ဗုဒ္ဓဘာသာထဲကဘဝတစ်ခု 23

Share

ဗုဒ္ဓဘာသာထဲကဘဝတစ်ခု

အပိုင်း(၂၃)

 

လမ်းတိုင်းသည်ပန်းခင်းသောလမ်းများမဟုတ်ကြပါ

 

beautiful-road-    စာရေးသူတို့သည် တရားကျင့်သောအခါ တရားတော်၏ စောင့်ရှောက်မှုကို ခံယူရမည်ဟု အဆုံးအမခံ ယုံကြည်ထားကြပါသည်။ “ဓမ္မောဟ ဝေရက္ခတိ ဓမ္မစာရိံ”  ဆိုသောစာလည်း ရှိသည် မဟုတ်ပါလော — တရားကိုစောင့်လျှင် တရားကပြန်စောင့်မည်

 

တရားကစောင့်ပါသည်၊ လုံးဝအာမခံချက်နှင့် စောင့်ပါသည်။ သို့သော် တရားစောင့်ခြင်းသည် တရားစောင့်ခြင်းပင်ဖြစ်၍၊ ရုပ်နာမ်ရခြင်းသည် ရုပ်နာမ်ရခြင်းပင် ဖြစ်ရာ၊ ရုပ်နာမ်ရသော ပုဂ္ဂိုလ်များအတွက် သွားရမည့် လမ်းခရီးတိုင်းသည် ပန်းခင်းသောလမ်းများ မဟုတ်ကြပါ။ ဆရာမြတ်ကြီးသည် စာရေးသူတို့အား ချစ်ခင်သနား ဂရုဏာ ထားတော်မူသည် – သို့သော် “မင်းတို့ လျှောက်ရမည့်လမ်းသည် ပန်းခင်းသောလမ်းများသာ ဖြစ်ရမည်” ဟူ၍ မည်သည့်အခါမှ အာမခံချက်မျိုး မဆိုမိန့်ပါ။

 

ခယောင်းတောကို ဖြတ်သန်းရလျှင်လည်း ဖြတ်သန်းတတ်အောင်သာ သွန်သင်တော်မူခြင်း၊ ဆုံးမထားခြင်း ရှိပါသည်။ ထို့ကြောင့် စာရေးသူတို့သည် တရားလုပ်သော်လည်း ပန်းခင်းသောလမ်းကို ထာဝရလျှောက်ရမည်ဟု ခံယူထားခြင်း မရှိပါ။ ခယောင်းတောများကို ဖြတ်သန်းသော အခါ၌လည်း အောင်မြင်စွာ ဖြတ်သန်းနိုင်ရန် အရည်အချင်းများ ပြုစုပျိုးထောင် ထားရပါသည်။ ဤကား စာရေးသူတို့၏ တာဝန်ပင် ဖြစ်ပါသည်။

 

အမြော်အမြင်ရှိသော သူတော်ကောင်း ဆရာသမားများကလည်း — “သွားသာသွား ပန်းခင်းသော လမ်းတွေချည်း” ဟူ၍ မိန့်လေ့မရှိကြပါ။ ဘဝဟူသည်မှာ ခက်ခဲကြမ်းတမ်းသော၊ မဖြောင့်ဖြူးသော လမ်းများ ရှိနိုင်ပါသည်။ ရုပ်နာမ်ရသဖြင့် ဒုက္ခပင်လယ် ဝေနိုင်ပါသည်၊ သို့သော် တရားရသဖြင့် တရားက စောင့်ရှောက်တော်မူပါသည်။ ထိုအခါ သက်တောင့်သက်သာ ရပါသည်။ အောင်မြင်စွာလည်း လျှောက်လှမ်းနိုင်ပါသည်။

 

ထို့ကြောင့် တရားသမားပင် ဖြစ်လင့်ကစား ထာဝရ ပန်းခင်းလမ်းကို လျှောက်ရမည်ဟု မခံယူထားအပ်သကဲ့သို့ တရားအားမထုတ်သူများလည်း ပန်းခင်းသောလမ်းကို ထာဝရ လျှောက်ရမည်ဟု မျှော်လင့်မထားသင့်ကြောင်း သတင်းကောင်း ပေးအပ်ပါသည်။

 

 

ဗုဒ္ဓစာပေဆုရ

ဒေါက်တာချစ်ငယ်(ဒဿန)

 

This entry was posted in Buddhism and tagged , , . Bookmark the permalink.

Leave a Reply

Your email address will not be published. Required fields are marked *