ကာလသုံးပါးမှလွတ်မြောက်ခြင်း

Share

ကာလသုံးပါးမှလွတ်မြောက်ခြင်း

သစ္စာဝါဒီများ .. ..

သစ္စာဝါဒီများကို သတင်းတစ်ခုပေးမယ် –

မိမိအနေနဲ့ နှစ်ပေါင်း(၄၀) ကျော် ကျင့်ကြံ အားထုတ်ခဲ့တာဆိုတော့ သိတာတွေ ရှိတယ်လို့ ၀န်ခံဖူးတယ်လေ- အဲဒါ တစ်ခု ပြောဦးမယ်။ နိဗ္ဗာန်ကို မျက်မှောက်ပြုတာ အဲဒါ ဖိုလ်ဉာဏ်ခေါ်တယ်၊ အဲဒီ ဖိုလ်ဉာဏ်နဲ့ မျက်မှောက်ပြုရင် ဖိုလ်ဉာဏ်ဟာ ရုပ်နာမ်ကနေ လွတ်တယ်။ ဖိုလ်ဉာဏ်ဟာ ရုပ်နာမ်က လွတ်တဲ့အတွက် ဖိုလ်ဉာဏ်ဟာ ကာလ သုံးပါးမှလွတ်တယ်။ (သစ္စာဝါဒီများ ဓမ္မစကြာမှာ တွေ့ချင်တွေ့ဖူးမှာပါ)

ဖိုလ်ဉာဏ်ဟာ ကာလသုံးပါးမှ လွတ်တယ်၊ ရုပ်နာမ်မှ လွတ်တယ်၊ အဲဒါကြောင့် အချိန်မှလည်း လွတ်တယ်။  ဒါဟာ နိဗ္ဗာန်ကို မျက်မှောက်ပြုတဲ့ ဖိုလ်ဉာဏ်ရဲ့ စွမ်းရည် အခြေအနေမှန် ဖြစ်ပါတယ်။ အံသြစရာတော့ ကောင်းတာပေါ့ သို့သော် ဗုဒ္ဓဘာသာမှာ နက်ရှိုင်းတဲ့အပိုင်းတွေက အများကြီးဆိုတော့ အံသြစရာတွေကြီးပဲ .. ..  ဒါကြောင့် လူသာမာန်တွေ မသိပါဘူး။ လူသာမာန်တွေ နားလည်း မလည်နိုင်ဘူး။

ဖိုလ်ဉာဏ်နဲ့ နိဗ္ဗာန်ကို မျက်မှောက်ပြုတဲ့အခါ ရုပ်နာမ်မပါဘူး၊ တစ်ချို့က ဒီရုပ် ဒီနာမ်ကြီးကို ပါချင်ကြတယ်။ အဲဒါဟာ အဘိဓမ္မာတွေ လိုက်ပြီးတော့လည်း ရုပ်နာမ်နဲ့သွားချင်တယ် နိဗ္ဗာန်ကို – အဲဒါတော့ သင်္ခတနဲ့ အသင်္ခတ မကွဲလို့ပါ။

အသင်္ခတ ဆိုတာက နိဗ္ဗာန်ပဲလေ .. .. နိဗ္ဗာန်ဆိုတော့ သင်္ခတဓာတ်တွေ မပါဘူး။

ဒီတော့ ပေါ့။ လောကုတ္တရာဆိုတာ လောကမှ လွန်မြောက်သွားပြီလေ .. ..

လောကဆိုတာ အပျက်၊ အပျက်မှ လွန်မြောက်သွားပြီလေ –

ဒါကြောင့် နိဗ္ဗာန်ကို ဖိုလ်ဉာဏ်က မျက်မှောက်ပြုတဲ့အခါ ထိုးထွင်းဆင်ခြင်တဲ့အခါ နိဗ္ဗာန်ရဲ့ ဂုဏ်ရည်တွေကို ဖိုလ်ဉာဏ်က သိနေတဲ့ အခါမှာ၊ အဲဒီ့သိနေတာဟာ ရုပ်နာမ်မှ သီးခြားကင်းလွတ်စွာ ဉာဏ်အနေနဲ့ သိတာဖြစ်တယ်။ ရုပ်နာမ်မှ သီးခြားကင်းလွတ်လို့ အပျက်မှလည်း ကင်းလွတ်သလို လောကုတ္တရာဓာတ်လည်း ဖြစ်သလို ကာလသုံးပါးမှလည်း လွတ်ပါတယ်။

သစ္စာဝါဒီများ ဒါ ဗဟုသုတ အဖြစ်နဲ့ တင်ပြတာပါ – ၀င်စားမယ် ဆိုရင် နိဗ္ဗာန်ကို စံဝင်တဲ့အခါ ဘယ်လို ဘယ်လို ဖြစ်တယ်ဆိုတာတွေ ပြောပြပေးပါမယ်။ ၀မ်းသာပါတယ် .. .. .. .

ဗုဒ္ဓစာပေဆုရ

ဒေါက်တာချစ်ငယ်(ဒဿန)

မြန်မာနိုင်ငံ

 

This entry was posted in Buddhism, Frontpage and tagged , , , , , . Bookmark the permalink.

Leave a Reply

Your email address will not be published. Required fields are marked *