တရားအရာ၌မှန်ကန်ရန်လိုသည်

Share

တရားအရာ၌မှန်ကန်ရန်လိုသည်

bism07 ယောဂီများ တရားအရာမှာ မှန်ကန်ဖို့လိုကြောင်း ကောင်းကောင်း သတိထားရမယ်။ ဘုရားဟောအတိုင်း ဖြစ်ရမယ်။ တရားကျင့်နည်းလေးမျိုးဆိုရင် လေးမျိုးဖြစ်ရမယ် – ကိုယ်က ငါးမျိုး၊ ခြောက်မျိုး လုပ်ချင်လို့ မရဘူး – ဒါဘုရားကို ကန့်လန့်တိုက်တာပဲ။

ဟောတဲ့ တရားကျင့်နည်းက လေးမျိုးပဲရှိတာ ယောဂီတွေ သိပြီးသားပါ။ ကာယ၊ ဝေဒနာ၊ စိတ္တ၊ ဓမ္မ လေးမျိုးပဲရှိတာ။

တစ်ချို့ကလည်း ထွင်ချင်ကြတယ်။ ပဉ္စမမြောက် တရားကျင့်နည်းတွေ ဘာတွေ ထွင်ချင်ကြတယ်။ ဒါ ဘုရားကို ကန့်လန့်တိုက်တာပါပဲ။ တရားနဲ့ ပတ်သက်လို့က မှန်ကန်ဖို့ အရေးကြီးတယ်။

စာရေးသူက တရားနဲ့ ပတ်သက်လို့ အမှန်အကန်ပဲ ပြောခဲ့ရေးခဲ့ ဟောခဲ့တယ်။ အနိစ္စရှုတယ်ဆိုတာ အမှန်ကန်ဆုံး တရာရှုနည်းပဲ ဖြစ်တယ်။ ဘုရားဟော တရားပဲ။ မှားစရာလည်း မရှိဘူး။ ယောဂီများလည်း ကျင့်နေလို့ ထိုက်တန်သလောက် အလေ့အကျင့်လည်း ရပြီ။ သမာဓိလည်း ရနေကြပြီ သိပ်ကောင်းပါတယ်။ ဒီအတိုင်းပဲ ဆက်ကျင့်ပါ။

ဘုရားဟော တရားအတိုင်းပဲ တစ်သွေမတိမ်းဘူး — အနိစ္စ လက္ခဏာ ဆင်ခြင်ခြင်းဟာ မြတ်စွာဘုရား အလိုတော်ကျများ ဖြစ်တယ်။ ဒါကြောင့် ဘုရားဟောတဲ့ တရားအတိုင်းပဲ ကျင့်ပါ။ အနိစ္စရှုပါ၊ ဖြစ်ပျက်ကို ရှုပါ။

ဘုရားဟော ကန့်လန့်တိုက်ပြီးတော့ ပဉ္စမမြောက် ကျင့်နည်းတွေ ဘာတွေ ထွင်တာကို သွားပြီးမယုံနဲ့ — မကောင်းတဲ့စိတ်အစား ကောင်းတဲ့စိတ် အစားထိုးမယ် ဘာညာနဲ့  — တရားကျင့်နည်း အမှားတွေကိုသွား မလိုက်နဲ့ ကိုယ်က ဒုက္ခဖြစ်မယ်။ မြတ်စွာဘုရားကို ကန့်လန့်တိုက်ရာကျတယ်။ အဲဒီ အသိုင်းအ၀ိုင်းကို မပါဖို့ အရေးကြီးပါတယ်။ အဲဒီ အသိုင်းအ၀ိုင်းကတော့ ငါ့မြင်းငါ့စိုင်း စစ်ကိုင်းရောက်ရောက် ဟောကြ ပြောကြတာ ဒါဟာ ဘုရားဟော အစဉ်အလာနဲ့ မကိုက်ညီဘူး။ နောက်ပြီးတော့လည်း ပြောကြဟောကြတာတွေက အမှန်အကန် မဟုတ်ကြဘူး။ အမှန်အကန်မှ အဖိုးတန်တာပါ၊ တန်ဖိုးရှိတာပါ၊ ခိုင်မာတာပါ။ အမှန်အကန် မဟုတ်ရင် လေလွင့်မှာပါပဲ။ လူလည်ခေါင် လေလည်သလိုပဲ အီး ဖြစ်သွားမှာပါ။

မမှန်မကန် လုပ်ကြံပြီး သတင်းလွှင့် ဖြန်ဖြူးတာတွေကလည်း နောက်ပိုင်းကျ အီးဖြစ်မှာပဲ ဖြစ်ပါတယ်။ ဒါတွေက အကြောင်းပြုစရာ အကြောင်းမရှိကြောင်း သတင်းကောင်း ပါးအပ်ပါတယ်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)  

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *