ဒေါက်တာချစ်ငယ်၏အတ္ထုပ္ပတ္တိ 16

ဒေါက်တာချစ်ငယ်၏အတ္ထုပ္ပတ္တိ

အပိုင်း (၁၆)

အရိယာတို့၏အရည်အချင်းများ

bcdအရိယာတို့၏ အရည်အချင်းများသည် ပင်ကိုအရည်အချင်းများ ဖြစ်သည်။ လုပ်ကြံ သတ်မှတ်ထားသောကြောင့် ရရှိသော အရည်အချင်းများ မဟုတ်ချေ။

ဥပမာ –

သန့်စင်သောသီလ

သန့်စင်သော သီလဆိုသည်မှာ အရိယာတို့၏ သီလသည် ရာသက်ပန်ဖြစ်သည်။ မသေမချင်း စောင့်စည်းသည်။ စောင့်စည်းသည် ဆိုရာ၌ အရိယာတို့က အကျိုးမဲ့ဖြစ်လို့ မလုပ်ဘူးဟု ဆုံးဖြတ်ပြီး ဆင်ခြင်စောင့်စည်းခြင်း ဖြစ်သည်။ သီလယူထားလို့ သီလမကျိုးပေါက်အောင် ယူတဲ့နေ့အတွက် စောင့်သည်ဆိုသည့်သဘော မဟုတ်ချေ။ ထာဝရသီလဖြစ်သည်။ ယင်းကား သန့်စင်သောသီလ ဖြစ်သည်။

အရိယာများ၌ သန့်စင်သောသီလ ရှိကြသည်။ သူတို့မလုပ်ဘူးဟူသောအရာများကို သေသည်အထိ မလုပ်ကြချေ။ မလုပ်ခြင်းမှာ တစ်စုံတစ်ခုသော ပညတ်ကြောင့် မလုပ်ခြင်း မဟုတ်ချေ၊ ရင်ထဲကိုက မလုပ်သင့်ဘူးဟု ယုံကြည်ပြီး မလုပ်ဘဲနေခြင်းအတွက် သက်သက်ဖြစ်သည်။ ယင်းကား အံသြဖွယ်ရာ ကောင်းသည်။ အကျယ်အကျယ် ရေးလျှင်မူ သန့်စင်သောသီလသည် ကုန်နိုင်ဖွယ်ရာ မရှိချေ။ လွန်စွာ သန့်စင်ကြသည်။ စိတ်ထားဖြူစင်ကြသည်။ အညစ်အကြေးကို ကိုယ်တိုင်မလိုလားအပ်သဖြင့် ပယ်ရှုကြခြင်းဖြစ်သည်။ အထူးစောင့်စည်းစရာမလိုချေ ယင်းကား သန့်စင်သော သီလဖြစ်သည်။

တည်ငြိမ်သောသမာဓိ

သမာဓိရှိလှသည်၊ ရေများပွက်ပွက်ဆူနေလျှင် အရိပ်မထင်ချေ။ ထို့အတူ တစ်စုံတစ်ယောက်သည် ကျီးကန်းတောင်းမှောက် ဖြစ်နေလျှင်၊ မျောက်အုန်းသီး ရသလို ဖြစ်နေလျှင်မူ တည်တည်ငြိမ်ငြိမ် မရှိသဖြင့် ၀င်စားနိုင်သော ဆင်ခြင်မှုများ  ဆိတ်သုဉ်းသွားတတ်သည်။ ထို့ကြောင့် တည်ငြိမ်သော သမာဓိရှိရသည်။ သမာဓိရှိသဖြင့် ရေသည်ကြည်လင်၍ ငြိမ်သက်နေရာ အရိပ်ထင်သည် ထို့အတူပင် သမာဓိ တည်တည်ငြိမ်ငြိမ်ရှိသဖြင့် “သမာဓိတော့ ယထာဘူတံ ပဇာနာတိ” ဆိုသော စကားအတိုင်း သမာဓိရှိမှ  အမှန်အကန် မြင်နိုင်သည်။

သူတော်စင်များသည် သမာဓိလွန်စွာရှိကြသည်။ တည်တည်ငြိမ်ငြိမ် ရှိကြသည်။ တည်ငြိမ်မှုကို ဂရုစိုက်ကြသည် ကျင့်အားလည်း ကောင်းကြသည်။ တည်ငြိမ်ပါဆိုလျှင် တည်ငြိမ်သွားလိုက်မလားအောင် အရည်အချင်းရှိကြသည်။

ဉာဏ်ပညာကိုလည်း အားကိုးနိုင်သဖြင့်မူ စိတ်ကတောက်ကဆဖြစ်သော်လည်း ဉာဏ်ပညာဖြင့် စာဥဒေါင်းအုပ်၍ ရှုလိုက်သောအခါ တည်ငြိမ်သွားသည်။ တည်ငြိမ်သော သမာဓိအကြောင်းကို ရေးရလျှင်မူ စာမျက်နှာများစွာ ရောက်သွားပေလိမ့်မည်။ တည်ကို တည်ငြိမ်ကြခြင်းဖြစ်သည်။ ထိုထက်လွန်သော တည်ငြိမ်မှုမှာ ပကတိတည်ငြိမ်မှု ဖြစ်သည်။

ပကတိတည်ငြိမ်ဖို့ဆိုရာ၌ အလိုလိုတည်ငြိမ်နေခြင်းဖြစ်ရာ ယခုမှ လုပ်ကြံ၍ တည်ငြိမ်ခြင်းမျိုး မဟုတ်ချေ။ ထိုတည်ငြိမ်မှုမျိုးကို အရိယာများ မွေးမြူကြသည်။ ဤကား တည်ငြိမ်သောသမာဓိ ဖြစ်သည်။

မြော်မြင်ဆင်ခြင်သောဉာဏ်ပညာ

အရိယာများသည် မြော်မြင်ဆင်ခြင်ကြသည်။ အရိယာများသည် ဆင်ခြင်ဉာဏ်ကို အသုံးပြုကြသည်။ ထိုးထွင်းဆင်ခြင်ကြသည်။ အရိယာများသည် အဆင်မခြင် မစူးမစမ်းဘဲ ပြုမူလေ့ မရှိချေ။ ယေဘုယျအားဖြင့် ဆင်ဆင်ခြင်ခြင် ပြုကြသည်။ ဆင်ခြင်ခြင်း၌ အမျိုးမျိုးရှိရာ အဆင့်မြင့်သောအခါ အခါမလပ် ဆင်ခြင်နိုင်သည်။ အခါမလပ်ဆိုသည်မှာ အချိန်မရွေး ဆင်ခြင်နိုင်သည်။ ဤအချိန် ဤအခါတော့ မဆင်ခြင်နိုင်လောက်ပါဘူးဟူ၍ မရှိလောက်အောင် မခါမလပ် ဆင်ခြင်နိုင်သောသဘော ရှိသည်။ ယင်းကား အဆင့်မြင့်သည်။ သို့သော် အရိယာ သူတော်စင်များသည် အခါမလပ် ဆင်ခြင်နိုင်သော ဉာဏ်ပညာကို လွန်စွာ တန်ဖိုးထားကြသည်။ ဆင်ခြင်မှုလည်း အလေ့အကျင့် ပြုကြသည်။ အခါမလပ် ဆင်ခြင်နိုင်သော ဉာဏ်ပညာသည် လွန်စွာမှ ထူးခြားသည် ဖြစ်ရာ ဆင်ခြင်မှု အပြည့်အ၀ ၀င်စားခြင်းပင်ဖြစ်သည်။ အခါမလပ် ဆင်ခြင်ခြင်းအကြောင်း ရေးရလျှင်မူ စာမူသည် လွန်စွာရှည်လျား သွားပေလိမ့်မည်။

ရင့်ကျက်သောအိနြေ္ဒ

အရိယာများသည် ရင့်ကျက်သော အိနြေ္ဒရှိကြသည်။ မျက်နှာ ဖူးမြော်လိုက်ရလျှင်ပင် ရင့်ကျက်သော အိနြေ္ဒကို ရရှိနိုင်သည်။ အရိယာများ၌ မရင့်မကျက် နုသောသဘော မရှိချေ။ အရိယာများသည် ထာဝရ ရင့်ကျက်နေကြသည်။ ကြည့်ရသည်မှာကို သဘောကျစရာကောင်းသည် နှစ်ခြိုက်စရာ နှစ်မြို့စရာ ကောင်းသည်။ ကြည်ညိုစရာလည်း ကောင်းသည်။ အိနြေ္ဒလွန်စွာမှရသည်။ ထို့ကြောင့် ရင့်ကျက်သွားသည် မနုချေ။ အရိယာများ၏ အိနြေ္ဒသည် ရင့်ကျက်ပြီးသားဖြစ်သည်။ ရင့်ကျက်၍ အဆင့်မြင့်သော အလေ့အကျင့်ကောင်း တည်ရှိပြီးသော အိနြေ္ဒမျိုးဖြစ်သည်။ ဟန်လုပ်၍ ယာယီတည်ဆောက်ရသော အိုးနင်းခွက်နင်း အိနြေ္ဒမျိုးမဟုတ်ချေ။ အရိယာများ၏ ရင့်ကျက်သော အိနြေ္ဒသည် လွန်စွာမှ ဖူးမြော်၍ကောင်းကြောင်း သတင်းကောင်း ပေးလိုပါသည်။

ခိုင်မာသောယုံကြည်ချက်

အရိယာများ၌ ယုံကြည်ချက် ခိုင်မာသည်။ တစ်စုံတစ်ခုသော လောကဓံများကိုတွေ့၍ ယုံကြည်ချက်သည် ပျက်ပြယ်သွားသည်ဟူ၍ မရှိချေ။ “ဧကော ဓမ္မော” ဖြစ်သည်။ တိဟိတ်ဖြစ်သည်။ ပြတ်သားပြီးသားဖြစ်သည်။ တရားဘက်က ထာဝရ ရပ်တည်၍ ကျင့်သုံးနှလုံးသွင်း ဆင်ခြင်သည်။ အမြဲတမ်း ခိုင်မာသည်။ ယုံကြည်ချက် ခိုင်မာသဖြင့် ပျက်ပြယ်နိုင်စွမ်း မရှိချေ။ လောကဓံ အနှောက်အယှက် အဖျက်အဆီးများ ရှိသော်လည်း ယုံကြည်ချက်မှာမူ မပျက်ချေ။ ယင်းကားခိုင်မာသော ယုံကြည်ချက်ဖြစ်သည်။ အရိယာတို့၏ ခိုင်မာသော ယုံကြည်ချက်သည် လွန်စွာမှ နှစ်လိုဖွယ်ရာ ကောင်းကြောင်း သတင်းကောင်း ပါးလိုပါသည်။

လေးစားသောစိတ်အစဉ်

အရိယာများသည် ရတနာမြတ်သုံးပါးကို လွန်စွာလေးစားသည်။ ဘယ်တော့မှ မထေမျက်မြင် မပြုချေ။ အမွန်အမြတ် တန်ဖိုးထားသည်။ လွန်စွာဦးညွှတ်သည်၊ ကိုင်းရှိုင်းသည်၊ ရိုသေသည်၊ တန်ဖိုးထားသည်၊ မြတ်နိုးသည်။ ယင်းကား အရိယာတို့၏ လေးစားသော စိတ်အစဉ်ဖြစ်သည်။ လေးစားမှု၌ အဓိကထားသည်။ မလေးမစား ဘယ်သောအခါမှ မပြုချေ။ ယင်းကား အရိယာတို့၏ အရည်အချင်းကောင်းများပင် ဖြစ်သည်။

တင်းကျပ်သောသဒ္ဒါ

အရိယာတို့၌ သဒ္ဒါတရား တင်းကျပ်သည်။ လျော့တိလျော့ရဲ သဒ္ဒါမျိုးမဟုတ်ချေ။ သဒ္ဒါ လျော့တိလျော့ရဲ ချိနဲ့သွားလျှင်မူ ပျက်ပြယ်သွားနိုင်သည်။ အရိယာတို့၏ သဒ္ဒါသည် လွန်စွာမှ တင်းကျပ်သည်ဖြစ်၍ မည်ကဲ့သို့သော လောကဓံတွေ့သည်ဖြစ်ပါစေ ထိုလေးစားသော စိတ်အစဉ်မှာ ပျက်စီး ရွေ့လျောသွားသည်ဟူ၍ မဖြစ်ချေ။ အင်မတန် လေးစားစရာကောင်းသော စိတ်အစဉ်ပင်ဖြစ်ကြောင်း သတင်းကာင်း ပါးလိုပါသည်။

မလျော့သောဇွဲ

အရိယာတို့သည် ဇွဲရှိသည်။ အဘယ့်ကြောင့်ဆိုသော် (၃၁) ဘုံမှ လွတ်လိုသောသဘော ရှိသောကြောင့် ဖြစ်သည်။ ထို့ကြောင့် ဇွဲရှိသည်။ ဇွဲသိပ်ကောင်းသည်၊ ဇွဲအလွန်ကောင်းသော သဘောရှိသည်။ လူသာမာန်များ လက်ဖျားခါလောက်အောင် ဇွဲရှိသည်။ ဇွဲကောင်းသည်မှာတော့မူ အထူးပြောဖွယ်ရာ မရှိလောက်အောင်ပင် ကောင်းသည်။

ဥပမာ – တစ်စေ့တစ်စောင်းလေးဆိုလျှင် – သချိုင်္င်းကုန်း၌ တရားအားထုတ်ရာ မည်ကဲ့သို့သော ခြောက်ခြားမှုများ ပေါ်ပါစေ၊ ဇွဲရှိရှိနှင့် ပြတ်ပြတ်သားသား တရားကို အားထုတ်တော် မူကြခြင်းဖြစ်သည်။ ဤကား မလျော့သောဇွဲဖြစ်သည်။

မပြတ်လပ်သောဝီရိယ

ဝီိရိယ ပြတ်လပ်သည်ဟူ၍ မရှိချေ။ ၀ီရိယသည် ထာဝရရှိနေသည်။ ၀ီရိယသည် ကျို့တို့ကျဲတဲ ၀ီရိယမျိုး မဟုတ်ချေ။ မပြတ်မလပ် ၀ီရိယ ထားသောကြောင့်ပင် မပြတ်လပ်သော ၀ီရိယရှိသည်ဟူ၍ အရိယာများအား ဂုဏ်ပြုကြည်ညို ပူဇော်ရသည်။ မပြတ်လပ်သော ၀ီရိယကို လွန်စွာတန်ဖိုးထားကြသည်။ ထို့ကြောင့်လည်း အရိယာများသည် တော်ကြခြင်းဖြစ်သည်။

ဤနည်းအားဖြင့် အရိယာတို့၌ ကောင်းမြတ်သော အရည်အချင်းများ အများအပြားရှိကြောင်း သတင်းကောင်း ပါးအပ်ပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *