ဗုဒ္ဓဘာသာထဲကဘဝတစ်ခု 27

Share

ဗုဒ္ဓဘာသာထဲကဘဝတစ်ခု

အပိုင်း(၂၇)

 

ရွှေတိဂုံဘုရားကြီး၏ထူးခြားပုံ

 

shwedagon-pagoda       ဆရာမြတ်ကြီးသည် စာရေးသူအား ရွှေတိဂုံဘုရားသို့ ပို့ပေးတော် မူခဲ့ဖူးသည်။ ထိုအချိန်ကမူ စာရေးသူသည် သျှောင်ပေစူးမပါသော ကပ္ပိယ သာသာဖြစ်သည်ဟု ပြန်လှန် သုံးသပ်ပေရမည်။

အမှန်တော့မူ စာရေးသူသည် တောသားဖြစ်သည်။ အမရပူရမြို့ လိပ်ဆံခွန်ကျေးရွာ၌ မွေးဖွားခဲ့သည်။ ရွှေတိဂုံဘုရားသို့ ပထမဆုံးအကြိမ် ဖူးမြော်ခဲ့ဖူးခြင်းဖြစ်သည်။ ဆရာမြတ်၏ ကျေးဇူးတော်ပင် ဖြစ်သည်။ ဆရာမြတ်သည် သေသေချာချာ တကူးတကန့် ပို့တော်မူခဲ့သည်။

ယခုအချိန်၌ ပြန်လည်သုံးသပ်သည်ရှိသော် ရွှေတိဂုံဘုရားသည် လွန်စွာထူးခြားသည်။ ရွှေတိဂုံဘုရား၌ အဆူဆူတို့၏ ဓာတ်တော်မွေတော်များ ရှိသည်။ ယင်းကားလွန်စွာ ထူးခြားသည်။ တစ်ကမ္ဘာလုံး၏ အနှစ်သာရနှင့် မြန်မာနိုင်ငံ၌ရှိသော ရွှေတိဂုံ၏ အနှစ်သာရ နှိုင်းယှဉ်လျှင်မူ များစွာကွာခြားပေလိမ့်မည်။ ရွှေတိဂုံဘုရား၏ အနှစ်သာရသည် အဆူဆူတို့၏ ဓာတ်တော်မွေတော်များ ကိန်းဝပ်ရာဖြစ်သဖြင့် အမြတ်တကာ့ အမြတ်ဆုံးဖြစ်သည်။ ကမ္ဘာ၌ အမြတ်ဆုံးနေရာ တစ်ခုဖြစ်သည်ဟုပင် သုံးသပ်နိုင်သည်။ အဘယ့်ကြောင့်ဆိုသော် အမြတ်ဆုံးသော မြတ်စွာဘုရားတို့၏ ဓာတ်တော်မွေတော်များ ကိန်းဝပ်ရာ ဖြစ်သောကြောင့် ဖြစ်သည်။

ယခုအခါ ရွှေတိဂုံဘုရားကြီးသည် လွန်စွာမှ ကြည်ညိုစရာ ကောင်းကြောင်း မားမားမတ်မတ် ရပ်တည်သည်၊ လွန်စွာမှ အားကိုးရသည်၊ လွန်စွာမှ ဂုဏ်ယူဝမ်းမြောက်ဖွယ်ရာ အဖြစ်နှင့် ရပ်တည်နေသည်မှာ ဗုဒ္ဓဘာသာတို့၏ ထူးမြတ်သော ကုသိုလ်ကံပင် ဖြစ်သည်။ မြန်မာတို့၏ ထူးခြားသောကံပင် ဖြစ်သည်။ ယင်းကိုမူ မြန်မာ ဗုဒ္ဓဘာသာတိုင်း မှတ်တမ်းတင်၍ ကြည်ညိုပူဇော်ကြသည်။ ယခုအခါ ကမ္ဘာ၌ အထူးခြားဆုံးသော နေရာဌာနများကို ဖော်ပြပါဆိုလျှင်မူ မြန်မာနိုင်ငံ၏ ရွှေတိဂုံဘုရားကို ထည့်သွင်း၍ ပူဇော်ကြည်ညိုရမည် ဖြစ်ကြောင်း သတင်းကောင်း ပေးအပ်ပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , , . Bookmark the permalink.

Leave a Reply

Your email address will not be published. Required fields are marked *