သစ္စာတရားရှာဖွေရာ၌ တိကျသောအဓိပ္ပာယ်ဖွင့်ဆိုချက်များ လိုအပ်ခြင်း(၂)

Share

သစ္စာတရားရှာဖွေရာ၌ တိကျသောအဓိပ္ပာယ်ဖွင့်ဆိုချက်များ လိုအပ်ခြင်း(၂)

နိဗ္ဗာန်ဆိုသောစကားကို တချိန်က (Nothingness) ဟု ဘာသာပြန်လိုက်ကြသည်။ ထိုအခါ ဘာမှမရှိဟူသော သဘောအယူအဆ အနည်းငယ် လွှမ်းမိုးလာသည်။ အမှန်မှာ နိဗ္ဗာန်၌ ဘာမှမရှိခြင်း မဟုတ်၊ ဘာဒုက္ခမှ မရှိ၊ ဘာရုပ်နာမ်မှ မရှိ၊ ဘာကိလေသာ တဏှာမှ မရှိဟူ၍သာ အဓိပ္ပာယ်ဖွင့်ရသည်။

 

နိဗ္ဗာန်၏ မူရင်းမှာ နိ ဝါန ဖြစ်၍၊ နိ ဝါန ဆိုသည်မှာ –

 

နိ= မရှိခြင်း

ဝါန= တဏှာအစေး ဖြစ်သည်။

 

ထို့ကြောင့် နိဗ္ဗာန်ဆိုသည်မှာ တဏှာမရှိခြင်းသာဖြစ်သည်၊ ရုပ်နာမ် မရှိခြင်းသာ ဖြစ်သည်၊ ဘာမှ မရှိခြင်း မဟုတ်ပေ။ အဘယ့်ကြောင့်ဆိုသော် ချမ်းသာခြင်း၊ လွတ်မြောက်ခြင်း၊ နူးညံ့ခြင်း၊ သိမ်မွေ့ခြင်း၊ အသိခက်ခြင်း စသော ဂုဏ်ရည်များ နိဗ္ဗာန်၌ အထင်အရှားရှိသည်။

 

ထို့ကြောင့် အဓိပ္ပာယ် ဖွင့်ဆိုခြင်းများသည် လွန်စွာအရေးကြီးသည်။ အဓိပ္ပာယ် ဖွင့်ဆိုမှု တိကျမှန်ကန်မှသာ ကျင့်သုံးဆောက်တည် နှလုံးသွင်း ဆင်ခြင်ရာ၌ အဆင်ပြေမည် ဖြစ်ကြောင်း ထပ်လောင်း၍ တင်ပြလိုပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

 

This entry was posted in Buddhism and tagged , , , . Bookmark the permalink.

One Response to သစ္စာတရားရှာဖွေရာ၌ တိကျသောအဓိပ္ပာယ်ဖွင့်ဆိုချက်များ လိုအပ်ခြင်း(၂)

  1. U OAK TTTK says:

    ဗုဒ္ဓဘာသာဝင်တို့၏ ရည်မှန်းချက်ပန်းတိုင်မှာ နိဗ္ဗာန်ဖြစ်ပါသည်။ ဗုဒ္ဓဘာသာဝင်တိုင်း ရည်မှန်းချက်ပန်းတိုင်ဖြစ်သော နိဗ္ဗာန်ကို အနုမာန မှန်းဆ၀င်စား သိမြင်ချင်ကြလေသည်။ သိလည်းသိသင့်လေသည်။ မြတ်ဗုဒ္ဓအလိုတော်ကျ မှန်ကန်တိကျစွာ အဓိပ္ပါယ်ဖွင့်ဆိုပေးနိုင်သည့် ပုဂ္ဂိုလ်များ ပေါ်ထွန်းသည့်အတွက် သာသနာတော်ဘက်မှ အထူးပင်အားရမိပါသည်။

    U OAK TTTK

Leave a Reply

Your email address will not be published. Required fields are marked *