ဗုဒ္ဓဘာသာထဲကဘဝတစ်ခု 25

Share

ဗုဒ္ဓဘာသာထဲကဘဝတစ်ခု

အပိုင်း(၂၅)

 

 ဆရာမြတ်ကြီးအကြောင်း (အဆက်)

အနာဂါတ်နှင့်ပတ်သက်၍ –

cartoon-lotus-picture,1366x768,56674 ဆရာမြတ်ကြီးသည် အနာဂတ်နှင့် ပတ်သက်၍ အခါအားလျော်စွာ ကြိုတင်၍ သိနားလည် ထားသည်ဟု ကြည်ညိုခဲ့ရပါသည်။ စာရေးသူတို့ တရားအားထုတ်စဉ် ဓမ္မယောဂီတစ်ဦးက ဆရာ့အား မိမိတရား ရ, မရ –

 

“တရားရနိုင်မည်လား” ဟု မေးမြန်း လျောက်ထားကြည့်ရာ၊ ဆရာက –

 

“စာရေးသူသည် တရားရမည့် ပုဂ္ဂိုလ်ဖြစ်သည်” ဟု အတိအကျ မိန့်မှာတော် မူခဲ့ဖူးလေသည်။

ထိုစဉ်က စာရေးသူသည် လွန်စွာဝမ်းသာခဲ့သည်။ သို့သော် ဘာမှ မသိခဲ့ပါ။ ယခုအခါတော့မူ သိပြီ။ မိမိတရားရခြင်းအပေါ် ဆရာသည် ကြိုတင်၍ သိမြင်နားလည်တော် မူခဲ့သည်ဟု၊ ဆရာ့အား အထူးကြည်ညိုမိလေသည်။

  တရားရသည် ဆိုသည်မှာ တရားရှုတတ်ခြင်းနှင့် သင့်တင့်စွာ နှလုံးသွင်းတတ်ခြင်းအပေါ် မူတည်ပါမည်။ စာရေးသူတို့သည် အနှစ်လေးဆယ်နီးနီး တရားအားထုတ်ခဲ့ကြသည်။ ယခုအခါ အသက် (၇၅) ပတ်ဝန်းကျင် ရှိပြီဖြစ်ရာ၊ အတွေ့အကြုံအားဖြင့် အထူးရင့်ကျက် လာခဲ့သည်။ အထူးသဖြင့် အခြားအရာများကို မပြောမူ၍ ဝိပဿနာတရား၌ တစိုက်မတ်မတ်၊ မပြတ်မလပ် ကျင့်ကြံအားထုတ် ခဲ့သောကြောင့် ဗဟုသုတ အထူးရကာ တရားအကျင့်၌ အင်အားကောင်း၍ အလျင်ရ၊ အရှိန်ကောင်းနေခြင်း ဖြစ်သည်ဟု မိမိကိုယ်ကို နားလည်ခဲ့သည်။

ထို့ကြောင့် ဆရာမြတ်ကြီးသည် အနာဂတ်ကို ကြို၍သိသော အချက်များ ရှိကြောင်းကို မိမိဘဝနှင့် ရင်းနှီး၍ သဘောပေါက် ခဲ့ရလေသည်။ ယခုအခါ စာရေးသူသည် မိမိသိသော တရားများကို စာဖတ်သူတို့အား အထိုက်အလျောက် ရေးပြနေပါသည်။

မိမိသည် ဆရာနှင့် (၁၀) နှစ် တပည့်ခံ၍ ကြိုးစားကာ၊ ယခုအခါ နှစ်ပေါင်း (၄၀) ဝန်းကျင် တရားဘာဝနာများ စီးမြန်းလျက်ရှိ၍၊ မသေမခြင်းလည်း ဆက်လက် တရားအားထုတ်နေမည် ဖြစ်ကြောင်း၊ သတင်းကောင်း ပါးအပ်ပါသည်။

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

This entry was posted in Buddhism and tagged , , . Bookmark the permalink.

Leave a Reply

Your email address will not be published. Required fields are marked *