ဒေါက်တာချစ်ငယ်၏အတ္ထုပ္ပတ္တိ 08

Share

ဒေါက်တာချစ်ငယ်၏အတ္ထုပ္ပတ္တိ

အပိုင်း (၈)

အရိယာစစ်စစ်တို့၏သဘောထားခံယူချက်တစ်ချို့

lotus-flower-images-and-wallpapers-3 အရိယာစစ်စစ်တို့၏ သဘောထားတစ်ချို့မှာ –

ကိုယ့်တရားကိုယ် နှလုံးသွင်းဖို့ လိုလားခြင်းပင် ဖြစ်ပါသည်။

ကိုယ့်တရားကို နှလုံးသွင်း နေရလျှင် ကျေနပ်သော သဘောကို ဆောင်သည်။ အထူးသဖြင့် တရားကို ၀င်စားရာ၌ တစ်ပါးသူတို့၏ အထင်ကြီးလိုမှု ခံယူခြင်း လုံးဝမရှိချေ။ တစ်ပါးသူတို့၏ အထင်အမြင်သည် တစ်ပါးသူတို့၏ အထင်အမြင်မျှသာ ဖြစ်ပေလိမ့်မည်။

အရိယာစစ်စစ်တို့သည် ကိုယ့်တရားကိုယ် နှလုံးသွင်းရင်း ထိုနှလုံးသွင်းရခြင်း၌ ပျော်ပိုက်လေ့ရှိကြသည်။ ထို့ကြောင့် နေရာရလိုမှုလည်း မရှိကြပေ။ တစ်ချို့က နေရာရလိုမှုအတွက် ကြိုးစားကြသည်။ ထိုက်တန်သောနေရာ အလိုလိုရရှိခြင်းကို လက်ခံသော်လည်း သက်သက်လုပ်ကြံ၍ နေရာရအောင် ပရိရာယ် အသွယ်သွယ်ဖြင့် ကြိုးစားခြင်းကို မနှစ်မြို့ကြချေ။

အထူးသဖြင့် အရိယာစစ်စစ်များသည် ပြည့်စုံကျေနပ်နေသော ပုဂ္ဂိုလ်များ ဖြစ်သည်။ ထို့ကြောင့် သူတို့သည် လုံလောက်သော နှလုံးသွင်းမှု အင်အားရှိကြသည်။ ထူးခြားသည်မှာ တရားဝင်စားသောအခါ တရား၏ ငြိမ်းချမ်းမှုကို ကိုယ်တိုင်ကိုယ်ကျ ခံစားရသောကြောင့် အခြားလိုအပ်သည်များ မရှိခြေ။ ယင်းကို အရိယာစစ်စစ် ဖြစ်သူများတော့ သိနိုင်ကြပေလိမ့်မည်။ အပြင်ကတော့မူ ပြင်ကလိုပင် စိတ်ဝင်စားကြပေလိမ့်မည်။ တစ်ပါးသူများ၏ သဘောထားများ၊ အယူအများနှင့် ကောက်ချက်များ၊ ထင်မြင်ချက်များကို လိုက်ချင်လိုက်ကြပေလိမ့်မည်။

ဤကား အရိယာစစ်စစ်တို့၏ ခံစားချက်နှင့် ရိုးရိုးပုဂ္ဂိုလ်တို့၏ ခံစားချက်များ ကွာဟခြင်းဖြစ်ပေသည်။ ဖြစ်ရခြင်းသည် လွန်စွာကောင်းမြတ်လေသည်။ မြတ်စွာဘုရား၏ အဆိုအဆုံးအမ၌ တည်သဖြင့် မြင့်မြတ်သောပုဂ္ဂိုလ် ဖြစ်သွားလေသည်။ ပုဂ္ဂိုလ်ထူး ပုဂ္ဂိုလ်မြတ်ဆိုသည်မှာ ရှိသည်။ ထူးခြားသည်ဆိုသည်မှာ လောကီသာလိုက်၍ လောကုတ္တရာမလိုက်သော အသိုင်းအ၀ိုင်း၌ လောကုတ္တရာ လိုက်လာသောအခါ ထူးခြားသည်။ မြင့်မြတ်သည် ဆိုသည်မှာတော့မူ မြတ်သောအကျင့်ကို နှလုံးသွင်းနိုင်သော အရည်အချင်းရှိခြင်းပင်ဖြစ်ကြောင်း သတင်းကောင်း ပေးအပ်ပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *