကျွန်းညိုကြီး” ဟု  ကြားလိုက်ရတဲ့အခါ စိတ်ထဲမှာ တစ်စုံတစ်ခုကို စိတ်ကူးမိသည်။ ဟာ – “ကျွန်းညိုကြီး” တဲ့ စိတ်ဝင်စားစရာ သိုက်တွေဘာတွေများ ရှိမလားပေါ့၊ ရေငန်ပိုင် ဦးရှင်ကြီးကလည်းရှိသေးတယ်  .. .. အဲဒီလို ခံစားခဲ့မိဖူးသည်။

ထို့နောက် “မိန်းမလှကျွန်း” ဆို ပိုပြီးထိရောက်သည်။ ဟာ့(ထ်) ထိသည် ဟုဆိုရမည်၊ မိန်းမလှကျွန်းမှာ သိုက်တွေရှိလို့ မိန်းမလှတွေ ရှိသလား? စသဖြင့်ပေါ့။  အမည် နာမကို ကြားရပြီးတဲ့နောက် ခံစားရတဲ့ ငယ်စဉ်က ခံစားချက်ဖြစ်ပါသည်။ မိန်းမလှကျွန်းဆိုတော့ စိတ်ကူးယဉ်ရသလိုလို၊ သိုက်နန်းဆန်သလို စသည်ဖြင့်ပါပဲ – ဒါကတော့ ငယ်စဉ်ကပေါ့လေ။

နောက် “မြောက်တစ်ရာဘုရား” တဲ့ . . . ဟာ “မြောက်တစ်ရာဘုရား” ဇာတ်လမ်းကတော့ – “မြောက်တစ်ရာဘုရား” သို့သော်အခုတော့ ကိုးဆယ့်ကိုးကောင်ပဲ ရှိတော့သည်၊ တစ်ကောင်မှာ တစ်စုံတစ်ခုသော အစွမ်းသတ္တိထူးရှိသည့် အရာကို ဝါးမြိုမိသဖြင့် ထွက်ရပ်ပေါက်ကာ တောထဲ ဝင်သွားသည်ဟု ဇာတ်လမ်းကြားရပြန်သည်။ ထိုအခါ စာရေးသူသည် ဟာ့(ထ်) မထိဘဲ မနေနိုင်အောင် ဖြစ်ခဲ့ရသည်၊ တစ်ချိန်ကဖြစ်ပါသည်။ “မြောက်တစ်ရာဘုရား” အကြောင်းတော့မူ နောင်သောအခါမှ စာရေးဖြစ်ချင် ရေးပါမည်။ ယခုတော့ ပုဂံမြို့က စိမ်းညက်ညီမ ဘုရား၌ တရားအားထုတ်ခဲ့ရပုံနှင့် ခံစားချက် အသိပညာများကို တင်ပြရန်ဖြစ်ပါသည်။

စာရေးသူသည် စိမ်းညက်ညီမ ဆိုသဖြင့် ငယ်စဉ်က ခံစားခဲ့ရဖူး သကဲ့သို့ နီးနီး ခံစားရသကဲ့သို့ ဖြစ်လာသည်။ ဘုရားနာမည်က “စိမ်းညက်ညီမ” တဲ့ တစ်မျိုးတစ်ဖုံ စိတ်ကူးမိသည်မှာ အမှန်အကန်ဖြစ်ပါသည်။ ထို့ကြောင့် ပုဂံမြို့ရှိ တရားအားထုတ်စရာ ဘုရားများထဲတွင် စိမ်းညက်ညီမကို တနေ့အားထုတ်မည်ဟု စိတ်ကူးရခဲ့မိသည်။ ယခုအခါ တရားအားထုတ်ဖြစ်သည်။ တရားအားထုတ်၍ ကောင်းပါသည်။

စာရေးသူတို့ ရောက်သောအချိန်မှာ ည (၁၂) နာရီကကျော် ရှိသော်လည်း မီးလင်းနေသည် ဖြစ်၍ ဘုရား၏ တန်ခိုးကို အံ့သြမိသည်။ ဘုရားတိုင်း မီးလင်းကြသည် မဟုတ်ပါ။ တစ်ညလုံး မီးပူဇော်ထားပုံရသည်။ ထို့ကြောင့် စာရေးသူတို့သည် လင်းလင်းရှင်းရှင်းနှင့် တရားအားထုတ်ခွင့် ရခဲ့ပါသည်။ တရားအားထုတ် သောအခါ  မေတ္တာပို့ပါသည်၊ ရုပ်နာမ်နှစ်ပါး ခန္ဓာငါးပါးကို မြတ်စွာဘုရားအား လှူပါသည်၊  ဆရာမြတ်ကြီး ကိုလည်း ဦးထိပ်ထားပါသည်။ ထို့နောက် ပေါ်သမျှများကို ရှုပါသည်၊ ရှုသည်ဆို၍ ချက်ခြင်းရှင်းသွားသည်ဟု ပြော၍တော့မရပါ၊ ရှု၍မိသည်ဟူ၍သာ ပြောနိုင်ပါသည်။ ညအချိန်ဖြစ်သောကြောင့် ပေလားဟု အနည်းငယ် စဉ်းစားမိပါသည်။

နောက်ဆုံး စိတ်ကူးရှိမိသည်မှာ အတော်အသင့် သမာဓိနှင့် ပုဂံမြို့ပေါ်ရှိ ဘုရားများကို ညအခါ တရားအားထုတ်လျှင် သတိထားသင့်ပေလိမ့်မည်ဟု မိမိအနေနှင့် သဘောရသည်။ အဘယ့်ကြောင့်ဆိုသော် သီလ သမာဓိ ပညာ မပြည့်စုံလျှင် ညအချိန်ကျ တစ်စုံတစ်ရာ အတွေးများ ဝင်နိုင်သည်ဟု ယူဆအပ်ပေလိမ့်မည်၊ စာရေးသူမှာမူ မိမိတွေ့ရာ မိမိရှုတတ်သော ပုဂ္ဂိုလ်ဖြစ်၍ ထူးလှဆန်းလှသည်တော့ မဟုတ်ပါ။ ဘုရားတရားကို ကြည်ညိုသဖြင့် အားထုတ်သည်၊ ဆရာမြတ်ကြီးကို ကြည်ညိုသဖြင့် တရားအားထုတ်သည်၊ ကိလေသာ လျှော့နည်း ကုန်ခန်းဖို့အတွက် တရားအားထုတ်သည် ဟူသော ယုံကြည်ချက် ဆုံးဖြတ်ချက်ဖြင့် တရားအားထုတ်ခြင်းမျှသာ ဖြစ်ပါသည်။

သို့သော် မိမိသိရသလောက် ခန့်မှန်းမိသည်မှာ ပုဂံမြို့ပေါ်ရှိ ဘုရားတချို့သည် သိုက်နန်းများ ရှိမည်ဆိုက ရှိနိုင်သည်ဟု မိမိအနေနှင့်တော့ သဘောရသည်။ သမိုင်းအစဉ်အဆက် ပတ်သက်ရာ ပတ်သက်ကြောင်းဖြစ်စေ စောင့်ရှောက်ကြ ထိန်းသိမ်းကြ မွမ်းမံကြနှင့် ဘုရားနှင့်ပတ်သက်၍ သက်ဆိုင်ရာ သိုက်သမိုင်းများ ရှိနိုင်သည်ဟု ယူဆပါသည်။ သို့သော် စာရေးသူသည် တရားကိုသာ ဂရုတစိုက် ရှုလိုက်မိသည်။ အများအတွက်တော့ သတိထားသင့်ကြောင်း မိမိသတိရမိသည်။ ဤအချက်မှာ သတင်းပေးခြင်းမျှသာဖြစ်သည်။ သတ္တိကောင်းသော ပုဂ္ဂိုလ်များသည် တရားထိုင်နိုင်ကြပါသည်။ သို့သော် အထိုက်အလျောက် စီစဉ်မှုရှိလျှင်တော့ ပို၍ သင့်တော်လိမ့်မည်ဟု သဘောရကြောင်း တင်ပြခြင်း ဖြစ်ပါသည်။

အရံလောကော ပရလောကော ဆိုတာ အဆိုအဆုံးအမများ ရှိထားသည် မဟုတ်ပါလော .. .. ထို့ကြောင့် သတိဝီရိယနှင့် ကျင့်ကြံကြိုးကုတ် အလုပ်လုပ်ရသည်သာဖြစ်ကြောင်း တရားရှုဖူးသူတိုင်း သိကြပြီးဖြစ်ပါမည်။ မိမိသည် တရားကို ဆက်၍ရှုသည်၊ ဟဒယမှာ ရှုရသည်မှာ ထူးခြားသလိုလိုတော့ ဖြစ်သည်၊ သို့သော် မိမိသည် ဘာပဲဖြစ်နေဖြစ်နေ အနိစ္စလက္ခဏာတင်ပါသည်။ မြတ်စွာဘုရားကို ဦးထိပ်ထား၍၊ ဆရာမြတ်ကြီးကို ဦးထိပ်ထား၍ တရားကြိုးစားခြင်းဖြစ်သည်။ ဇွဲနှင့်ကြိုးစားသောအခါ အောင်မြင်မှုသည် ရရှိသည်သာ ဖြစ်ပါသည်။ သို့သော် ဖြတ်သန်းရသည့်ခရီးမှာ အနည်းနှင့်အများဆိုသလို ပေးဆပ်သည်များ၊ စွန့်လွှတ်သည်များ၊ ကြံ့ခိုင်သည်များ၊ ဇွဲရှိသည်များ၊ ဘုရားအပေါ် ယုံကြည်ချက် သတ္တိများ၊ စိတ်ဆုံးဖြတ်မှုများတော့ လိုအပ်ပေလိမ့်မည်။

မိမိသည် အမျှအတန်း ပေးဝေခဲ့ပါသည်။ ထူးခြားသည်မှာ ဤဌာနသို့ နောက်တစ်ကြိမ် အားထုတ်လိုရန်ဖြစ်သည်။ ထို့ကြောင့် နောက်တစ်ကြိမ် လာဦးမည်ဟု စိတ်ကူးခဲ့သည်။ မည်သည့် ဘုရားမှာမှ ဤသို့အသိ မသိခဲ့၊ ဤသို့အသိ မပေါ်ခဲ့ ဤဘုရား၌တော့မူ နောက်တစ်ကြိမ် အားထုတ်ရန် ကျန်သေးသည်ဟူသကဲ့သို့ သတိထားမိသည်။ ထို့ကြောင့် စာရေးသူသည် နောက်တစ်ကြိမ်လာ၍ အားထုတ်ဖြစ်မည်မှာ သေချာပါသည်။ ပုဂံမြို့ရှိ ဘုရားတိုင်းလိုလို မိမိတရားအားထုတ်ခွင့် ရတော့မည်ဖြစ်ရာ လွန်စွာမှ ဝမ်းသာသည်၊ ဤကား မိမိကိုယ်တိုင် ပုဂံမြို၌ နေထိုင်ဖြစ်ခဲ့သောကြောင့် ဤအခွင့်အရေးကို ရသည်ဟု ယူဆပါ အားလုံးကို အမျှအတန်း ပေးဝေလိုက်ပါသည် .. ..

 ဆက်လက်ဖော်ပြပါမည် -

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

စိုးမင်းကြီးဘုရားသည် ပုဂံမြို့သစ်နှင့် မြို့ဟောင်း လမ်းပေါ်တွင် ရှိသည်။ လမ်း၏ အနောက်ဖက် ဧရာဝတီမြစ် ဖက်၌ ရှိသည်။ ကုန်းဂမူလေး ဖြစ်၍ လေတစ်ဖြူးဖြူး တိုက်သည်။ စိုးမင်းကြီးဘုရားနှင့် စိုးမင်းကြီးကျောင်း တွဲလျှက်ရှိရာ စိုးမင်းကြီးကျောင်းသည် တရားထိုင်၍ ကောင်းသည်ဟု ယူဆကာ စိုးမင်းကြီးကျောင်း၌ တရားထိုင်လိုက်ခြင်း ဖြစ်သည်။

ဟဒယစိုက်လိုက်သည်၊ ပေါ်စိတ်ကလေးများအား အနိစ္စလက္ခဏာ တင်လိုက်သည်။ အော်…ရဟန်းသံဃာများ ပင်လျှင် ဤအကျင့် ကျင့်နေကြပြီ ဖြစ်ရာ မိမိလူသားတစ်ယောက် အနေနှင့် ကျင့်သည်မှာ ကောင်းသည်ဟု ခံစားနားလည်မိသည်။ စိတ်များသည် နောက်ပိုင်း၌ ပျက်သွားသော အခါ အလဟသ ဖြစ်သည်၊ အချည်းနှီး ဖြစ်သည်၊ ၄င်းကို ဆင်ခြင်မိသည်။

ဤဆင်ခြင်ချက်သည် အမြဲတမ်းတော့ ရရန် လွယ်ကူလိမ့်မည် မဟုတ်ပါ။ တရားထိုင်သော အခါတော့ ရပါသည်။ ပေါ်စိတ်များသည် အနှစ်သာရ ကင်းမဲ့လျှက် အချည်းနှီး အလဟသ ဖြစ်ကြောင်းကို နားလည် သဘောပေါက် သွားသည်။

တရား တရား ရှုပါများ တရားထဲက ဓမ္မရ၍ ဇာဂ အလွန်ဖြူသည်ဟု ဆိုရမည်ကဲ့သို့ ဖြစ်သည်။ တရား အားထုတ်ခြင်း၌ နှစ်သက်စရာ ကောင်းကြောင်းကို သိလာသည်။ နှစ်သက်သည် ဆိုသည်မှာ လောကီ၊ ရွှေ၊ ငွေ၊ ဂုဏ်၊ ပကာသန၊ ထင်ပေါ်ကြော်ဇော ခြင်းကို နှစ်သက်ခြင်းမျိုး မဟုတ်ချေ။ တရားတော်၏ အနှစ်သာရအား နှစ်သက်သည် ဖြစ်၍ ကောင်းမွန်သည်။

ဒါနထဲတွင် တရားဒါနသည် အကောင်းဆုံး၊ အရသာထဲတွင် တရား အရသာသည် အကောင်းဆုံး၊ မွှေ့လျော် ဖွယ်ရာ ထဲတွင် တရားမွှေ့လျော်ခြင်းသည် အကောင်းဆုံး ဟူသော စကားရှိရာ တရား၏ အနှစ်သာရကို မွှေ့လျော် မိခြင်းသည် ကောင်းသော အရာပင် ဖြစ်သည်။

အမျှအတန်းများလည်း ပေးဖြစ်ပါသည်။ စိုးမင်းကြီးဘုရားသည် ကုန်းဂမူလေး၌ ဖြစ်၍ ရှုခင်းကောင်း သကဲ့သို့ လေလည်းရသည် ဖြစ်ရာ ပတ်ဝန်းကျင်သည် တစ်မျိုးတစ်မည် တင့်တယ် ရှုစဖွယ် ကောင်းသည်ဟု ကောက်ချက်ချ ရပေလိမ့်မည်။ ဤနေရာ ဤဌာနသည် တရားအားထုတ်ရန် သင့်တော် ကောင်းမွန်သော ဌာနကောင်း ဌာနမွန် ဖြစ်သည်ဟု ဆုံးဖြတ်ချက် ချကာ အမျှအတန်းများ ပေးဝေခဲ့ပါသည်။ တရား ကိုတော့မူ ဆက်လက် အားထုတ် နေဖြစ်ဦးမည်သာ ဖြစ်သည်ဟု သဘောရသည်။

ပုဂံမြို့ပေါ်ရှိ ဘုရားများတွင် တရားအားထုတ်ရာ ယခုအခါ နာမည်ကြီးဘုရား စေတီပုထိုးများ သာမဟုတ် အကြောင်းအကျိုး ညီညွတ်တိုက်ဆိုင်သော စေတီပုထိုး ဘုရားများ၌ တရားအားထုတ်လျှက် ရှိနေမိသည်။ ယင်းအကြောင်းကို ဆက်လက်၍ ရေးသား ဖော်ပြ တင်ပြပါဦးမည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

ကိုနန်းအောင်            ဆရာ့ကို ကျွန်တော် ဆွေးနွေးချင်တာ ရှိတယ်ဗျာ။ ဗိုလ်ချုပ်အောင်ဆန်း ကြောင်းတွေက ဟော့(တ်)တော့ပစ် ဖြစ်နေတော့ ဆရာလည်း ဗိုလ်ချုပ်အောင်ဆန်း အကြောင်းကို ရေးတာ ကျွန်တော် ဖတ်ရတယ်။ ဆရာ သိတာတွေ ရှိလို့လား?

ဒေါက်တာချစ်ငယ်      သြော်…ရှိတာပေါ့ ကိုနန်းအောင်ရယ်။ ကျွန်တော်က ရှိလို့ရေးတာပေါ့ ရေးတယ်ဆိုတာ ရှိလို့ပေါ့။

ကိုနန်းအောင်            ကဲ..အဲဒီလိုဆိုရင် ကျွန်တော် ပွင့်ပွင့်လင်းလင်း နားထောင်ချင်တယ်ဗျာ။ ဘာတွေရှိ လည်း။

ဒေါက်တာချစ်ငယ်      သြော်…နားထောင်ချင်တယ်ဆိုရင် ကျွန်တော် ဟိုတစ်လောက တရားထိုင်တယ်ဗျာ။ ဗိုလ်ချုပ်အောင်ဆန်းက လာတွေ့တယ်၊ ကျွန်တော်က ဗိုလ်ချုပ်အောင်ဆန်း အကြောင်းတွေလည်း ရေးတယ်မဟုတ်လား။ ကျွန်တော် တော်တော် တန်ဖိုးထား ရေးပါတယ်။ သူ့ရဲ့ အကြောင်းအကျိုး ပညာဉာဏ်ဟာ မသေးဘူး၊ နက်ရှိုင်းတယ် ဆိုတာရေးတော့ သူက ကျေးဇူးတင်ကြောင်း လာပြောပါတယ်။ ဒီတော့ သူ့ကို ကျွန်တော် နည်းနည်း လေ့လာခွင့် ရသွားတာပေါ့။

ကိုနန်းအောင်            ဟာ…ဗိုလ်ချုပ်အောင်နဲ့ စကားပြောနိုင်တယ် ဆိုတော့ ထူးဆန်းတယ် ဆရာရယ်၊ အဲဒီလိုဆိုရင် ကျွန်တော့ကို ကျန်တာတွေကော ပြောနိုင်ဦးမလား။

ဒေါက်တာချစ်ငယ်      အဲ…ကျွန်တော်တွေ့တာ သိတာကတော့ ပြောနိုင်ပါတယ်။ ဒါပေမယ့် ကိုနန်းအောင် တို့က ချိန်ဆတတ်ဖို့ လိုတယ်၊ မချိန်ဆတတ်ရင်တော့ မကောင်းဘူးပေါ့။

ကိုနန်းအောင်            ဟာ…ကျွန်တော် မချိန်ဆဘူးဗျာ၊ ဆရာပြောတာတွေကို ကျွန်တော် ဘလိုင်းယုံလိုက် မယ်၊ ဘယ်လိုလည်း။

ဒေါက်တာချစ်ငယ်      ကိုနန်းအောင် ဒီဟာကိုတော့ ကျွန်တော် မတိုက်တွန်းချင်ဘူးဗျာ၊ ဘာပဲဖြစ်ဖြစ် ချိန်ဆရမှာပေါ့။ ကျွန်တော်ပြောတဲ့ အကြောင်းအရာတွေလည်း အကြောင်းအကျိုး ဆီလျော် ညီညွတ်မှု ရှိမရှိ ချိန်ဆတတ်ရမှာပေါ့။ ကျွန်တော် အဲဒီဘက်ကပဲ တိုက်တွန်း ချင်တယ်။

ကိုနန်းအောင်            မဟုတ်ဘူး…ကျွန်တော် ယုံလို့ ပြောတာပါ၊ ဆရာဒေါက်တာချစ်ငယ် ပြောရဲအောင်လို့လည်း ကျွန်တော် ပြောတာပါ။

ဒေါက်တာချစ်ငယ်      ကျွန်တော်ပြောရဲအောင် အဲဒီလိုတော့လည်း မလှုံ့ဆော်ပါနဲ့၊ မမြူဆွယ်နဲ့… ကိုနန်းအောင်က မှန်မှန်ကန်ကန် တိတိကျကျပဲ မဇ္ဈိမပဋိပတာ ရပ်တည် စေချင်တယ်။ ကျွန်တော်က မျက်ကန်း ယုံတာကိုလည်း မကြိုက်ဘူး။

ကိုနန်းအောင်            ဘာဖြစ်လို့လည်း ဆရာရယ်…ဆရာ့ကို ယုံတယ်ဆိုရင် ဆရာက ကြိုက်ရမှာပေါ့။

ဒေါက်တာချစ်ငယ်      ကျွန်တော်မကြိုက်ဘူး၊ မျက်ကန်းယုံတဲ့ပုဂ္ဂိုလ်က တစ်နေ့ကျတော့လည်း မျက်ကန်း မယုံဘူး ဖြစ်တတ်တယ်။ အကြောင်းအကျိုး ဆင်ခြင်ပြီး ယုံတဲ့ပုဂ္ဂိုလ်က နောင်ကျလည်း အကြောင်းအကျိုး ဆင်ခြင်တဲ့အတွက် သူဟာ ခိုင်တယ်၊ ကျွန်တော် ခိုင်တဲ့ ယုံကြည်တဲ့ ပရိတ်သတ်ကိုပဲ လိုချင်တယ်၊ ကိုနန်းအောင် ခင်ဗျား ကျွန်တော့ သဘောထားလည်း သိလျက်သားနဲ့…

ကိုနန်းအောင်            ကဲ…အဲဒီလိုဆိုလည်း ဆရာကြိုက်တဲ့ အတိုင်းပါပဲလေ ကျွန်တော်က အားပေးချင်လို့ ဆန္ဒစောတာ မှားတယ်ပဲ ဆိုပါတော့…ကဲ ကျွန်တော် စဉ်းစဉ်းစားစားပဲ ယုံမယ်၊ ဆရာ ပြောစရာရှိပြောပါ။

ဒေါက်တာချစ်ငယ်      ကျွန်တော် သိရသလောက်တော့ ဗိုလ်ချုပ်အောင်ဆန်းက (Complete and Compact) ဖြစ်တယ်ပေါ့ဗျာ၊ သဘောက သိပ်သိပ်သည်းသည်း၊ သိုသိုသိပ်သိပ်၊ ပြည့်ပြည့်စုံစုံ၊ ကျစ်ကျစ်လစ်လစ် သဘောရှိတယ်ဆိုတာကို ကျွန်တော် အာရုံရတယ်ဗျာ။ ဒါကတော့ အမှန်အကန်ပဲ၊ နောက် သူ့ရဲ့ သဘောထားကတော့ သူ့နေရာမှာ သရုပ်ဆောင်တဲ့ ပုဂ္ဂိုလ်ဟာ သိပ်ညံ့တဲ့ ပုဂ္ဂိုလ်တော့ ဖြစ်စေချင်ဟန် မတူဘူး၊ အဲဒီလို ကျွန်တော် သိလိုက်ရတယ်။ ဒါ ကျွန်တော်သိသလောက် တင်ပြတာပါ။

ကိုနန်းအောင်            ကြိုက်ပြီဗျာ ဆရာ၊ ဆရာဒေါက်တာချစ်ငယ် သိတာတွေ တင်ပြ၊ ကျွန်တော် နှိုင်းနှိုင်း ချိန်ချိန် စဉ်းစားမယ်။ ဆရာကတော့ တရားအားထုတ်တာလည်း နှစ်ပေါင်း (၄၀) လောက် ဖြစ်နေပြီဆိုတော့ အကြားအမြင် ပါရမီရှင်သဘော ဖြစ်နေပြီပဲ။ ဒီတော့ ကျွန်တော် လေးလေးနက်နက် စဉ်းစားပါ့မယ်။

ဒေါက်တာချစ်ငယ်      ကျေးဇူးတင်တယ်ဗျာ လေးလေးနက်နက်သာ စဉ်းစား၊ ကျွန်တော့ အကြောင်းတော့ ခင်ဗျားလည်း သိသားပဲ၊ ကျွန်တော်က ကျွန်တော်မြင်မှ ကျွန်တ်ာပြောတာ၊ ကျွန်တော် သိမှ ကျွန်တော်ပြောတာ၊ သို့သော် ကျွန်တော့်အသိ ကျွန်တော့် အမြင်ကို ပြန်စစ်တမ်း ထုတ်ဖို့အတွက် ကိုနန်းအောင်တို့မှာ အမြဲတမ်း အခွင့်အရေးရှိတယ် ဆိုတာကို ကျွန်တော် နားလည်ပြီးသားပါ။

ကိုနန်းအောင်            ဒါနဲ့ ဆရာ ကျွန်တော် မေးခွန်းတစ်ခုလောက် မေးပါရစေ – ဆရာ ဗိုလ်ချုပ်အောင်ဆန်းနဲ့ နောက်ထပ်တွေ့ဖို့ ရှိသေးလားလို့ ? သိချင်ပါတယ်။

ဒေါက်တာချစ်ငယ်      ဒါတော့ ကိုနန်းအောင်ရယ် အကြောင်းအကျိုး ညီညွှတ်တိုက်ဆိုင်တဲ့အခါ တွေ့နိုင်ကြတာပါပဲ။ ကျွန်တော်က တွေ့ချင်တဲ့အခါလည်းရှိတယ်၊ သူကတွေ့ချင်တဲ့ အခါလည်းရှိတယ်ဆိုရင် သူကတွေ့ချင်တဲ့အခါ ပိုပြီးလွယ်ကူတယ်လို့တော့ ပြောရမှာပေါ့။ နောက်ထပ် မတွေ့တော့ဘူးလို့လည်း မပြောနိုင်ပါဘူး၊ ကျွန်တော်က တွေ့ချင်တဲ့အခါလည်း ကြိုးစားကြည့်ရင် မဖြစ်နိုင်စရာတော့ မဟုတ်ပါဘူး။ အခြေအနေက အဲဒီလိုပါပဲ။

ကိုနန်းအောင်            ဒါနဲ့ဆရာ ဗိုလ်ချုပ်အောင်ဆန်းက သူ့အတ္ထုပ္ပတ္တိကို ရိုက်မယ့် သရုပ်ဆောင်ရွေးတဲ့ နေရာမှာ သူ့သဘောထားကိုဆရာ လေ့လာမပေးနိုင်ဘူးလား?

ဒေါက်တာချစ်ငယ်      ကျွန်တော် သိရသလောက်တော့ – သိတယ်မဟုတ်လား၊ ဗိုလ်ချုပ်အောင်ဆန်း ကိုယ်တိုင်က လူတော်လေ အာဇာနည်ဆိုတော့ သူ့နေရာကို ခပ်ညံ့ညံ့သရုပ်ဆောင် မင်းသားလုပ်တာတော့ သူဘယ်နှစ်ခြိုက်ပါ့မလဲဗျာ – ဒါတော့ စဉ်းစားကြည့်ပေါ့။ ကျွန်တော် သူနဲ့ဆက်ဆံရတဲ့ အတိုင်းအတာမှာတော့ သူအဲဒီ သဘောထားမျိုးတော့ ရှိပုံရတယ်။ ဥပမာ – တိုင်းပြည်အတွက် နာမည်ကောင်းရှိတာတို့၊ ခပ်ညံ့ညံ့ ပုဂ္ဂိုလ်မဟုတ်တာတို့ပေါ့နော် – အဲဒါမျိုးတော့ သူလည်းဆန္ဒရှိမှာပေါ့။

ကိုနန်းအောင်            ကောင်းပြီဆရာ၊ ကျွန်တော် ဆရာပြောတာတွေကို အလေးအနက် စဉ်းစားပါဦးမယ်၊ မတော်တဆများ ဆရာ အကြောင်းအကျိုး ညီညွှတ်လို့ တွေ့ကြတယ် ဆိုရင်လည်း သတင်းအသစ်လေးတွေ ဘာတွေတော့  ကျွန်တော်ရချင်ပါတယ်။

ဒေါက်တာချစ်ငယ်      အကြောင်းအကျိုး ညီညွှတ်တိုက်ဆိုင်ရင်တော့ မဖြစ်နိုင်တာမှ မဟုတ်ဘဲ ကိုနန်းအောင်ရယ်။ ကျွန်တော်လည်း ကိုယ်သန်ရာမှ ဤလောကကိုအလှဆင်တယ် ဆိုသလို ကိုယ်သိတာ၊ ကိုယ်တတ်တာနဲ့ မြင်တာတွေ့တာလေးတွေကို ​ကျွန်တော်တင်ပြတာပါ။ ကျွန်တော် ဘာမှလည်း ဒီထက်ပိုပြီး ကိုနန်းအောင်တို့ဆီက မျှော်ကိုးထားတာ မရှိပါဘူး၊ တင်ပြတာပါ။ ဒါပေမယ့် ကျွန်တော်ပြောတာတွေဟာ အကြောင်းအကျိုး ညီညွှတ် ပြည့်စုံလိမ့်မယ်လို့ပဲ ကျွန်တော်ခံယူထားပါတယ်။

ကိုနန်းအောင်            ကျေးဇူးတင်ပါတယ်ဗျာ၊ ကျွန်တော်တော့် ဘက်ကတော့ ဆရာနဲ့နောက်ထပ် အရေးကြီးတဲ့စကားတွေ ပြောခွင့်ကြုံလိမ့်ဦးမယ်လို့ မျှော်လင့်မိပါတယ်ဆရာ -

ဒေါက်တာချစ်ငယ်      ဟုတ်ကဲ့ – ကောင်းပါတယ်၊ ဟုတ်မှန်ပြီး အကျိုးရှိရာ အကြောင်းအရာတွေကတော့ ပြောဖြစ်ကြရင် သာဓုခေါ်စရာပဲ ဖြစ်မှာပေါ့ ကိုနန်းအောင် -

ကိုနန်းအောင်            ဟုတ်ကဲ့ဆရာ။ ဒါပဲနော် – ကျေးဇူးတင်ပါတယ်။

ဒေါက်တာချစ်ငယ်      ဟုတ်ကဲ့ ဟုတ်ကဲ့ .. .. ..

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

အကြားအမြင် နှစ်မျုိးရှိကြောင်း တင်ပြလိုပါသည်။ ပထမ အကြားအမြင်မှာ စိတ်များသည် လောဘ၊ ဒေါသ၊ မောဟ လျှော့သဖြင့် ကြည်လင်သောအခါ မြင်သော အမြင်တစ်မျိုး၊ ထို့နောက် ထိုစိတ်ကို တရားနှင့် ရှုသောအခါ ရှုသော အသိဉာဏ်၌ မြင်သော အမြင်တစ်မျိုးဟူ၍ နှစ်မျိုးရှိပါသည်။ ပထမတစ်မျိုးမှာ စိတ်မချရပါ၊ ဒုတိယ အမျိုးမှာမူ စိတ်ချရနိုင်ပါသည်။ သို့သော် ဒုတိယအမျိုးကိုသည်ပင်လျှင် သတိထားရပါ သည်။

အကြားအမြင်ဟူသမျှ သတိထားရသည်။ အဘယ့်ကြောင့်ဆိုသော် ကိုယ်မြင်သည်မှာတော့ အမှန်အကန် ဖြစ်သော်လည်း ကိုယ်မြင်သော အရာသည် အမှန် ဟုတ်ချင်မှ ဟုတ်ပေလိမ့်မည်။ အဓိပ္ပာယ်မှာ ကိုယ်ကတော့ မလိမ်မညာ မြင်သည်ကို မြင်သည်အတိုင်း ပြောခြင်း ဖြစ်သည်။ သို့သော် အမြင်ခံ အရာဝတ္ထုများသည် လှည့်စားလိုသော သဘောဖြင့် ပုန်းကွယ်၍ ပရိယာယ်ဖြင့် အမှားမှား အယွင်းယွင်းများကို ပြသည်ရှိသော် မြင်သည် မှန်သော်လည်း အမှန်မြင်သည် မဟုတ်ဟု သုံးသပ်နိုင်ပါသည်။

ဤကိစ္စအရေးကြီးပါသည်၊ စာရေးသူတို့သည် အတွေ့အကြုံ မြောက်များစွာရှိ၍သာ အကြားအမြင် အကြောင်း ပြောဟောနိုင်ခြင်း ဖြစ်သည်။ စာရေးသူ ကိုယ်တိုင်မူ အထူးသတိထား ပါသည်။ စာရေးသူသည် တစ်ချိန်ကလည်း တရားကိုသာ ဦးစားပေးခဲ့ရာ အကြားအမြင်လိုင်းကို မလိုက်ချေ။ သို့သော် မလွှဲမရှောင်သာ မြင်သော မြင်ကွင်းများ ရှိပါသည်။ ထို့ကြောင့် အမြင်အကြားကို ဗဟုသုတ ပေးခြင်းဖြစ်ပါသည်။

အမြင်အကြားသည် တရားတော့ မဟုတ်ဟု ပြောလျှင်ရပါသည်။ တရားသည် တရားဖြစ်သည်၊ မြင်ခြင်းသည် မြင်ခြင်းဖြစ်သည်။ မြင်ခြင်းသည် သမာဓိကောင်းလျှင် မြင်တတ်သည်၊ တရားသည် ၀ိပဿနာ ဉာဏ်ပညာ ကောင်းမှသာ တရားရှင်ဖြစ်နိုင်သည်။ ထို့ကြောင့် ဤအရာ၌ ခွဲခြားအပ်လေသည်၊ မြင်သောပုဂ္ဂိုလ်သည် တရားရှင် မဖြစ်ပါ။ တရားရှင်တို့သည်မူ မြင်ချင်လျှင် မြင်သည်၊ မမြင်ချင်လျှင် မမြင်ပါ။ တရားရှင် တိုင်းလည်း မမြင်ပါ၊ မြင်တိုင်းလည်း တရားရှင် မဖြစ်ပါ။

သို့သော် တရားရှင်မြင်သော အခါမူ အနည်းနှင့်အများ ဆိုသကဲ့သို့ စိတ်ချရတတ်ပါသည်။ တရားရှင် မဟုတ်သေးသူတို့ မြင်သည်မှာ စိတ်မချအပ်ပါ။ ဆရာသမား ထိန်းသိမ်းစောက်ရှောက် ပေးမှသာ တော်ကာကျနိုင် ပါသည်။ ဤကား စာရေးသူတို့၏ တရားအတွေ့အကြုံနှင့် အကြားအမြင် အတွေ့များကို ဖောက်သည်ချခြင်း ဖြစ်ပါသည်။

စာရေးသူသည် တော်တော်လေး မြင်ဖူးပါသည်။ သို့သော် မြင်သည်ဆိုသည်မှာ အပြောတော်တာ် ခက်ပါသည်။ အဘယ့်ကြောင့်ဆိုသော် မိမိပြောသော ပုဂ္ဂိုလ်များက နားထောင်နိုင်သော နားရှိရန် လိုအပ်သည်ဟု ယူဆပါသည်။ အခြေခံမရှိပါက စိတ်ကူးယဉ်ပြော ပြောသည်ဟု ကောက်ချက်ချ ကြမည်ဖြစ်သည်။

စာရေးသူသည် မြင်သလောက် ပြောလေ့မရှိပါ၊ တစ်ခါတစ်ရံတော့ ပြောပါသည်။ ပြောသောအခါ၌လည်း မိမိသည် ခိုင်ခိုင်မာမာ ပြောလေ့ရှိပါသည်။ အမှန်အကန် မြင်သည်ဟု သေချာမှသာလျှင် ပြောပါသည်။ စိတ်အထင်နှင့်မူ ပြောလေ့မရှိပါ၊ အဘယ့်ကြောင့်ဆိုသော် နာမည်ပျက်နိုင်ပါသည်။ စိတ်အထင်များလည်း ပေါ်တတ်ပါသည်၊ အတော်အရေးကြီးပါသည်။

စိတ်ပညာ ဝေါဟာရအရ (illusion, hallucination) စသည်တို့သည် ထင်ယောင်ထင်မှား မြင်ခြင်း၊ ထင်ရောင်ထင်မှား ကြားခြင်း၊ စိတ်အထင်နှင့် မြင်ခြင်း ကြားခြင်းများနှင့် ပတ်သက်သည်။ တကယ့် အစစ်အမှန်ကို မြင်လျှင် ဆိုသည်မူ လွန်စွာမှ အဖိုးတန်ပါသည်။ သို့သော် ရှားပါးပါသည်၊ သို့သော် ရှိသည်ဟု ထောက်ခံအပ်ပါသည်။ အဘယ့်ကြောင့်ဆိုသော် ဤလိုင်း၌ (Practice makes perfect.) ဆိုသကဲ့သို့ ကျွမ်းကျင်ရာ လိမ္မာကြသည်ဖြစ်ရာ လိမ္မာသော ပုဂ္ဂိုလ်တို့သည် ကိုယ့်ကဏ္ဍနှင့် ကိုယ်တော့ စွမ်းဆောင် နိုင်ကြသည်သာ ဖြစ်သည်။

ကိုယ်မမြင်၍ တစ်ပါးသူအား မြင်မည်မဟုတ်ပါဟု ဇွတ်ဆုံးဖြတ်ရန်မူ ကျဉ်းမြောင်းရာ ကျပေလိမ့်မည်။ ကိုယ်ကျင့်လျှင် ကိုယ်မြင်၍ ကိုယ်သန်ရာ ကိုယ်လုပ်ကြသော သဘောသဘာဝ ရှိသည်။ ထို့ကြောင့် မြင်နိုင် ပါသည် သို့သော် အမြင်ကို သတိထားပါဟု တင်ပြလိုပါသည်။

မိမိသည် အမြင်အများကြီးရှိရာ တင်ပြနိုင်သော အကြောင်းအချက်များကိုမူ အခါအားလျှော်စွာ တင်ပြနေပါ သည်။ အခါအားလျော်စွာဟု ဆိုရာ၌ အကြောင်းအကျိုး တိုက်ဆိုင်မှသာ ပြောလိုခြင်းဖြစ်သည်။ မတိုက်ဆိုင် လျှင်မူ သက်သက် မပြောလိုပြီ၊ အဘယ့်ကြောင့်ဆိုသော် အမြင်အကြားသည် တရား မဟုတ်သောကြောင့် ဖြစ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြနမာနိုင်ငံ

Share this post

ဗိုလ်ချုပ်အောင်ဆန်းအကြောင်း ကျွန်တော်သိသည်များ အချို့ကို ဖော်ပြပါမည်။ ဗိုလ်ချုပ်အောင်ဆန်းသည် အလုပ်တစ်ခုကို လိပ်ပတ်လည်အောင် လုပ်နိုင်စွမ်းရှိသည်။ အဓိကအားဖြင့် တစ်စစီ ဖွာဆလံကျဲ မဟုတ်ချေ။ အလုပ်တစ်ခုကို စနစ်ကျသည်၊ ပိစီးသည်၊ သေသပ်သည်၊ သိပ်သည်းသည်၊ သိုသိပ်သည်။ ဗိုလ်ချုပ်အောင်ဆန်းသည် ကျေးဇူးသိတတ်သော ပုဂ္ဂိုလ်ထူးဖြစ်သည်။ အကြောင်းအကျိုးကို နက်ရှိုင်းစွာ မြော်မြင် ဆင်ခြင်တတ်သည်။ ဗိုလ်ချုပ်အောင်ဆန်းသည် ရဲရင့်သည်၊ တိကျသည်၊ တိုင်းပြည်နှင့် လူမျိုးကို ချစ်သည်။

ထို့ကြောင့် ဗိုလ်ချုပ်အောင်ဆန်းနေရာ၌ သရုပ်ဆောင်သော ပုဂ္ဂိုလ်သည် တာဝန်ကြီးပေလိမ့်မည်၊ ဗိုလ်ချုပ်အောင်ဆန်းကို မီလိမ့်မည်ဟုတော့ စာရေးသူတို့ မမျှော်လင့်ချေ။ နီးစပ်လျှင်ပင် ဖြေသိမ့်နိုင်လိမ့်မည် ဟုသာ ယူဆထားသည်။ သာလွန်ရန်မှာမူ မဖြစ်နိုင်ဟုပင် သဘောရသည်။ ဗိုလ်ချုပ်အောင်ဆန်းသည် လွန်စွာတော်သော လူတော်တစ်ဦးဖြစ်သည်။ အရည်အချင်းပြည့်ဝသည်၊ သူရသတ္တိရှိသည်၊ အဓိကအားဖြင့် သိုသိပ်ကျစ်လစ်၍ စည်းစနစ်ရှိကာ ဖွာဆလံကျဲ မဟုတ်မူ၍ တစ်စုံတစ်ခုကို လုံးမိအောင်လုပ်နိုင်သည်၊ လိပ်ပတ်လည်အောင် လုပ်နိုင်သည်၊ နောက်ဆုံး ပြီးပြည့်စုံအောင် လုပ်နိုင်သည်။ ဤကား ဗိုလ်ချုပ်အောင်ဆန်း၏ အရည်အချင်း အချို့ပင်ဖြစ်သည်။

ဤအရည်အချင်းများကို စိတ်ကူးယဉ်၍ ဖော်ပြခြင်း မဟုတ်ပေ၊ ဗိုလ်ချုပ်အောင်ဆန်း၏ လှုပ်ရှားမှုများအပေါ် စနစ်တကျ ကောက်ချက်ချခြင်း ဖြစ်သည်။ အထူးသဖြင့်မူ ဗိုလ်ချုပ်သည် သိုသိုသိပ်သိပ် စနစ်တကျ ကျစ်ကျစ်လစ်လစ် လုပ်တတ်သော အရည်အချင်းမှာ ထူးခြားပြောင်မြောက်သည်။ အတော်ရှားပါးသော ထူးခြား ပြောင်မြောက်သည့် ပုဂ္ဂိုလ်တစ်ဦးပင်ဖြစ်သည်။ ချီးကျူးအပ်သော ပုဂ္ဂိုလ်တစ်ဦးပင်ဖြစ်သည်။

ဗိုလ်ချုပ်အောင်ဆန်းအကြောင်း သရုပ်ဖော်ရာ၌ တစ်စစီ ဖွာဆလံကျဲ ပုံစံမျိုး ဖြစ်လျှင်တော့မူ ဗိုလ်ချုပ်၏ စရိုက်နှင့် တစ်ခြားစီ ဖြစ်ပေလိမ့်မည်။ လွန်စွာ သိုသပ်၍ ကျစ်လစ်ကာ စုစည်းတတ်သော အရည်အချင်းကိုမူ လေးစားအပ်လေသည်။ ဗိုလ်ချုပ်အောင်ဆန်း၏ အတ္ထုပ္ပတ္တိကို ရိုက်ရန်ရှိနေသောကြောင့် မိမိသိသော သတင်းအချို့ကို ဖော်ပြပေးခြင်း ဖြစ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

စာရေးသူသည် မကြာခဏ အမြင်အကြားပညာရှိနိုင်သည်ဟု ပြောခဲ့ဖူးသည်။ ဤစကား အမှန်ပင်ဖြစ်သည်၊ စာရေးသူကိုယ်တိုင် မြင်ဖူးကြားဖူးသည်။ သို့သော် ဤအရေးများကို အထူးအလေးပေး၍ တင်ပြလေ့မရှိပါ။ တရားဓမ္မ သဘာဝကိုသာ တင်ပြလေ့ရှိသည်။ သို့သော် ယခုအခါ ကိုယ်လေ့လာရာ ကိုယ်ကျွမ်းသည်ကို ပရိသတ်က လက်ခံစပြုလာသည်ဖြစ်၍ ကျွန်တော်တို့ လေ့လာခဲ့သော အတတ်ပညာများနှင့် ပတ်သက်၍ ကျွမ်းကျင်မှုများကို တိုက်ဆိုင်သောအခါ ပြောလိုသောသဘော ပေါ်လာသည်။ အထူးသဖြင့် အမြင်အကြား ကိစ္စဖြစ်သည်။

ကျွန်တော်တို့ကဲ့သို့ နှစ်ပေါင်းများစွာ ရှုနေသော  ယောဂီများအဖို့ မြင်နိုင်ကြားနိုင်သည် ဆိုသည်မှာ ထူးဆန်းလှသည်တော့ မဟုတ်ပါ။ သို့သော် အမှန်အကန်ဖြစ်ဖို့တော့ အရေးကြီးသည်ဟု အောက်မေ့မိသည်။ စာရေးသူသည် မြင်ခဲ့ဖူးသည်။ ဤကိစ္စကို ဗဟုသုတအဖြစ် ဖော်ပြခြင်းဖြစ်သည် (လက်ခံသည်၊ လက်မခံသည်ကိုတော့မူ မိမိအနေနှင့် မည်သည့်အရာမှ မမျှော်လင့်ပါ)။ သို့သော် အကြောင်းချက်တစ်ခု ရှိသည်ဖြစ်၍ တင်ပြခြင်းဖြစ်သည်။

ကျွန်တော်မြင်ခဲ့သည်မှာ ကြာပါပြီ။ ယင်းမှာ ဗိုလ်ချုပ်အောင်ဆန်းတို့ဆုံးပြီး နောက်ပိုင်း နှစ်တော်တော်ကြာကြာတွင် ဖြစ်ပါသည်။ ဗိုလ်ချုပ်အောင်ဆန်းကို မိမိ၏အာရုံ၌ မြင်ဖူးပါသည်။ တရားအားထုတ်သောအခါ ပေါ်ပါသည်။ မိမိပေါ်သော အခြင်းအရာမှာတော့ အမှန်အကန်ဖြစ်ပါသည် (ယုံသည် မယုံသည်ကိုတော့ မပြောလိုပါ)။ မိမိပြောလိုသည်မှာ ဗိုလ်ချုပ်အောင်ဆန်းသည် အကြောင်းအကျိုးကို အခြေခံ၍ ဝင်စားတတ်သော ပုဂ္ဂိုလ်ဖြစ်သဖြင့် ဗုဒ္ဓဘာသာပီပီတစ်ဦး ဖြစ်သွားသည်ဟု မိမိအနေနှင့် နားလည်သည်။

ဤနားလည်ချက်ကို အခြေခံ၍ တင်ပြရသော် ယခုအခါ ဗိုလ်ချုပ်အောင်ဆန်း၏ အတ္ထုပ္ပတ္တိကို ရိုက်တော့မည် ဖြစ်သည်။ ထိုအခါ ဗုဒ္ဓဘာသာတစ်ဦး အကြောင်းအကျိုး လက်ခံသူတစ်ဦးအဖြစ်နှင့် ရိုက်စေချင်သည်။ ဤကား မိမိ၏စေတနာနှင့် ဆန္ဒဖြစ်ပါသည်။ ပုဂ္ဂိုလ်ထူး တစ်ဦးကို သူ၏အကြောင်းအကျိုး ပညာအား မငဲ့ကွက်ဘဲ ရိုင်းစိုင်းသူ၊ ကွန်မြူနစ်ဆန်သူဟူ၍ သမုဒ်ကာ အတ္ထုပ္ပတ္တိ၌ ဇာတ်ညွှန်းတင်ပြခဲ့သော် – မိမိသည် လွန်စွာမှ စိတ်မကောင်း ဖြစ်မိပေလိမ့်မည်။ ၄င်းအပြင် ဗိုလ်ချုပ်အောင်ဆန်း၏ အတ္ထုပ္ပတ္တိကို ရိုက်သူများအနေနှင့်လည်း တာဝန်မကင်း ဖြစ်ပေလိမ့်မည်။ ထို့ကြောင့် မိမိမြင်သောဘက်မှ တင်ပြပါသည်။ ဗိုလ်ချုပ်အောင်ဆန်းသည် ဗုဒ္ဓဘာသာစစ်စစ်ဖြစ်သည်၊ အကျင့်တရားရှိ၍ အကြောင်းအကျိုးကို မြော်မြင် ဆင်ခြင်တုံတရားနှင့် ပြည့်စုံသည်။

ထို့ကြောင့် ဗိုလ်ချုပ်အောင်ဆန်းအား လေးလေးစားစားရိုက်ရန် မိမိကတော့ တိုက်တွန်းသည်၊ အကြံဉာဏ်ပြုသည်၊ လက်မခံသောကြောင့် ဗိုလ်ချုပ်အောင်ဆန်းသည် ထူးခြားသော ပုဂ္ဂိုလ်ဖြစ်နေခဲ့သည် ရှိသော် တစ်စုံတစ်ခု ထိခိုက်လျှင်တော့မူ မိမိအနေနှင့် ဘာမှမပြောလိုပေ၊ မိမိအမြင်မှာတော့ ဗိုလ်ချုပ်အောင်ဆန်းသည် လူတော်လူကောင်းတစ်ယောက် ဖြစ်၍ ဗုဒ္ဓဘာသာ ပီပီသသ ပုဂ္ဂိုလ်ထူးဖြစ်သည်။ ဤအချက်ကို အထူးအလေးအနက် စဉ်းစားစေချင်ပါသည်။ မစဉ်းစားဘူးဆိုကလည်း မိမိဘာမှ မတတ်နိုင်ပါ၊ သို့သော် မှားယွင်းသော လုပ်ဆောင်ချက် လုပ်မိသောအခါ ဖြစ်လာလတ္တံသော ရလာဒ်များကိုမူ လုပ်ဆောင်သော ပုဂ္ဂိုလ်များ ခံစားရလိမ့်မည် ဟုတော့ ကြိုတင်၍ တွက်ချက်မိသည်။

ဤအချက်ကို စိတ်ရင်းကောင်းနှင့် ပြောဆိုခြင်းလည်းဖြစ်သည်၊ ဗိုလ်ချုပ်အောင်ဆန်းကို တွေ့ဖူးသောပုဂ္ဂိုလ် တစ်ဦးအနေနှင့် အာရုံထဲတွင် အကြောင်းအကျိုး မြော်မြင်ဆင်ခြင်တုံတရားရှိသူ အဖြစ်နှင့် တွေ့ဖူးသည်ဖြစ်ရာ ယင်းတွေ့ဖူးချက်ကို၊ အလေးအနက်ထားကာ၊ တာဝန်သိစွာ၊ သစ္စာရှိစွာနှင့် ထုတ်ဖော်ဖွင့်အံ ပြောလိုက်ပါသည်။

ထိုထက်ပို၍ စိတ်ဝင်စားသည်ဆိုက ဗိုလ်ချုပ်အောင်ဆန်းနှင့် တစ်ခွန်းစ နှစ်ခွန်းစ စကားပြောဖူးသည် ရှိပါသည် – ယခုတော့ စာရေးသူသည် ဤအချက်အလက်များကိုတော့ တင်ပြလိုခြင်း အခုမရှိသေးပါ။ အဘယ့်ကြောင့်ဆိုသော် လက်ခံသူက မရှိသလောက် ရှားပေလိမ့်မည်၊ နားလည်သူက တော်တော်ရှိလိမ့်မည်၊ ဆန့်ကျင့်ဘက် တိုက်သူများက လွန်စွာမှများပြားပေလိမ့်မည်၊ ထို့ကြောင့် အထူးတလည် မပြောလိုပါ။ စာရေးသူကိုယ်တိုင်ကလည်း ဒီကိစ္စနှင့် ပတ်သက်၍ ပဏာယူလိုသော သဘောမရှိပါ။ ကိုယ်သိထားသော သတင်းကို တင်ပြရန်သာ ဖြစ်ပါသည်။ သို့သော်မိမိသည် ကိုယ်တိုင်တွေ့၊ ကိုယ်တိုင်သိ၊ ကိုယ်တိုင်ဆက်ဆံ ဖူးသောကြောင့် ရဲရဲရင့်ရင့်နှင့် ကိုယ့်အသိကိုတင်ပြပါသည်။

မယုံသော ပုဂ္ဂိုလ်များသည် မယုံကြည်ပိုင်ခွင့် ရှိသလို၊ ယုံသော ပုဂ္ဂိုလ်များလည်း ယုံကြည်ပိုင်ခွင့် ရှိသည်။ စာရေးသူအနေနှင့်လည်း လက်မခံသောပုဂ္ဂိုလ်များအား လက်မခံခွင့် ပေးထားသည့်နည်းတူ မိမိကိုယ်တိုင် လက်ခံသော သဘောရှိခြင်းကို လက်ခံသောသဘောရှိခြင်းအဖြစ်နှင့် လက်ခံကာ ဤသတင်းကို ပေးလိုက်ခြင်း ဖြစ်ပါကြောင်း .. .. .

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြနမာနိုင်ငံ

Share this post

အကြောင်းကံ တစ်ပြေးညီဖြစ်လျှင် အကျိုးတရားလည်း တစ်ပြေးညီဖြစ်ပေလိမ့်မည်။ အကြောင်းကံ အနိမ့်အမြင့်ရှိလျှင် အကျိုးပေးတရားလည်း အနိမ့်အမြင့် ရှိပေလိမ့်မည်။ အကြောင်းကံတရား အနိမ့်အမြင့် ရှိကြသော်လည်း အကျိုးပေး၌ တစ်ပြေးညီဖြစ်ရမည် ဟူသော မျှော်လင့်ချက်သည် မှားယွင်းလေသည်။ အားလုံးသည် တစ်ပြေးညီဖြစ်ရမည် ဟူသော အယူသည် အယူမှား ဖြစ်လေသည်။ အဘယ့်ကြောင့်ဆိုသော် အကြောင်းအကျိုးပညာကို ဆန့်ကျင်ဘက် တိုက်သောကြောင့် ဖြစ်သည်။ ဤလောက၌ အကြောင်းအကျိုး တရားသည်သာလျှင် လွှမ်းမိုးအုပ်ချုပ်သည်။

ထို့ကြောင့် ကောင်းကြောင်းပြုမှ ကောင်းကျိုးဖြစ်မည်၊ ဆိုးကြောင်း ပြုလျှင် ဆိုးကျိုးဖြစ်မည်။ ဆိုးကြောင်းပြု၍ ကောင်းကျိုး ခံစားချင်ပါသည် ဆိုသည်မှာ မဖြစ်နိုင်ချေ။ ထို့အတူ တစ်ပြေးညီ အကြောင်းခံတရား မရှိမူ၍ အနိမ့်အမြင့် အကြောင်းခံတရား ရှိသောအခါ အနိမ့်အမြင့် အကျိုးပေးရမည်မှာ သေချာလေသည်။ ဤအချက်ကို ကောင်းစွာ ခံယူရပေလိမ့်မည်။

အကြောင်းမတူလျှင် အကျိုးမတူနိုင်ချေ။ အကြောင်းမတူသော်လည်း အကျိုးတူချင်ပါသည် ဟူ၍ မျှော်လင့်သော ပုဂ္ဂိုလ်များသည် ကြောင်းကျိုးညီညွတ်မှုမှ သွေဖီသည်ဖြစ်၍ ဆိုးကျိုးလုပ်ပါလျှက်နှင့် ကောင်းကျိုးခံစားချင်သည် ဟူသော ဆန္ဒသည် ၀ိဘ၀တဏှာနှင့် ယှဉ်ပေလိမ့်မည်၊ ဥစ္စေဒဒိဌိ နှင့် ယှဉ်ပေ လိမ့်မည်။ မှားယွင်းသော အယူအဆပင် ဖြစ်ပေလိမ့်မည်။

ထို့ကြောင့် ကောင်းကျိုးချမ်းသာ ရလိုလျှင် ကောင်းကျိုးချမ်းသာ ရကြောင်း ကောင်းကြောင်းများ ပြုရန် လိုအပ်သည်ဟု ယူဆရပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

တိဟိတ်များသည် မဂ်ရနိုင်သည်ဟု အဆိုအဆုံးမ ရှိသည်၊ ဒွိဟိတ်များသည် မဂ်မရတတ်ချေ။ အဘယ့်ကြောင့်ဆိုသော် အခုဆီထမင်း အခုစာကလေးကြော် လုပ်တတ်သောကြောင့် ဒွိဟိတ် များသည် မဂ်မရချေ။ လက်ဖ၀ါးများလို မှောက်တတ် လှန်တတ်သည်ဟု ဆိုကြသည်။ တိဟိတ်များသည် ဇောက်ချ၍ ပြတ်ပြတ်သားသား ခံယူချက် ရှိကြသည်။

N.L.D သမားများသည် အများအားဖြင့် တိဟိတ်လေသံပေါက်သည်။ သူတို့သည် တရားအားထုတ်လျှင်  အရိယာ ဖြစ်ချင်က ဖြစ်နိုင်သည်။ သို့သော် သူတို့သည် နိုင်ငံရေးသမားများ ဖြစ်၍ အထူးမပြောလိုပါ။ ဘာသာရေးသမား စိတ်ဓာတ် ရှိလျှင်တော့မူ တိဟိတ်သည် မဂ်ရနိုင်သည်။ နိုင်ငံရေးသမား လုပ်သော်လည်း တရားလုပ်သူများ ရှိနိုင်သည်။ ထိုပုဂ္ဂိုလ်များသည် ပြတ်ပြတ်သားသား ခိုင်ခိုင်မာမာ လုပ်လျှင်၊ ဆုံးဖြတ်ချက် ခိုင်မာလျှင် မဂ်ရနိုင်သည်ဟု အဆိုအဆုံးမ ရှိသည်။ ဤကား အဆိုအဆုံးမကို မှီး၍ ပြောပြခြင်း ဖြစ်သည်။

ဗိုလ်ချုပ်အောင်ဆန်းသည် တိဟိတ်ဖြစ်သည်။ ထို့ကြောင့် သူသည် မဂ်ရနိုင်သည်၊ နောင်ဘ၀၌ တရားဝင်စား လျှင် မဂ်ရနိုင်သည်။ ဗိုလ်ချုပ်အောင်ဆန်းသည် အကြောင်းအကျိုးကို လက်ခံသည်၊ ထို့ကြောင့် ဒိဌိမဟုတ် ချေ။ ဒိဌိများသည် အကြောင်းအကျိုးကို လက်မခံ၊ ဥပမာ-ချမ်းသာအောင် လုပ်လျှင် ချမ်းသာ ကြရမည်သာ ဖြစ်သည်၊ ဆင်းရဲအောင်လုပ်လျှင် ဆင်းရဲကြရမည်သာ ဖြစ်သည်။ ဆင်းရဲခြင်း ချမ်းသာခြင်း၌ အကြောင်းများ ရှိကြသည်။ အကြောင်းခံလျှင် အကျိုးဖြစ်သည်။

ဗိုလ်ချုပ်အောင်ဆန်းသည် အကြောင်းအကျိုးကို လက်ခံသော ပုဂ္ဂိုလ်ဖြစ်သဖြင့် အကြောင်းအကျိုးအတိုင်း သွားသည်။ အကြောင်းခံတရားများကို လုပ်ဆောင်သည်၊ ထို့ကြောင့် မဂ်ရနိုင်သည်။ ထို့ကြောင့် ဗိုလ်ချုပ်အောင်ဆန်း အကြောင်းကို ရုပ်ရှင်ရိုက်လျှင်၊ အတ္ထုပတ္တိရိုက်လျှင် ကွန်မြူနစ် ပုံစံဖြင့် မရိုက်သင့်ချေ။ ဗုဒ္ဓဘာသာ ပုံစံဖြင့်သာ ရိုက်သင့်သည်။ အကြောင်းအကျိုးကို ခိုင်ခိုင်မာမာယူသော ပုဂ္ဂိုလ်ဖြစ်သည်။

ကွန်မြူနစ်များသည် အကြောင်းအကျိုးကို လွှဲဖယ်တတ်သည်။ ပုဂ္ဂိုလ်တစ်ဦးသည် တရားဟော စင်မြင့်ပေါ်မှနေ၍ ဘုရားတွေ၌ ပန်းတွေ များလွန်းနေသည်ဟု ဟောပြောရာ နောက်ပိုင်း၌ စင်မြင့်ပေါ်က ဆင်းရသည်ဟု ကြားဖူးသည်။ အကြောင်းကြောင့် အကျိုးဖြစ်နေသော မြတ်စွာဘုရား၏ တင့်တယ် သပ္ပာယ်မှုအား မနာလို ၀န်တို ဖျက်စီးလိုသော သဘောသည် ကွန်မြူနစ်သဘော ဖြစ်သည်။ ထိုသို့ မယူအပ်ချေ၊ သူ့အကြောင်းနှင့် သူ့အကျိုးဖြစ်သည်။ ကိုယ်ချမ်းသာလျှင် ကိုယ်ချမ်းသာအောင် လုပ်ရန်သာ ရှိသည်။ ကိုယ်ဆင်းရဲလျှင် ဆင်းရဲခြင်းမှ လွတ်အောင် လုပ်ရန်သာ ဖြစ်သည်။

အကြောင်းအကျိုးကိုမူ ဗုဒ္ဓဘာသာတိုင်း လက်ခံသည်။ ဗိုလ်ချုပ်အောင်ဆန်းသည် အကြောင်းအကျိုးဝါဒ ပညာရှင်ဖြစ်သည်။ ထိုအကြောင်းကို မိမိ စာတစ်ဆောင် ပေတစ်ဖွဲ့ အဖြစ်နှင့်လည်း ရေးသားခဲ့ဖူးသည်။ လွတ်လပ်ရေးရခြင်းသည် အကျိုးတရားဖြစ်သော်လည်း အကြောင်းတရားအဖြစ်နှင့် ယူ၍ မိမိတိုင်းပြည် တိုးတက်ကောင်းမွန်အောင် ကောင်းကောင်းမွန်မွန် အကြောင်းခံကြစို့ဟု တိုက်တွန်း၊ နှိုးဆော်၊ လှုံ့ဆော် ပြောဟောခဲ့ဖူးသည်။ ယင်းအချက်မှာ အကြောင်းအကျိုးကို ယုံကြည်သောကြောင့် ဖြစ်သည်။

အကြောင်းအကျိုး ယုံကြည်သူတို့သည် မဂ်ရနိုင်သည်။ အခုဆီထမင်း၊ အခုစာကလေးကြော် သို့လော သို့လောနှင့် အပြောင်းအလဲ များလွန်းလျှင်မူ ဒွိဟိတ်ဖြစ်သွားမည်၊ ဒွိဟိတ်ဖြစ်လျှင်မူ မဂ်မရချေ။ ဆိုခဲစေမြဲစေ ဟူသော စကားများသည် တိဟိတ်စကားများဖြစ်သည်။ တိဟိတ်များသည် အမြင်ပြတ်သား ရှင်းလင်းသဖြင့် ခိုင်မာသည် ဖြစ်ရာ တရားကျင့်သောအခါ ပေါက်မြောက်တတ်ကြောင်း သတင်းကောင်း ပေးလိုပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

ဗုဒ္ဓစာပေဆုရ
ဒေါက်တာချစ်ငယ်(ဒဿန)
မြန်မာနိုင်ငံ

Share this post

ဗုဒ္ဓဘာသာတို့၏ ပန်းတိုင်သည် နိဗ္ဗာန်ဖြစ်သည်။ နိဗ္ဗာန်အကြောင်း တင်ပြခြင်းသည် ဗုဒ္ဓဘာသာတို့၏ ဂုဏ်ရည်ပင် ဖြစ်သည်။

သိပ္ပံသည် ရုပ်ဒြပ် အမှုန်အမွှား အခြေခံ ဒြပ်များကို ရှာဖွေတွေ့ရှိခဲ့သည်။ သို့သော် နိဗ္ဗာန်အထိ မထိုးဖောက် နိုင်ဟု သုံးသပ်ရမည်။ နိဗ္ဗာန်သည် ရုပ်ကမ္ဘာ၏ အလွန်မှာသာ ရှိသည်။ နိဗ္ဗာန်သည် ရုပ်လည်းမဟုတ်၊ နာမ်လည်း မဟုတ်ပေ။ အသင်္ခတဓာတ်ဟု ခေါ်အပ်သည်၊ အနုတ္တရဓာတ်လည်း ဖြစ်သည်။ အမြတ်ဆုံးဓာတ် ဖြစ်သည်။ ပြုပြင်စီရင်ခြင်းငှာ မအပ်သောဓာတ် ဖြစ်သည်။ ထို့ကြောင့် ပုထုဇာဉ်လူသားများသည် နိဗ္ဗာန် အကြောင်းကို မ၀င်စားတတ်ကြချေ။

တွေ့မြင်နေရသော (၃၁)ဘုံထဲမှဖြစ်စေ၊ စကြ၀ဠာထဲမှဖြစ်စေ အရာရာသည် ပြုပြင်ပြောင်းလဲ နေကြသည်သာ ဖြစ်သည်၊ နိဗ္ဗာန်သည် မပြုပြင် မပြောင်းလဲအပ်ချေ။ ထို့ကြောင့် ပုထုဇဉ်တို့သည် နိဗ္ဗာန်ကို လက်လှမ်းမမှီ ချေ။ လက်လှမ်းမှီသော ပုဂ္ဂိုလ်များက တဆင့်တဆင့် ဖောက်သည်ချ၍ ပြောသည်ကို အချို့က စိတ်ဝင်စား သည်။ အမှန်မှာ စိတ်ဝင်စားသင့်သည်၊ နိဗ္ဗာန်သည် အမှန်ရှိသောတရား ဖြစ်သည်။

ဗုဒ္ဓဘာသာသည် အနည်းဆုံး ထိုအချက်ကိုတော့ လက်ခံကြလေ့ရှိသည်။ နိဗ္ဗာန်သည် ရှိသည်၊ မမြင်နိုင် မတွေ့နိုင်သေးသော ကြောင့်သာ နိဗ္ဗာန်၏ တွေ့ရှိမှုကို သက်သေ မပေးနိုင်ခြင်း ဖြစ်သည်။ သို့သော် အနုမာန မျက်မှန်းဆ၍ နိဗ္ဗာန်ရှိကြောင်း မှန်းဆယုံကြည်ကြသည်။ မြတ်စွာဘုရား ဟောကြားတော်မူသော တရားဖြစ်သည်။ သူတော်ကောင်းများလည်း အဆင့်ဆင့် ဟောတော်မူကြသည်။

စာရေးသူသည် နိဗ္ဗာန်အကြောင်းကို တော်တော် ပြောပြခဲ့ဖူးသည်။ လောကကြီးသည် ဟန်ပြလောက၊ အသွင်သဏ္ဍာန်လောက ဖြစ်ရာ အနှစ်သာရကို မလိုက်ကြချေ။ လိုက်ဖို့လည်း မသိကြချေ၊ သတိလည်း မရကြချေ၊ စိတ်လည်း မ၀င်စားကြချေ၊ အပေါ်ယံအားဖြင့် မြင်သာ၊ ပြသာ၊ ထင်သာ၊ တွေ့သာ အကြောင်းအရာများကိုသာ စိတ်ဝင်စားလေ့ရှိကြသည်။ ဤကား လောက၏ စိတ်ဝင်စားမှုဖြစ်သည်။

လောကုတ္တရာကို ၀င်စားသော ဗုဒ္ဓဘာသာများမှာမူ နိဗ္ဗာန်အကြောင်း၊ ရဟန္တာအကြောင်း၊ သစ္စာအကြောင်း၊ အရိယာအကြောင်း ၀င်စားလေ့ရှိကြသည်။ စာရေးသူသည် ထိုသို့ ၀င်စားသော ဗုဒ္ဓဘာသာများအတွက် အဓိကထား၍ တင်ပြပေးနေပါသည်။

နိဗ္ဗာန်သည် အမှန်ရှိသည်။ ရုပ်နာမ်နှင့် သိခြင်းမဟုတ်ချေ။ ရုပ်နာမ်မှ တဆင့်လွန်သော မဂ်ဉာဏ် ဖိုလ်ဉာဏ်ဖြင့်သာ သိရသည်။ စတုမဂ္ဂဉာဏေန သစ္စိကာ တဗ္ဗံ ဟု ဖော်ပြခဲ့ဖူးသည်။ လေးပါးသော မဂ်ဉာဏ် ဖိုလ်ဉာဏ်ဖြင့်သာ နိဗ္ဗာန်ကို သိနိုင်သည်။ ထိုကြောင့် မဂ်ဉာဏ် ဖိုလ်ဉာဏ်ရအောင် ကြိုးစားသင့်ကြောင်း တင်ပြခဲ့ဖူးသည်။

ကိလေသေ မာရန္တော နိဗ္ဗာနံ ဂစ္စတီတိ မဂ္ဂေါ ဟူသော သဘောလည်း ရှိသည်။ ကိလေသာကို သတ်မှ မဂ်ဉာဏ် ဖိုလ်ဉာဏ် ပေါ်မည်။ ကိလေသာ ကျွန်ခံလျှင် မဂ်ဉာဏ် ဖိုလ်ဉာဏ် မပေါ်နိုင်ချေ။ သို့သော် လူသည် အခြေခံအားဖြင့် ကိလေသာကို ကျွန်ခံချင်ကြသည်။ အရှင်သခင် မလုပ်ချင်ကြချေ။ ထို့ကြောင့် ကိလေသာ၏ အရှင်သခင် ဖြစ်ဖူးခြင်း၏ ဂုဏ်ကို မရဖူးချေ။ ဇွဲ၊ သတ္တိ ရှိသော ပုဂ္ဂိုလ်များသာလျှင် ကိလေသာကို အောင်နိုင်အောင် ကြိုးစားလေ့ရှိကြသည်။ ကြိုးစား၍ အောင်သောအခါ မည်မျှ ထူးခြားသည် ဆိုသည်ကိုမူ ကိလေသာ အောင်နိုင်ပြီးမှသာလျှင် သိတတ်ကြသည်။ ကိလေသာသည် အောင်နိုင်စရာ ကိစ္စတစ်ခုပင် ဖြစ်သည်။

လူသည် အခြားအရာများကို အောင်မြင်အောင် ကြိုးစားနေကြသော်ငြားလည်း ကိလေသာကို အောင်မြင် အောင် မကြိုးစားနိုင်ကြချေ။ ဗုဒ္ဓဘာသာသည် ထိုမျှ အဆင့်မြင့်သည်။ အဆင့်မြင်သောအခါ ပုထုဇာဉ်များ လက်လှမ်းမမှီကြချေ။ လက်လှမ်းမမှီသဖြင့် စိတ်လည်း မ၀င်စားကြချေ။ အမှန်မှာမူ နိဗ္ဗာန်ကို စိတ်ဝင်စား၍ ပေါက်မြောက်အောင် ကြိုးစားထိုက်လေသည်။ သို့သော် မကြိုးစားကြချေ၊ အများသူငါသည် လောကီကိစ္စ နှင့်သာ အချိန်ပေးနေကြရသည်။ သို့သော် သူ့ခေတ်နှင့် သူ့အခါဖြစ်၍ မည်သို့မှ မတတ်နိုင်ချေ။ လူနည်းစု ကြိုးစားသောအခါ အောင်မြင်ပေါက်မြောက်လျှင် လွန်စွာမှ ထူးခြားသော တရားတော်၏ ဂုဏ်သတ္တိ အနှစ်သာရများကို ရရှိ တွေ့ကြုံ ခံစားရနိုင်သည်။

အဖျက်သမားများကလည်း ပေါ်ထွက်လျှက်ရှိရာ အမှန်တရားသည် ကွယ်ပျောက်လုနီးနီးပင် ဖြစ်သည်။ အဖျက်တရားများကလည်း မည်သို့သော သဘောထားနှင့် ဖျက်နေကြသည်ကို အံ့သြဖွယ်ရာကောင်းစွာ တွေ့ရှိရသည်။ လောက၌ အဖျက်သမားများ ရှိနေသည်မှာ လွန်စွာ အရုပ်ဆိုးသည်။ သို့သော် အကောင်းနှင့် အဆိုးဟာ ဒွန်တွဲလျှက်ရှိရာ သဘာဝပင် ဖြစ်ပါသည်။

အဖျက်သမားများ ကျဆုံးလျှင်တော့ အမှန်တရားသည် ပေါ်ကာ အကျင့်မှန်သည် ထွန်းကားလာမည်ဟု မျှော်လင့်မိလေသည်။ သို့သော် ဤကိစ္စသည် လွယ်ကူသော ကိစ္စတော့မူ မဟုတ်ချေ။ အများသူငါသည် အမှန်ကို ထွင်းဖောက်၍ သိမြင်ရန် မကြိုးစားနိုင်သော အခြေအနေတွင် အဖျက်သမားများ လွှမ်းမိုး နေခြင်းသည် အမှန်တော့မူ မကောင်းချေ၊ သို့သော် မတတ်နိုင်ချေ။ အမှန်သမားများ တတ်နိုင်သမျှ အမှန် ဖော်ဆောင်ရန် ကြိုးစားခြင်းသည်သာလျှင် မိမိတို့၏ တာဝန်ဝတ္တရား ဖြစ်မည်ဟု ယူဆမိပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

Share this post

ဆရာမြတ်ကြီးသည် ပညာရှိသူတော်ကောင်းကြီး ဖြစ်သည်။ ထို့ကြောင့် ဆုံးမသွန်သင်မှုများသည် လွန်စွာမှ နက်ရှိုင်း၍ ပညာသား ပါသည်။ ဥပမာ – ရက်စက်သည်မဟုတ်သော ပြတ်သားမှုဖြင့် ဆိုသော အဆုံးအမ၌ လွန်စွာ စိတ်ဝင်စားဖွယ် ကောင်းသည်။

လူ တော်တော်များများသည် ရက်စက်တတ်ကြသည်။ သို့သော် ပြတ်သားတတ်ဖို့ ခက်ခဲသည်။ တရားရှာသူ တို့သည် အချို့သော နေရာများ၌ ပြတ်သားရသည်သာ ဖြစ်သည်။ တိဟိတ်များ ဖြစ်သောကြောင့် ပြတ်ပြတ်သားသား အလုပ်လုပ်ရသည်။ ထိုအခါ အများသူငါက ရက်စက်သည်ဟု ထင်ရနိုင်သော ဖြစ်ရပ် များကို တရားရှာဖွေသူတို့သည် ရက်စက်သည် မဟုတ်သော ပြတ်သားမှုဖြင့် ပြတ်သား ခဲ့ရဖူးသည်။

ဤနေရာ၌ အကျိုးအမြတ် လောကုတ္တရာ ကောင်းကျိုးချမ်းသာကို လို၍ လောကီ၌ အငြိအစွန်းများကို ပြတ်ပြတ်သားသား ပယ်စွန့်ရာ၌ လူသာမာန် ရှုဒေါင့်မှ ရက်စက်သည်ဟု ယူဆနိုင်သော်လည်း အမှန်တကယ်မူ ပြတ်သားခြင်းသာ ဖြစ်သည်။ ဤသို့ မပြတ်သားနိုင်သဖြင့် အချို့မှာ မဂ်ဖိုလ် မရခြင်း ဖြစ်သည်၊ လောကုတ္တရာပညာ မရခြင်း ဖြစ်သည်။

ဤကိစ္စသည် လွန်စွာ အရေးကြီးသည်၊ လွန်စွာမှလည်း လေးနက်သည်။ ရက်စက်ခြင်းသည် တစ်မျိုး ပြတ်သားခြင်းသည် တစ်မျိုး ဖြစ်သည်။ မရက်စက်ဘဲ ပြတ်သားနိုင်သည်၊ မပြတ်သား၍ မဖြစ်ချေ။ မပြတ်သားလျှင် တက်လမ်း ပိတ်သွားမည်သာ ဖြစ်သည်။ ထို့ကြောင့် ပြတ်သားရသည်၊ သို့သော် ရက်စက်ခြင်း သဘောထား မရှိချေ၊ ရက်ရက်စက်စက် စိတ်ထားမျိုး မရှိချေ။ ဤကိစ္စသည် တရား အားထုတ်သူများသာလျှင် သတိပြုလေ့ ရှိကြသည်။ စာရေးသူတို့သည် ဆရာမြတ်ကြီး၏ အဆုံးအမအောက်၌ ဤကိစ္စမျိုးကို နာခံရသည်၊ လိုက်နာရသည်၊ သတိထားရသည်။ မရက်စက်ပေမယ့် ပြတ်သားနိုင်ရသည်၊ လွန်စွာ အရေးကြီးသည်။

ထို့အတူပင် မနုံခြာသော်လည်း ခွင့်လွတ်သည်များ ရှိသည်။ နုံခြာ၍ ခွင့်လွတ်လိုက်သည် မဟုတ်ချေ။ မနိုင်၍ သည်းခံခြင်းလည်း မဟုတ်ချေ၊ နုံခြာသော သဘော မဟုတ်မူ၍ သည်းခံသင့်သည်ဟု ယူဆ၍ သည်းခံသော အရာ၌ သည်းခံကြရသည်။ ဤကား တရားရှာသော ပုဂ္ဂိုလ်တို့၏ လိုလားအပ်သော အရည်အချင်းများထဲတွင် အချက်တစ်ခု ပါဝင်သည်။ သည်းခံသောနေရာ၌ သည်းခံရသည်သာ ဖြစ်သည်။

မာယာပရိယာယ်မပါသော လိမ်လိမ်မာမာ ဆက်ဆံခြင်း ဟူသော ကျင့်စဉ်သည်လည်း လွန်စွာထူးခြားသည်။ စာရေးသူတို့သည် မာယာပရိယာယ် ကင်းစွာနှင့် လိမ်လိမ်မာမာ ပြေပြေပြစ်ပြစ် ဆက်ဆံရသော လုပ်ဆောင်ချက်များကို လုပ်ဆောင် ခဲ့ရသည်။ ဆက်ဆံရေး၌ ပြေပြေပြစ်ပြစ် ဖြစ်ရန် ကြိုးစားလုပ်ဆောင်၍ ယဉ်ကျေးစွာ ဆက်ဆံခြင်းဖြစ်သည်။ သို့သော် မာယာပရိယာယ်ကို သုံးလေ့ မရှိကြချေ။ ဤကား လွန်စွာ အရေးကြီးသည်။

ဤဂုဏ်ရည်များကို စောင့်ထိန်းနိုင်လျှင် တရားရဖို့အတွက် လွန်စွာ နီးစပ်လာသည်။ စိတ်ထားလည်း မှန်သည်၊ စိတ်ရင်းလည်း ကောင်းလာသည်။ စာရေးသူတို့သည် ဆက်ဆံရေး ပြေပြစ်အောင် ယဉ်ကျေးသိမ်မွေ့စွာ ဆက်ဆံခဲ့ရသော်လည်း အနုံအခြာများတော့မူ မဟုတ်ချေ။ တတ်သိနားလည်သော သဘောနှင့် ယှဉ်သည့်အရာများ မြောက်မြားစွာရှိသည်။

သမုဒယ အကြောင်းမပြုသော်လည်း ကောင်းကောင်းမွန်မွန် အကျိုးပြု လုပ်ငန်းများအား လုပ်ဆောင် တတ်သော သဘောလည်း ရှိရသည်။ ဤကိစ္စသည် အင်မတန် နှလုံးသွင်း မှန်အပ်သော ကိစ္စတို့၌ တည့်တည့် မတ်မတ် ဆောင်ရွက်ရခြင်း ဖြစ်သည်။ အမှန်တော့မူ သမုဒယအကြောင်း မရှိချေ။ သို့သော် မိမိတို့သည် ကောင်းကျိုးကို ဆောင်ပေးပါသည်။

ဤနေရာ၌ စိတ်ထားသည် လွန်စွာ အရေးကြီးသည်။ မိမိအနေနှင့် နှလုံးသွင်း ကြည့်မိရာ ဥပမာ — သံဃာတော် အရှင်သူမြတ်များ ဆွမ်းခံသောအခါ ဆွမ်းခံခြင်း အလုပ်ကို လုပ်သည်သာ ဖြစ်သည်။ မည်သည့်အိမ်က ၀က်သားဟင်းလောင်းမည်၊ မည်သည့်အိမ်က ငါးပိချက်လောင်းမည် ဟူသော မျှော်လင့်ချက်မျိုးနှင့် ရည်ရွယ်မှု မရှိချေ။ လောင်းသည်များကို လက်ခံရန်သာ ဖြစ်သည်။ လောင်းလိုက်လျှင် ကိုယ်ပိုင်သည်၊ မလောင်းသည် များလည်း ကိုယ်မပိုင်၊ ကိုယ့်တာဝန်မှာ ကိုယ်ဆွမ်းခံထွက်ခြင်းသာ ဖြစ်သည်။ ပဒေသာပင်ကြီး လောင်း လောင်း၊ ကန်တော့ဆွမ်း လောင်းလောင်း မိမိတို့သည် အပြုံးမပျက်ပဲ နေနိုင်ရသည်။ ဤကား သံဃာတော် များ၏ ဆွမ်းခံသော ကျင့်စဉ်ဖြစ်သည်။

ထို့အတူပင် ကိုယ့်လုပ်စရာ ရှိတာကို ကိုယ်လုပ်ရခြင်း ဖြစ်သည်။ အရာရာ၏ တုန်ပြန်မှုများသည် အကြောင်းအကျိုး ညီညွတ် တိုက်ဆိုင်သလို ဖြစ်ထွန်းရပေလိမ့်မည်။ ဤကား တရားရှာသူတို့၏ နှလုံးသွင်း အပ်သော အခြေခံ အချက်များ ဖြစ်သည်။

ဘက်မလိုက်သော မြော်မြင်ဆင်ခြင်မှုဖြင့် ဓမ္မဓိဌာန်ကျသော ဆုံးဖြတ်ခြင်းဆိုင်ရာ သင်ခန်းစာမှာ စာရေးသူတို့အတွက် လွန်စွာအဖိုးတန်ကြောင်း ဝန်ခံလိုပါသည်။ စာရေးသူတို့သည် ဘက်လိုက်တတ်သော သဘောကို အတော်အသင့် အတိုင်းအတာထိ ဆင်ခြင်ရှောင်ရှားနိုင်သည်။ ယင်းကား ဆရာမြတ်ကြီး၏ အဆိုအဆုံးမကြောင့် ဖြစ်သည်။ အရေးအကြောင်း ဆုံးဖြတ်မည်ဆိုလျှင် ဘက်လိုက်တတ်သော သဘောသည် လူ၏သဘာဝပင်ဖြစ်သည်။ ဥပမာ -  ဘောလုံးပွဲတစ်ပွဲကို ကြီးကြပ်နေသော ဒိုင်လူကြီးသည် မိမိကြိုက်နှစ်သက်သော ဘောလုံးအသင်းဘက်၌ ဘက်လိုက်တတ်သည်။ သို့သော် သမာသမတ် ဖြစ်အောင်ပဲ ဥပဒေအရ ဆုံးဖြတ်ရသည်။ စာရေးသူတို့သည် ဘက်မလိုက်အောင် သမာသမတ်ဖြစ်အောင် ဆုံးဖြတ်သောအကျင့်ကို ဆရာမြတ်ကြီး သွန်သင်တော်မူသဖြင့် အထိုက်အလျောက် ရရှိပြီဖြစ်ရာ လွန်စွာအဖိုးတန်သည်။

ထို့ကြောင့် စာရေးသူတို့သည် လူကောင်းသူကောင်းများ ဖြစ်လာခဲ့ကြသည်။ စာရေးသူတို့သည် ဘက်လိုက်မှုကို အထူးဆင်ခြင်ကြသည်၊ တတ်နိုင်သမျှ ဓမ္မဓိဌာန်ကျအောင် ဆောင်ကျဉ်းကြသည်၊ ယင်းကား စာရေးသူတို့၏ ကြိုးစားချက်နှင့် အရည်အချင်းများပင်ဖြစ်သည်။ ဤဂုဏ်ကျေးဇူးများကို ဦးထပ်ထားလျှက် ဆရာမြတ်ကြီးကို ကျေးဇူးတင်သည်မှာ အတိုင်းထက်အလွန် တံခွန်နှင့်ကုက္ကား ယင်းကြွားနိုင်လောက်သော အဆုံးအမ ခံယူသူများအဖြစ် ထင်ရှားလာကြရခြင်းဖြစ်ပါသည်။

ဆရာမြတ်ကြီး သွန်သင်ဆုံးမတော်မူသော လွန်စွာ လေးနက်သော အဆိုအဆုံးမများမှာ မြောက်မြားစွာ ရှိရာ စာအုပ်တစ်အုပ် ကျမ်းတစ်ဆူ ရေး၍ပင် ကုန်နိုင်ဖွယ်ရာ မရှိချေ။ သို့သော် စာရေးသူသည် အခါအားလျော်စွာ ရေးသား ဖော်ပြပေးပါမည်။ စာရေးသူကိုယ်တိုင် ဆယ်နှစ်တိတိ အသွန်သင် ခံခဲ့ရသည် ဖြစ်ရာ စာရေးသူသည် အောက်သက်ကြေ၍ ဤသဘောထားများအား ကောင်းစွာဖြေရှင်းနိုင်သည်။ လက်တွေ့ ကျင့်ကြံ ကြိုးစား အားထုတ်ခဲ့သည်။

စာရေးသူတို့ အဖွဲ့သည် သတိပဌာန် လေးမျိုးစလုံး ကျင့်တတ်သည် ဖြစ်ရာ ချီးကျူးဖွယ်ရာ ကောင်းသည်။ ချီးကျူးမှု မပြုချင်နေ အပြစ်တင်ရန် ခက်ခဲသည်။ အဘယ့်ကြောင့် ဆိုသော် မြတ်စွာဘုရား ဆုံးမတော်မူသော ကျင့်စဉ်များအား ကျင့်တတ်သောကြောင့် ဖြစ်သည်။ စာရေးသူသည် ကိုယ်တိုင်လည်း ကျင့်တတ်သည်၊ သူများ ကျင့်ချင်ပါသည် ဆိုလျှင်လည်း ပြောပြနိုင်သည်၊ သဘာဝ ကျကျ ပြောပြနိုင်သည်။

စာရေးသူသည် ကျင့်ပြီးဖြစ်၍ ကျင့်ခြင်း၏ အကျိုးအမြတ် ခံစားမှု သီလ၊ သမာဓိ၊ ပညာကိုလည်း ရရှိပြီ ဖြစ်သည်။ ဤကား ရိုးသားစွာနှင့် မှန်ကန်ကြောင်းကို အထောက်အထားဖြင့် ပြောခြင်းဖြစ်သည်။ ကြွားလို ၀ါလိုသော ထင်ပေါ်လိုသော သဘော အလျှဉ်းမရှိချေ။ ယင်းကိစ္စများအား မဆွကပင် ပယ်စွန့်ပြီး ဖြစ်ကြောင်း သတင်းကောင်း ပါးအပ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

 ကိလေသာကို သတ်သောအခါ မဂ်ဖြစ်၍ အောင်မြင်လျှင် ဖိုလ်သို့ကူးကာ နိဗ္ဗာန်သို့ ပြေးဝင်နိုင်သည်ဟူသော အဆိုရှိသည် (ကိလေသေ မာရန္တော နိဗ္ဗာနံ ဂစ္ဆတီတိ မဂ္ဂေါ)။ နိဗ္ဗာန်ကို စံဝင်လျှင် မဂ်ဉာဏ် ဖိုလ်ဉာဏ်များ ဖြစ်သည် ဟူ၍ အခိုင်အမာ အထောက်အထား အဆုံးအမများ ရှိသည် (စတုမဂ္ဂဉာဏေန သစ္စိကာ တဗ္ဗံ)။

ဤနေရာ၌ ဥပမာ – စတုမဂ္ဂ စိတ်ဏေန ဟူသောသဘော မရှိပါ။ စတုမဂ္ဂ ဉာဏေန ဟူသော အစဉ်အလာပဲ ရှိပါသည်။ ထို့ကြောင့် နိဗ္ဗာန်ကို မျက်မှောက်ပြုသောအခါ မဂ်ဉာဏ် ဖိုလ်ဉာဏ်နှင့် မျက်မှောက်ပြု ရသည်။ သို့မှသာ ရုပ်နာမ်ချုပ်ရာ၏ ဟူသော စကားနှင့် လိုက်လျှောညီထွေ ရှိမည်။

ဤကိစ္စ အရေးကြီးပါသည်၊ အချို့ ဤကိစ္စကို နားမလည်သောကြောင့် “နိဗ္ဗာန်ဆိုတာ စိတ်ချမ်းသာတာ လေးပဲ” ဟု ယူဆကြသည်။ ဤအယူအဆကို အဘိဓမ္မာဆရာ တစ်ဦးကိုယ်တိုင် သူ၏စာအုပ်ထဲ၌ ရေးသဖြင့် မိမိသည် ဝေဖန်ခဲ့ဖူးသည်။ ထိုဝေဖန်ချက်ကို သူက ခံစားရ၍ ဂျာနယ်တာဝန်ခံများအား သွားရောက် ပြောရာ ဂျာနယ် တာဝန်ခံများက ဒီလိုမှန်းသိရင် ယင်းဝေဖန်ချက်ကို မထည့်ပါဟု ပြန်ရေးသည်။ ထို့ကြောင့် ထိုဂျာနယ် ကို စာရေးသူသည် ဘယ်တော့မှ မရေးတော့ပါ။

မိမိ မှန်သည်ကို ထောက်ပြခြင်းသာဖြစ်သည်။ ရုပ်နာမ်ချုပ်ရပါသည်ဟု ဆိုပါလျှက်သားနှင့် ပျော်နေသော ချမ်းသာနေသော စိတ်ကလေးဟု သုံးသပ်သည်မှာ လွန်စွာမှားသော အဘိဓမ္မာဆရာ ဖြစ်သည်။ အဘိဓမ္မာဆရာ ဖြစ်၍ နိဗ္ဗာန်၌ ရုပ်နာမ်မရှိကြောင်းကို မသိခြင်းမှာ လွန်စွာမှ တိမ်းပါး ယိမ်းပါး ဖြစ်လွန်းလှ သည်၊ ထို့ကြောင့် မိမိသည် ထောက်ပြခဲ့သည်။ (ထိုအဘိဓမ္မာဆရာ ရေးသော စာအုပ် မိမိ၌ ယခုထက်တိုင်ရှိ သည်။ စာမျက်နှာနှင့်လည်း အတိအကျ အမှတ်အသားရှိသည်)

နိဗ္ဗာန်၌ ရုပ်နာမ်ချုပ်သည်ဆိုသည်ကို သိထိုက်သည်ဟု နားလည်သောကြောင့် ပြန်လည်၍ ရေးသားခဲ့ခြင်း ဖြစ်သည်။ နိဗ္ဗာန်၌ ခန္ဓာချုပ်ရသည် ဆိုသော အဆိုကို အထူးအလေးအနက် စဉ်းစားအပ်သည်။ (ခန္ဓာနိရောဓော နိဗ္ဗာနံ) ဖြစ်ကြောင်းကို နားလည်အပ်သည်။

ထို့အပြင် ရုပ်နာမ်ဆိုသည်မှာ ပိုင်းခြားအပ်သော သဘော ရှိခဲ့သည်၊ ၄င်းကိုလည်း နားလည်ရမည်။ နိဗ္ဗာန်ကို စံလိုလျှင် စံနိုင်သော မဂ်ဉာဏ် ဖိုလ်ဉာဏ်တို့သည် ရုပ်နာမ်ကို ပိုင်းခြားအပ်သည်။ ဤသဘောကို နားလည်သင့်သည်။ ဤသဘောကို အင်္ဂလိပ်လို ဟောတတ်သော တရားဟော ဓမ္မကထိက ကြီးပင်လျှင် နားမလည်ခဲ့ချေ။ သူသည် ရုပ်နာမ်ကို ပိုင်းခြားရမှန်း မသိချေ၊ ထို့ကြောင့် ရုပ်နာမ်ကို အမွှန်းတင် ဖက်တွယ် ကြောင်းကို ဟောလေ့ရှိသည်။ ယင်းဟောချက်များသည်လည်း အရုပ်ဆိုးလှသည်။

အင်္ဂလိပ်လို ပြောတတ် ဟောတတ်သဖြင့် ရင်ကော့လျှက်ရှိရာ ၄င်း၏ အင်္ဂလိပ်စာသည် ငါးပါးသီလ ပေးသော အင်္ဂလိပ်စာ အမျိုးအစား ဖြစ်နေသည်။ ယခုခေတ်သည် (Scientific Knowledge) နှင့် နှိုင်းယှဉ်၍ ဆွေးနွေး ဝေဖန် နိုင်မှသာလျှင် အင်္ဂလိပ်စာသည် ဘာသာရေး၌ တန်ဖိုးပိုရှိနိုင်သည်။ အဘယ့်ကြောင့်ဆိုသော် အသိပညာ အရာကို တင်ပြရာ၌ အတ္တနောမတိ မိမိဟောသမျှ ခေါင်းညိမ့် သာဓုခေါ် ဒီလိုသဘော ကမ္ဘာ၌ မရချေ။ ကမ္ဘာသည် စဉ်းစားလိမ့်မည်၊ ဝေဖန်လိမ့်မည်၊ တုန့်ပြန်လိမ့်မည်၊ အပြန်အလှန် ဆွေးနွေးလိမ့်မည်၊ ညှိုနှိုင်းလိမ့် မည်။

ထိုအခါ မိမိက ခေတ်ပေါ် (Scientific Knowledge) မှ နားလည် မထားလျှင်မူ မိမိသည် ခေတ်နောက်ကျသွားမည်။ အစဉ်အလာ စာအုပ်ဟောင်းကြီးထဲမှ ငါးပါးသီလကို ရွှတ်ပြနေရုံမျှဖြင့် အင်္ဂလိပ်လို ဟောနိုင်သည်ဟု ဂုဏ်ယူ ၀င့်ကြွားခြင်းငှာ မသင့်တော်ပေ။ ယခုအခါပင် (Scientific Knowledge, Pediction, Verifiability, Causality, Universality, Objectivity, Falsifiality)    စသည်ဖြင့် ဒါတွေနှင့် အသိပညာဉာဏ်ကို ယှဉ်ပြော နိုင်မှသာလျှင် မိမိတို့က အဆင့်မှီနိုင်မည်။

ဤသို့သော ကမ္ဘာ့အသိပညာကို မနှိုင်းယှဉ်နိုင်ဘဲ ငါတကော ကော၍ ငါပြောသမျှ သာဓုခေါ်ဟု တောင်းဆိုသမှု ပြုလိုသော သဘောသည် ကမ္ဘာ၌ တင်ပြ၍ မရအပ်သော အင်္ဂလိပ်စာပေ ဟောပြောမှုမျိုး ဖြစ်သည်။ ဤအချက်ကို ရိုးရှင်းစွာ နားလည်ထားရန် လိုအပ်လေသည်။

ရုပ်နာမ်သည် ပိုင်းခြားအပ်သော အရာဖြစ်သည်။ ယင်းကို ခိုင်ခိုင်မာမာ ယူဆရဲရမည်၊ ယုံကြည်ရဲရမည်၊ ဘုရားဟော တရားဖြစ်သည်၊ (ခန္ဓာနိရောဓော နိဗ္ဗာနံ) ဖြစ်သည်။ ထို့အပြင် (မဂ္ဂဖလာန မာရမ္မန ဘူတော အသင်္ခတ ဓမ္မော) ဟူသော အဆိုအဆုံးမ ကိုလည်း တစ်ဝကြီး နာခဲ့ကြ ဖူးလိမ့်မည်သာ ဖြစ်သည်။

မဂ်ဉာဏ် ဖိုလ်ဉာဏ်ဖြင့်သာ နိဗ္ဗာန်သို့ မျက်မှောက်ပြုသည်ဟု အတိအကျ ယူရသည်။ ထိုအခါ ခန္ဓာ့နိရောဓောနှင့် ကိုက်သည်။ နိဗ္ဗာန်စံသောအခါ ခန္ဓာမရှိရချေ၊ ခန္ဓာသည် ဒုက္ခသစ္စာကြီးဖြစ်ရာ ချမ်းသာ သော နိဗ္ဗာန်၌ မည်သို့လျှင် ပါဝင်သွားနိုင်ပါမည်နည်း။

ယခုတော့မူ ကိုယ့်ခန္ဓာကိုယ် ချစ်မြတ်နိုးသဖြင့် နိဗ္ဗာန် သွားရာ၌ပင် ယူချင်သည်ဖြစ်ရာ ယင်းစိတ်ကူးသည် လွှဲမှားသော စိတ်ကူးပင် ဖြစ်သည်။ ယင်းစိတ်ကူးသည် မဂ်ဉာဏ် ဖိုလ်ဉာဏ်၏ အကျိုးအကြောင်းကို နားမလည် သောကြောင့် ဖြစ်သည်။ မဂ်ဉာဏ် ဖိုလ်ဉာဏ်သည် ဖြတ်တောက်နိုင်သော သဘောရှိသည်။ ကိလေသေ မာရန္တော နိဗ္ဗာနံ ဂစ္ဆတီတိ မဂ္ဂေါ ဟူသော အဆိုရှိသည်။

ရုပ်နာမ်အား ချစ်သော သဘောကို ဖြတ်နိုင် တောက်နိုင်သော သဘောကမှ မဂ်ဉာဏ်သို့ သွားလိမ့်မည်။ ထိုသို့ (၃၁)ဘုံ ကို ဖြတ်နိုင်သော မဂ်ဉာဏ် ဖိုလ်ဉာဏ် မှသာလျှင် နိဗ္ဗာန်သို့ ပြေးဝင်၍ စံမြန်းနိုင်လိမ့်မည် ဖြစ်ကြောင်း သတင်းကောင်း ပါးအပ်ပါသည်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

ဟိုတစ်လောကပဲ နာမည်ကြီး ဆရာတော်တစ်ပါးက “ဘာသာတွေဟာ အကုန်လုံး အတူတူပဲ” ဆိုတော့ ကျွန်တော် ချက်ချင်းပဲ ကောက်ရေးလိုက်တယ်။ မတူပါဘူး၊ မတူတာ မတူဘူးလို့ ပြောပါ၊ တူပါတယ်ဆိုပြီး စည်းရုံးတာက စည်းရုံးချင်တဲ့ သဘောကိုတော့ အပြစ်မပြောဘူး၊ လွဲမှားတဲ့ အချက်အလက်နဲ့ မစည်းရုံးပါနဲ့။ သူတို့ကလည်း နောက် မသိတာမှ မဟုတ်ဘဲ သူတို့လည်း မတူဘူးလို့ သိနေတာပဲ၊ ဒီတော့ ဒီလို လွဲမှားတဲ့ စည်းရုံးချက်တွေ မလုပ်ပါနဲ့လို့ ကျွန်တော် ချက်ချင်း ဒီဂျာနယ်ထဲမှာပဲ ရေးလိုက်ပါတယ်။ ဒီတော့ သူတို့လည်း သိသွားတာပေါ့။

အမှန်ကတော့ မတူတာတော့ မတူဘူးပေါ့၊ ကျွန်တော် မှန်တာတွေကို တော်တော်လေး ရေးပေးပါတယ်။ ရေးပေးတာကလည်း သာသနာ့ အကျိုးအတွက် ရေးပေးတာပါ။ ကိုယ်သန်ရာမှ ဤလောကကို အလှဆင်တဲ့ သဘောပါပဲ။ ဒီတော့ သာသနာမှာလုပ်ရင် တိဟိတ် လုပ်ဖို့လိုတယ်။ တိဟိတ်မှ၊ ပြတ်သားမှ၊ အမြင်ရှင်းမှ၊ ခိုင်မာမှ၊ လေးနက်မှ သာလျှင် မဂ်ရနိုင်မယ်။ ဒီလိုမှ မဟုတ်ရင် မဂ်ရဖို့ဆိုတာ လွယ်တဲ့ကိစ္စ မဟုတ်ဘူး လို့ပဲ ခံယူမိပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post

တစ်ခါကလည်း – စာရေးသူတွေ့ဖူးပါတယ်၊ တစ်ခါက စာရေးသူရဲ့ ဆောင်းပါးကို သူတို့ပဲ လက်ခံပြီးတော့ သူတို့ ဂျာနယ်မှာ ထည့်တယ်။ နောက် အဲဒီလိုထည့်တော့ နောက်ကျတော့ တစ်ခါ ဒီလိုမှန်းသိ မထည့်ပါဘူးဆိုပြီး ပြန်ပြီးတော့ အဲဒီ ဂျာနယ် တာဝန်ရှိတဲ့ ပုဂ္ဂိုလ်ကပဲ ပြန်ရေးတယ်။ ကျွန်တော် အဲဒီကစပြီး အဲဒီဂျာနယ်ကို ကျွန်တော် မရေးတော့ဘူး။ ဘာလို့တုန်းဆိုတော့ ခုတစ်မျိုး တော်ကြာတစ်မျိုးပဲ။ သူတို့ ကြိုက်လို့ ထည့်ပြီးပြီပဲ ထည့်ပေါ့၊ နောက်မထည့်ရင် မထည့်နဲ့ပေါ့။ ဒီ ထည့်ပြီးသားဟာကိုပဲ ဒီလိုမှန်းသိရင် မထည့်ပါဘူးဆိုတော့ ဒါကတော့ မဟုတ်တော့ဘူး ဆိုပြီးတော့ မိမိ အဲဒီကတည်းကစပြီး အဲဒီဂျာနယ်ကို မရေးတော့ဘူး။

ကိုယ်ကလည်း ဆုံးဖြတ်လိုက်တယ်၊ ဒီလိုပုဂ္ဂိုလ်မျိုးဟာ မဂ်ရမှာ မဟုတ်ဘူးလို့။ ခုတစ်မျိုး တော်ကြာတစ်မျိုးတွေ သိပ်လုပ်တာကိုး… ဒီလိုရှိပါတယ်။ (ကျွန်တော် ဒါ ဂျာနယ်အမည်နဲ့ ဒီ ဂျာနယ်တာဝန်ခံ ပုဂ္ဂိုလ်ရဲ့ အမည်ကို ကျွန်တော်သိပါတယ်။ ဒါပေမယ့် အခု ပြောဖို့ မလိုလို့တော့ မပြောသေးပါဘူး)။

ကျွန်တော်ဆိုလိုတာက အဲဒီလို ဒွိဟိတ်ပေါ့နော် ဟိုလိုလို ဒီလိုလို.. ဟိုလိုလို ဒီလိုလို ဒါတွေကတော့ မဂ်ရဖို့ ခက်ခဲနိုင်ကြောင်း အဆိုအဆုံးမတွေ ရှိပါတယ်။ ဒီတော့ ခံယူချက်ရှိရမယ်၊ လေးနက်ရမယ်၊ ပြတ်သားရမယ်။ ကျွန်တော်ဆိုရင် အောင်မြင်သင့်သလောက် အောင်မြင်နေတာ ဘာဖြစ်လို့လည်းဆိုတော့ ကျွန်တော်က ခံယူချက်ရှိတယ်၊ ကျွန်တော်က လေးနက်တယ်၊ ကျွန်တော်က ခိုင်မာတယ်၊ ကျွန်တော်က သာသနာဖက်က ရပ်ပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

Share this post