စိတ်ဝင်စားစရာလောကုတ္တရာ

စိတ်ဝင်စားစရာ

20160215_155915လောကုတ္တရာဆိုတာ လောက နဲ့ ဥတ္တရာ ပေါင်းထားတဲ့ သဘောပါပဲ။ လောကဆိုတာ ပျက်စီးတတ်တဲ့ အခြေအနေပေါ့။ ဥတ္တရာဆိုတာ လွန်မြောက်သွားတာ။ ဒီတော့ လောကုတ္တရာဆိုတာ ပျက်စီးတတ်တဲ့ အခြေအနေက လွန်မြောက်သွားတာပါပဲ။

အရေးကြီးတာနဲ့ လျှိူ့ဝှက်ချက်က လောကုတ္တရာ အကြောင်းကို အမှန်ထိုးထွင်း သိချင်ရင် ကိုယ်ကလည်း လောကုတ္တရာဖြစ်မှ ဖြစ်လိမ့်မယ်။ တကယ်လို့ ကိုယ်ကလောကီဖြစ်ပြီး လောကုတ္တရာအကြောင်းကို ၀င်စားရင် အဲဒါတော့ မှန်းဆတာပေါ့နော် – မျက်ရမ်းမှန်းဆတဲ့ သဘောပါပဲ၊ အနုမာနပါပဲ။

ကိုယ်တိုင်က လောကုတ္တရာ ၊ အရိယာဖြစ်သွားပြီးတဲ့ နောက်ပိုင်းမှာ ထိုးထွင်းဝင်ရောက်တဲ့အခါကျ နိဗ္ဗာန်ကို အတွင်းကျကျသိသွားတာ အဲဒါတော့ တကယ့်လောကုတ္တရာပဲ။

ဒီတော့ မှန်းဆလောကုတ္တရာနဲ့ တကယ်ထိုးထွင်းဆင်ခြင် ထိုးဖောက်သိမြင်တဲ့ လောကုတ္တရာ နှစ်မျိုးတော့ ရှိတာပေါ့။ မှန်းဆတယ်ဆိုတာကတော့ လောကဖက်ကနေ မှန်းဆရတာကိုး – လောကုတ္တရာဉာဏ် မရသေးဘူး။ လောကုတ္တရာဉာဏ် ရတဲ့အခါကျ အရိယာ မဂ်ဉာဏ် ဖိုလ်ဉာဏ်နဲ့ နိဗ္ဗာန်ထဲကို စံမြန်းလိုက်တော့ နိဗ္ဗာန်ရဲ့ အကြောင်းကို ပိုသိသွားတာက လောကုတ္တရာအသိပါ။

ဘာပဲဖြစ်ဖြစ် လောကုတ္တရာဟာ စိတ်ဝင်စားစရာ ကောင်းပါတယ်။ အဟုတ်သိချင်ရင်တော့ ကိုယ်တိုင် လောကုတ္တရာ မဂ်ဉာဏ် ဖိုလ်ဉာဏ်ရဖို့ လိုအပ်ကြောင်း သတင်းကောင်း ပါးအပ်ပါတယ်။

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , , , . Bookmark the permalink.

Leave a Reply

Your email address will not be published. Required fields are marked *